ဝတ္ထုတို ၁၅

ဦးပီလို့ ကျမတို့ကချစ်စနိုးခေါ်ကြတဲ့၊ ကျမတို့ သူငယ်ချင်းတွေ သိပ်ချစ်တဲ့ ဆရာတယောက် သန်လျင်မှာ သက်ရှိထင်ရှား ရှိနေဆဲပါ (အဲဒီ ဦးပီအကြောင်းကို လူသေးသေးလေး ဖြစ်ချင်တယ် ဆိုတဲ့ ဝတ္ထုလေး ရှိပါတယ်) အဲဒီဆရာ ဘီယာစမ်းဖောက်ကြည့်၊ ကျမက လိုက်လုပ်ကြည့်၊ သူက မုန့်လုပ် နည်းတွေပြ၊ ကျမက လိုက်လုပ်နဲ့ ... သူငယ်ချင်းတွေကတော့ ဦးပီနဲ့ ကျမလုပ်သမျှ ကောင်းကောင်း ဆိုးဆိုးကို အနစ်နာခံ မြည်းစမ်း ပေး ကြပါတယ်။ အဲဒီကာလတွေက ကျမတို့ သန်လျင်မြို့ကလေးမှာ ဦးပီရယ် ... အရောင်တွေ မစွန်းထင်း ကြသေးတဲ့ သူငယ်ချင်းတစုရယ် ... တကယ့်ကို လှပတဲ့ နေ့ရက်တွေကို အပူအပင် ကင်းကင်း ဖြတ်သန်းခဲ့ ကြပါတယ်။ အဲဒီရက်တွေထဲက တရက်ကို သတိရတာနဲ့ ဒီ တစ္ဆေတွေကိုခြောက်တဲ့ ည ဆိုတဲ့ ဝတ္ထုလေး ဖန်တီးဖြစ်တာပါ။

တစ္ဆေတွေကို ခြောက်တဲ့ ည
*
ဝဏ္ဏက မွေးနေ့လုပ်မယ်ဆိုတာနဲ့ ဒီနည်းကို စမ်းကြည့်ကြတာ ...။

မာလကာရွက်တွေခူး ဆိုတော့ မညည်းမငြူ။ အမေက ထမင်းအိုးတည်ခိုင်းရင်သာ အမျိုးမျိုး ကဂျီ ကဂျောင်ကျမယ် မီးသွေးမီးဖိုမွှေး ဆိုတောလည်း ပျော်ပျော်ကြီး လုပ်ပြီးသားပေါ့။ ၂ ပြည်ဝင် ဒန်အိုး ကြီးထဲ မာလကာရွက်တွေ ထည့်ပြုတ်၊ ဘီယာ ဖောက်မယ့်စဥ့်အိုးထဲမှာ သကြား ၁ပိဿာကို ထည့်ထား၊ မာလကာရွက်ပြုတ်ရည်တွေကို အဲဒီစဥ့်အိုးထဲ လောင်းထည့်။ အဲဒီစဥ့်အိုးရဲ့ အဖုံးက အရစ်ပါတဲ့ စလင်ဒါပုံ အိုးလေးလေ။ သူတို့အဖိုးအဖွားတွေ လက်ထက်က အရက်ထည့်တဲ့ အိုးလေး ထင်ပါရဲ့။ အရည်တွေ လောင်းထည်းပြီးရင် အဖုံးကို ကြပ်နေအောင် အဝတ်ခံပြီး ပိတ်ထားလိုက်တယ်။

အဲလိုပိတ်ထားတဲ့ အတိုင်း ၅ နာရီလောက်ထားရတယ်။ အဲလောက်ကျမှ စဥ့်အိုးလေးကို ဖက်ကြည့်၊ ကောင်မလေးတယောက်ကို ဖက်ရသလို နွေးနွေးလေး ဖြစ်နေပြီဆိုရင် တစေးထည့်လို့ရပြီ။ တစေး ကိုက မထည့်ခင် ဖောက်ရသေးတာ။

ပုဂံလုံး တလုံးထဲမှာ သကြားလေးနည်းနည်းထည့်၊ ရေနွေး ဆူဆူကို လောင်းထည့်ပြီး ခပ်နွေးနွေး ဖြစ်အောင်စောင့်၊ နွေးပြီဆို တစေးမှုန့်လေးတွေဖြူး၊ အပေါ်က အဖုံးအုပ်ထားလိုက်။ ၅ မိနစ်လောက် ကြာရင် ဖွင့်ကြည့် တစေးက ပေါက်ပြီး ဖောင်းဖောင်းကြီး ဖြစ်နေလိမ့်မယ်။ အဲဒါကို ခုဏက မာလကာရွက် ပြုတ်ရည်နဲ့ သကြား ရောထားတဲ့ ခပ်နွေးနွေး အိုးကြီးထဲ လောင်းထည့်၊ အလုံပိတ် ထားလိုက်။ ၃ ရက်လောက်ကြာရင် ပုလင်းသွတ်လို့ရပြီ ...။

ပုလင်းကို ဘယ်လိုသွတ်လဲဆိုတော့ ... ဗမာ့နည်း ဗမာ့ဟန်ပေါ့။ ဆိုင်ဖွန်လို့ခေါ်တဲ့ ပိုက်ကလေးနဲ့ အနည် မထအောင် ထည့်နည်းလေ။ ပုလင်းပိတ်တာကျတော့လည်း ဗမာ့နည်းဗမာ့ဟန် စိတ်ကူးတည့် သလိုပေါ့။ စက္ကူဗူးဆို့နဲ့ ကော်ချောင်းကို အစက်ချပြီး ပိတ်တဲ့နည်းလည်းပါတယ်။ ပုလင်းဖုံးကို သေချာကြပ်ပြီး ပျားဖယောင်းနဲ့ လုံအောင်ပိတ်တာလည်း ပါရဲ့။ အဓိကကတော့ သေချာလုံဖို့ပဲ။ ၁ လီတာပုလင်းတွေ အလုံး ၂၀ လောက် ရပြီဆိုတော့ အိမ်ထောင့်မှာ ဒီတိုင်း ထားလိုက်တယ်။ ၂ ပတ်လောက်ဆို သောက်လို့ရပြီတဲ့။ ဝဏ္ဏမွေးနေ့နဲ့ အတော်ပဲပေါ့။

* * * *

တကယ်က ကိုအေးကိုက ရှည်တာပါ။ သူက အီးပီစီမှာ မီတာဖတ်စာရေး လုပ်နေတဲ့ အချိန်ဆိုတော့ ... လူပျိုလူလွတ်သူ့အတွက် အီးပီစီက အိမ်ခန်းလေး တခန်းပေးထားတယ်။ အဲဒီ အိမ်ခန်းက သူတို့ မြို့လေးရဲ့ ၁၈ ကုန်းလို့ခေါ်တဲ့ နေရာ။ သူတို့ကတော့ အဲဒီနေရာကို ဝုသရင်းဟိုက်လို့ ခေါ်ကြတယ်။

ကွင်းခေါင်ခေါင်မှာ အဲဒီအိမ်ကလေးပဲ ထီးတည်း။ အိမ်ကလေးက တိုက်ပု ၂ ခန်းတွဲလေး။ တခန်းက ကိုအေးနေတယ်၊ နောက်တခန်းက ကိုအေးနဲ့ လုပ်ဖော်ကိုင်ဘက် အိမ်ထောင်သည် မိသားစုနေ ကြတယ်။

ဝဏ္ဏမွေးနေ့ ကျင်းပမယ်ဆိုတော့ ကိုအေးက “မင်းတို့ ငါ့အိမ်မှာ လာလုပ်ကြပါလား” လို့ လောကွတ် ချော်တယ်။ အားလုံးက ငပွေးတွေဥစ္စာ ... ကြိုက်တာပေါ့။ လူမနီး သူမနီး ကွင်းပြင်ကြီးမှာ အားရ ပါးရ လွတ်လွတ်လပ်လပ် ကဲရ၊ အော်ရမယ့်ဥစ္စာ ... ဒီသကောင့်သားတွေ မကြိုက်ရင် ဘယ်သူကြိုက်မလဲ။ တခုတော့ရှိတယ် .. ဘေး အခန်းမှာ လူရှိတယ် ဖြစ်ပါ့မလား ဆိုတော့ ကိုအေးက ဆောင့်ကြီး အောင့်ကြီးနဲ့ “ငါပိုင်တယ်” တဲ့။

အိုကေပေါ့ ... သူတို့ အဖွဲ့ထဲက ၂ ဦးတည်းသော မိန်းကလေးတွေက အမြည်းလုပ်မယ်။ လက်စွမ်းပြ ..။ ဝက်သားနဲ့ အမဲသားကို ပါးပါးလှီးပြီး ဆာတေးလုပ် ကျွမ်းကျင်သူကတော့ မမိုးစီပေါ့။ နောက် တယောက်ကတော့ ဟိုလိုလို သည်လိုလိုနဲ့ ... ဈေးလေး လိုက်ပေး .. ဆွဲခြင်းလေး ဝိုင်းဆွဲပေး ... ဒီလောက် ပါပဲ။

ညနေစောင်းတော့ သူတို့ရဲ့ပုလင်းတွေကို ခြင်းထောင်းတွေထဲထည့်။ ဒီဟာက တကယ် မူး၊ မမူး မသေချာတော့ ဝဏ္ဏက ဂရန်းလေး ၂ လုံး ဝင်ဆွဲခဲ့လိုက်တယ်။ ကိုအေးနေတဲ့နေရာ မြို့ပြင်မှာ၊ ညောင်သုံးပင်လို့ ခေါ်တဲ့ ခရစ်ယာန်သင်္ချိုင်းကုန်းကို ဖြတ်သွားရမှာ။ တော်တော်လေးလည်း ဝေးတော့ ဘီလီဆိုတဲ့ ကုလားလေးက သူ့ကားလေးနဲ့ ကြိုပို့လုပ်ပေးရှာတယ်။ ဒီတိုင်းတော့ ဘယ်လုပ်ပေးမလဲ ... သူလည်း ဒီအဖွဲ့ထဲ ပါတာကိုး။

ဆိုင်ကယ်ကလည်း ၂ စီးပါသေးတယ်။ ကားပေါ်မှာတော့ လူ ၆ ယောက်ရယ်။ ဝက်သား၊ အမဲသား ဗန်းတွေရယ်။ ကိုအေးကြီးအိမ်ကို ချီတက်သွားကြတယ် ဆိုပါတော့။ ကိုအေးရဲ့ ဂေဟာလေး ရောက်တော့ အိမ်ရှေ့ကနေ ခါးထောက်ပြီး ဆီးကြိုနေလေရဲ့။ သူ့အိမ်ကလည်း တကယ့်ကို သူတယောက်ထဲ နေလို့ရမယ့်အိမ်။ ၁၀ ပေပတ်လည်တောင် မရှိချင်ဘူး။ ဒီတော့ဘယ်သူမှ အိမ်ထဲ မဝင်ကြပါဘူး။ ရောက်တာနဲ့ အထုပ်တွေချပြီး အသားကင်ဖုိ့ မီးမွှေးကြတာပဲ။

* * * *

တကယ်က ကိုအေးမဆတ်ဆော့ရင် ဒီဇာတ်လမ်း ဖြစ်လာစရာ အကြောင်းကို မရှိဘူး။ အားလုံးက သူတို့ဘာသာလုပ်ထားကြတဲ့ ဘီယာပုလင်းတွေကို မြည်းကြည့်ချင်လှပြီ။ မီးမွှေးလို့ မပြီးသေးခင်မှာ ပုလင်းတွေကိုဖွင့်ပြီး စသောက်ကြည့်နေကြပြီ။

“အမယ် ဂတ်စ်အများကြီး မထတာကလွဲရင် တကယ့် ဘီယာ အရသာပဲဟ” လို့ အရင်ဆုံး စသောက် ကြည့်တဲ့ ကိုနောင်ကြီးက ပြောလိုက်တာနဲ့။ အားလုံးက ဝိုင်းမြည်းကြည့်ကြတယ်။ အရသာကတော့ မန္တလေး မန်းသီတာဥယျာဉ်ထဲမှာ ၉၀ ပြည့်နှစ် မတိုင်ခင်လောက်က ပုလင်းညိုလေးတွေနဲ့ ထည့်ရောင်း တဲ့ စည်ဘီယာ အရသာနဲ့ ခပ်ဆင်ဆင်။ ကိုယ့်ဘာသာ လုပ်တာဆိုတော့ အယ်လ်ကိုဟော ပါးဆင်း တေ့ခ်ျ က နည်းနေတယ်။ ကိစ္စမရှိဘူးလေ ...။ ဝဏ္ဏ ယူလာတဲ့ ဂရန်း ရွှေပတ်ကလေးကို ဖြည်လိုက် ကြတာပေါ့။

အကင်တွေက မကျက်သေးဘူး လူတွေက ထွေချင်နေပြီ...။ ဟက်ပီးဘက်ဒေးကို သံသေး သံကြောင်နဲ့ အော်ကြတယ်။ ပါလာတဲ့ဂစ်တာကို တဂွမ်ဂွမ်တီးရင်း ဝဏ္ဏက သူ့ရဲ့ အချိုးမကျ မလှပတဲ့ ဒူးရှည်ကြီး တွေနဲ့ ကိုးယိုးကားယား ကတယ်။

အဲဒီမှာ ကိုအေးက ခပ်တိုးတိုး လာသတိပေးတယ် “ ဟေးယောင်တွေ ဟိုဘက်ခန်းက လူတွေက သရဲ အရမ်းကြောက် တတ်တာနော်။ ခု ... မင်းတို့ကို ကြည့်ပြီး လန့်နေပြီ” တဲ့။

အဲဒီအချိန်မှာ ဝဏ္ဏက သူမွေးနေ့လက်ဆောင်ရထားတဲ့ သံပုရာခွံပုံစံ ဦးထုပ်လေးကိုဆောင်းလို့၊ လက်ဆောင်ရထားတဲ့ အသစ်စက်စက် အောက်ခံဘောင်းဘီ ကိုကျတော့ သူဝတ်ထားတဲ့ ဂျင်းဘောင်း ဘီရှည်ကြီးပေါ်က ထပ်ဝတ်လို့ ကွေးနေအောင် ကနေပြီ။ သရဲကြောက်တယ်လည်း ဆိုရော။ အားလုံးက ခပ်ထွေထွေနဲ့ အမဲသား ဝက်သား ကင်တွေကို မြှောက်မြှောက်ပြီး ... လာစားကြပါ ခေါ်လိုက် .. တဟားဟား ရယ်လိုက် ... အူမြူးလို့ ပိုကောင်းသွားကြတယ်။

တစိမ်းဆိုလို့ အဲဒီဘေးခန်းက လင်မယားရယ်၊ မိန်းမလုပ်သူရဲ့ အဖေကြီးရယ်၊ ကလေးလေးရယ်ရှိတာ။ ကွင်းပြင်ကြီးက ကျယ်လွန်းလို့ သူတို့ဘယ်လောက်အော်အော် ဘယ်သူမှ မကြားတဲ့ နေရာပေါ့။ အဲဒီတော့ ဂစ်တာတီးလိုက် အမေဂျမ်းကို ပင့်လိုက် ... ကိုကြီးကျော်ကို ခေါ်လိုက် ...။ ခဏနေတော့ ကိုအေးကြီးက လာ သတိပေး ပြန်ရော ..။

ကွင်းထဲဆိုတော့ လေကလည်း တဝူးဝူးတိုက်နေတာ။ ဇော်လေးက မြက်ခင်းပေါ် ပက်လက်လှဲလိုက်ပြီး ဒီမှာပဲ အိပ်တော့မယ်ကွာ ... လုပ်နေလို့ မနည်းဆွဲထူရတယ်။ မီးဖိုမီးကရဲရဲ ... လျှပ်စစ်မီးက ရှိတယ် ဆိုပေမယ့် ၄၀ အား မီးလေး တလုံးပဲ အိမ်ထဲမှာ ထွန်းထားတာ ဆိုတော့ လူရိပ်တွေက တကယ့်ကို တစ္ဆေသရဲတွေ ကနေသလိုပဲလေ။

“ဟေးယောင်တွေ။ ဟိုဘက်ခန်းက လူတွေ ကြောက်နေပြီကွ”

ကိုအေးက အဲလိုပြောလေ။ သူတို့ကို သတိပေးသလိုဖြစ်လေနဲ့ .... အော်လို့ ပိုကောင်း ... ခေါ်လို့ ပိုကောင်းလေ၊ မြူးလေနဲ့ ည ၁၁ နာရီကျော်လာတော့ လူစုခွဲပြီး ပြန်ဖို့ ပြင်ကြတယ်။ မပြန်လို့လည်း မဖြစ်တော့ဘူး။ စားစရာကော သောက်စရာပါ ကုန်ပြီလေ။ သူတို့ အသံတွေလည်း ဝင်နေပြီ။ အမဲသား တပိဿာ၊ ဝက်သား တပိဿာ ဆိုတာ နည်းတာမှတ်လို့။ အဲဒါတောင် ဝဏ္ဏက မဝဘူး လုပ်နေသေး ..။ ကွင်းပြင်ကြီးကို တိုင်တည်ပြီး သူစားမယ့် အသားတွေ ဘယ်သူလားစားလဲ၊ ဘာလဲ လုပ်နေလို့ မနည်း ချော့မော့ပြီး ပြန်ဖို့လုပ်ရတယ်။ ပုလင်းတွေ အားလုံးပြောင်ပြီ ... ။ ဟုမ်းမိတ်ဘီယာကတော့ ဟုတ်တာ မဟုတ်တာ အသာထား အဲဒီညက နာမည်တော့ အတော်ရလိုက်တယ်။ အားလုံးက ဘာပဲလာလာ မူးရင်ပြီးပြီ ဆိုတဲ့ဟာတွေ ဆိုတော့လည်း သိပ် အပြစ်တင်မခံရဘူးပေါ့လေ။

မွေးနေ့ရှင်ဝဏ္ဏရယ်၊ ဇော်လေးရယ်က ကိုအေးကြီးနဲ့ အိပ်ကျန်ခဲ့မယ်လုပ်လို့ ထားခဲ့ရတယ်။ ဘယ်လိုမှ ခေါ်လို့မရဘူး။ ပေကပ်ပြီး ကျန်ခဲ့လေရဲ့။

အပြန်ကျတော့ သူတို့ကားလေးက ညောင်သုံးပင် သင်္ချိုင်းရှေ့မှာ ထိုးရပ်သွားလို့ ဆင်းတွန်းကြရသေး တယ်။ ဒါပေမယ့်လည်း ခပ်တည်တည်ပါပဲ။ အားလုံး မူးနေတာ ဆိုတော့ ကြောက်ရကောင်းမှန်းလဲ မသိပါဘူး။ ကိုယ့်အိမ် အသီးသီးကို ရောက်တဲ့ထိ အားလုံး အော်ဟစ်နေဆဲပဲ။

* * *

မနက်ကျတော့ အားလုံး ပုံမှန်နိုးလာကြပါတယ်။ ထုံးစံအတိုင်း လပ်ကီးလက်ဘက်ရည်ဆိုင်ကို ချီတက် ကြတော့ ငုတ်တုတ်လေးတွေ ထိုင်နေတဲ့ ဝဏ္ဏနဲ့ ဇော်လေးကိုတွေ့ကြတယ်။ လက်ဖက်ရည် ခွက်လေးတွေ ရှေ့ချပြီး စကားလည်း မပြောဘဲ ငိုင်နေကြလေရဲ့။ ဝဏ္ဏက စပြောတယ် ...

“တရေးမှကို မအိပ်ရသေးဘူး ....”
“ဟုတ်ပါ့ကွာ .. တညလုံးကို မအိပ်ရသေးဘူး။ အဲဒါ မိုးလင်းခါနီးမှ မှေးခနဲ အိပ်ပျော်မလို့ကို ... ကိုအေးက အတင်းနှိူးပြီး ချောင်းထဲမှာ ရေသွားချိုးမယ် ဆိုလို့ ထချိုးရသေးတယ်” လို့ ဇော်လေးက ဆက်ပြောတယ်။
“အဲဒါက အရေးမကြီးပါဘူး။ ညက တော်တော် ပြဿနာ တက်သွားတာ” လို့ ဝဏ္ဏ ပြောလိုက်တော့ အားလုံး စိတ်ဝင်စားသွားကြတယ်။ ညက သူတို့ ပြန်လာတဲ့ ရှေ့ပိုင်းလေးကို သိပ်မမှတ်မိ ချင်ကြ တော့ဘူးလေ။

ဖြစ်ပုံကို ဝဏ္ဏကပဲ နတ်သံနှောပြီး ရှင်းပြတယ်။ သူတို့တွေ ပြန်လာကြတော့ ဝဏ္ဏနဲ့ ဇော်လေးရယ် ကိုအေးကြီးရယ်ပဲ ကျန်တော့တဲ့အချိန်။ လူနည်းသွားပြီဆိုတော့ ဂစ်တာလေးတီးပြီး ငြိမ့်မလို့လုပ်တုန်း ဘေး အခန်းက တစခန်း ထတော့တာပဲတဲ့။ အားလုံး တိတ်ဆိတ်သွားချိန်မှာ ဘေးအခန်းက အဘိုးကြီးကို တခုခု ဝင်ပူးတာ ဆိုပဲ။ သူတို့ သွားကြည့်တော့ အဲဒီတခုခုက ပူးပြီး ပြောနေတာတဲ့။ ဘာတွေ ပြောလဲ တော့ သူတို့ မသည်းကွဲကြဘူး။

ခဏ နေတော့ ပြန်ထွက်သွားတယ်တဲ့။ ဒါပေမယ့် မပြီးဘူး။ အားလုံး ငြိမ်သွားတဲ့အချိန် သူတို့ရဲ့ လေး ငါးနှစ်အရွယ်ကလေး ဖျားလို့တဲ့။ ကိုအေးကို ခေါ်ပြောပြန်ရော ... ။ အဲဒီအချိန်မှာ သူတို့က အိပ်တောင် ပျော်နေကြပြီ။ အော်သံ ဟစ်သံတွေကြောင့် လန့်နိုးသွားရတာနဲ့ သူတို့လည်း ဆက်မအိပ်နိုင်တော့ဘူး။ ကလေးကလည်း တကယ်ဖျားတာလို့ ပြောတယ်။ ညဦးက အကောင်းကြီးပဲ ခုဖျားတာဆိုတော့ နတ်ကိုင်တာပဲဖြစ်မယ်လို့ ကလေးအဖေက ပြောတယ်တဲ့။ အဲလိုနဲ့ နတ်ဝင်ပူးလိုက်၊ သရဲဝင်ပူးလိုက်၊ ကလေးဖျားတယ်ဆိုပြီး အော်လိုက်နဲ့ သူတို့ ၂ ယောက် တညလုံးမအိပ်ရတော့တာတဲ့။

“ခု ကိုအေးကြီးကော” လို့ ကိုရဲက မေးတော့ ဟိုဘက်ခန်းက လူတွေနဲ့ စကားပြော ကျန်ခဲ့တယ် လို့ ပြောကြတယ်။

* * *

တရားခံက ကိုအေးပဲ။ တကယ်က အဲဒီသူ့ဘေးအခန်းက လူတွေက နတ်တွေ၊ တစ္ဆေ၊ သရဲတွေကို အရမ်းယုံပြီး ကိုးကွယ် တာကို သူက ကြည့်မရတာနဲ့ မှတ်လောက်သားလောက်အောင် ပညာ ပေးချင်လို့တဲ့။ ဒါပဲ။ ကြည့်မရလည်း ဘယ်တတ်နိုင်မလဲ သူတို့ဟာ သူတို့ နေတဲ့ ကိစ္စ ကိုယ်က ဘာပြောနိုင်မှာ မို့လို့လဲ။

ဒါပေမယ့် သူက အေးအေး မနေဘဲ ဒီအုပ်စုကို ခေါ်ပြီး မြှောက်ပေးတာ။ ဒီလူတွေက ဘာမှန်းမသိ၊ ညာမှန်းမသိ မူးရူးပြီး အော်ချင်ရာ အော်၊ ရွတ်ချင်ရာရွတ် လုပ်ကြတာ။

သူ မီတာလိုက်ဖတ်တဲ့ စက်ဘီးလေးကို ဒေါက်ထောက်ပြီး လပ်ကီးထဲ ဝင်လာတာကို အားလုံးက မျက်ခြေမပျက် ကြည့်နေကြတယ်။ သူလာမှ သတင်းစုံ သိရမှာ မဟုတ်လား။ သူ စားပွဲမှာ ဝင်ထိုင် လိုက်တာကို အားလုံးက ဘယ်လိုလဲဆိုတဲ့ မေးခွန်းမျက်လုံးတွေနဲ့ ကြည့်လိုက်ကြတယ်။ သူကလည်း သိပါတယ်။ သူတို့ကို ပြုံးစေ့စေ့နဲ့ ကြည့်တယ် ပြီးတော့ ....

“ညက မင်းတို့ အမဲသား ခေါ်ခေါ်ကျွေးတဲ့ သရဲက အဖိုးကြီးကို ဝင်ဝင်ပူးတာတဲ့ကွ”
“ဟင် ဝင်ပူးပြီး ဘာပြောလဲ” လို့ ကိုနောင်ကြီးကဝင် မေးတယ်။
“အဲဒါ သရဲက သူ တကယ် အမဲသားမစားရလို့တဲ့။ သူ့ကို ခေါ်တုန်းက ခေါ်ပြီး မကျွေးလို့တဲ့”
အားလုံးက ကိုအေးကိုပဲ စိတ်ဝင်တစားကြည့်နေကြတယ်။ သူတို့ဘဝမှာ ဒါမျိုး တခါမှ မကြုံဖူးတာဘဲ။ ဝဏ္ဏကတော့ မနေနိုင်ဘူး ... “နေပါဦး .. ခေါ်ကျွေးသားပဲ။ သူ့ဟာသူ ကျနော်တို့စားသလို ဝင်ယူစားပေါ့” လို့ ဝင်ပြောတယ်။

“မရဘူးကွ ... အဲလိုလုပ်လို့မရဘူးတဲ့။ သေချာကျွေးရမှာတဲ့။ အဲလို မကျွေးရင် ကလေးကို တခုခု လုပ်မှာတဲ့။ အဘိုးကြီးက ငါ့ကိုပြောတယ်ကွာ။ အမဲသား တပိဿာဖိုးနဲ့ ကန်တော့ပွဲကြေး ဘာကြေး ညာကြေးတွေကို ငါကပေးရမယ်တဲ့။ မပေးရင် ငါ့ကို အီးအီးနဲ့ တိုင်မယ်တဲ့ကွ။ ပြီးတော့ သူ့ကို မကျွေးမချင်း ညတိုင်း ဝင်ပူးနေရင် ငါ အိပ်ရမှာ မဟုတ်ဘူးတဲ့။ အဲဒါနဲ့ ငါလည်း ဘုံပျောက်မှာစိုးလို့ မီတာဖိုး ပိုက်ဆံတွေထဲက ၂၀၀၀ ထုတ်ပေးခဲ့လိုက်တယ်။ အဲဒါ မင်းတို့ ငါ့ကိုပြန်ပေးကြကွာ”

ဘယ်တတ်နိုင်မလဲ ... ပေးလိုက်ရတာပေါ့။ မပေးနိုင်ရင် ဒီလူကြီး ပြဿနာတတ်မှာလေ။ အဲဒီတုန်းက ၂ ထောင်ဆိုတဲ့ ပိုက်ဆံက နည်းတာ မဟုတ်ဘူး။ လက်ဘက်ရည်တခွက်တောင် ၁၀ ပဲရှိသေးတာ။

ဇာတ်လမ်းကတော့ ဒါပါပဲ။ အမဲသားကို တကယ်ပဲ အဲဒီသရဲက စားလား မစားလားတော့ သူတို့ သွားမကြည့်ဖြစ်လို့ မသိပါဘူး။ ကိုအေးပြောတာတော့ နောက်နေ့ကစပြီး ကလေးလည်း မဖျား တော့ဘူး။ မာမာချာချာပဲတဲ့။ အဘိုးကြီးကိုလည်း သရဲက ဝင်မပူးတော့ပါဘူးတဲ့။ သရဲဆီက စွန့်တဲ့ အမဲသား ဟင်းတခွက်တောင် ကိုအေးကို ပို့ပေးသေးတယ်ဆိုပဲ။ ဝဏ္ဏကတော့ သရဲတွေက အမဲသားကို အစိမ်းစားလား၊ နှပ်စားလား ရီဆာ့ခ်ျလုပ်ကြည့်ချင်သေးတယ်တဲ့။

ဒီပွဲမှာ တယောက်ယောက်တော့ ပညာရသွားတာ အမှန်ပဲ။ ဘယ်သူကပညာပေးပြီး ဘယ်သူက ပညာရသွားတာလဲတော့ မသိဘူး။ သြော် ကိုအေး ပိုက်ဆံ ၂ ထောင် ထုတ်ပေးချိန်မှာ အဘိုးကြီးက တခွန်းတော့ ပြောလိုက်သေးတယ် ...။

“အေးကွ ကိုအေးရ။ အဘက ညတုန်းက မင်းတို့ အမဲကင်နံ့ရပြီး စားချင်နေတာ။ ရွာမှာ ဆိုရင်တော့ ထရေလေးနဲ့ပေါ့ကွာ” တဲ့။

တော်သေးတယ်။ သရဲက အမဲသားပဲစားချင်လို့သာပေါ့ ... ညက သူတို့သောက်တဲ့ ဘီယာမှ သောက်ချင် ပါတယ်ဆိုသွားပြီ... ဝယ်လို့လည်းမရဘူးလေ။ သူတို့အားလုံးရဲ့ စိတ်ထဲမှာတော့ အသိတရားလေး တခု ရသွားပါတယ်။ သရဲပဲဖြစ်ဖြစ် တစ္ဆေပဲဖြစ်ဖြစ် ခေါ်ပြီးရင် သေသေချာချာကျွေး။ သေသေချာချာတိုက်။ မဟုတ်ရင် နောက်ဆက်တွဲ ပြဿနာတွေ ဖြေရှင်းရလိမ့်မယ်။



6 comments:

ATN said...

တော်တော် လူလည်လုပ်တဲ့ သူရဲပဲဗျ။း)

Kaung Kin Ko said...

ကျွန်တော်တောင် သရဲ ဖြစ်ချင်လာပြီ။ ကျွန်တော် သရဲဖြစ်ရင်တော့ ဘီယာပါ အဆက်ခိုင်းမယ်။ :D

mm thinker said...

ဟိုနေ့က ကျနော်ရောက်တုန်းက သရဲကြောင့် အရက်ပြတ်သွားတဲ့ ဦးလေးအကြောင်း ပြောပြမလို့ဗျ။ အစ်မက ထပ်မှ မမေးတာ။ နောက်တော့ ပြောပြမယ်။ ဝတ္ထုရေးပေါ့။

သင်ကာ

Han Thit Nyeim said...

ကျွန်တော်ကတော့ အစ်မလုပ်တဲ့ ဟုမ်းမိတ်ဒ် ဘီယာကိုပဲ သောက်ချင်တယ်...။ အဲဒီအခါ သရဲခေါ်ချင်ရင်တော့ အင်းအိုင်၊ လက်ဖွဲ့ကျွမ်းတဲ့ ကိုသင်ကာကို ခေါ်ခိုင်းပေတော့...။

Andy said...

ကောင်းတယ် ကောင်းတယ်... သွားခေါ်တာကိုး...
ဘီယာပါ မတိုက်လိုက်ရတာ ကံကောင်း

ဖိုးဂျယ် said...

ဟီးဟီး ဘီယာလေးတော့ သောက်ကြည့်ချင်တယ်။ အစည်းအဝေးကျရင် အဲ့တာနဲ.ဧည်ခံရင် သဘာငတိတို.က တက်ပြီးသားပဲ။