Wordpress Themes

ဒီမနက် အီးမေးလ်ဖွင့်လိုက်တာနဲ့ ကိုစိုးဝင်ငြိမ်းပို့ထားတဲ့ တကြောင်းထဲသောစာတန်းကလေးက ဆီးကြိုလို့နေပါတယ်။ အဲဒါကတော့ ဘယ်လိုမှ မင်္ဂလာမရှိနိုင်တဲ့ သတင်းတပုဒ်ပါ “ခုမနက် ၇ နာရီ ၁၅ မိနစ်က ပန်းချီဝသုန်တယောက် တီဘီရောဂါနဲ့ ကွယ်လွန်ရှာပြီ” ဆိုတဲ့သတင်းပဲ ဖြစ်ပါတယ်။

စိတ်မကောင်းခြင်းကြီးစွာ ဖြစ်ရတယ် ဆိုတာလောက်နဲ့ မလုံလောက်ဘူးလို့ထင်ပါတယ်။ ဆရာ့ရဲ့ ပန်းချီသဘောတရားတွေ၊ ကောက်ကြောင်းတွေ ကျမဘာမှမပြောလိုပါဘူး .... ပြောမယ့်သူတွေ ဒုနဲ့ဒေးပါ။ ကျမက ပန်းချီနဲ့ လုံးလုံးမနီးစပ်သူဖြစ်ပါတယ်။

ဆရာဝသုန်နဲ့ပတ်သက်လို့ ကျမရဲ့စီပုံးမှာ မောင်တယောက်ကဝင်ရေးသွားတယ် ဆရာဝသုန့်ကို ဆုံးရှုံးတာ ပန်းချီဆရာတယောက်တင်မဟုတ်ဘူး ဝတ္ထုတိုရေးသူတယောက်ပါ ဆုံးရှုံးရတာတဲ့။ ဟုတ်ပါတယ်။ ဆရာဝသုန်ရဲ့ ဝတ္ထုတိုလေးတွေ တော်တော်များများ ကျမဖတ်ဖူးပါတယ်။ ဒါပေမယ့် ကျမရဲ့ ညံ့ဖျင်းမှုကြောင့် ဘာဝတ္ထုတိုတွေလဲဆိုတာတော့ မပြောနိုင်တော့ပါဘူး။ ဝတ္ထုတိုအရေးကောင်း သူတယောက် ဆိုတာကတော့ သေချာပါတယ်။ သတိရသူများရှိရင် ကျမကို သတိပေးစေချင်ပါတယ်။

ဆရာဝသုန်လို့ ပြောလိုက်တာနဲ့ ကျမရဲ့ မျက်စိထဲမှာပြေးမြင်လိုက်ရတာက ကျမတို့ငယ်ငယ်က လစဉ်စောင့်ဖတ်ရတဲ့ မဂ္ဂဇင်းအခန်းဆက် ရုပ်ပြတွေပါ။ ဆိုရရင် ကျမ ဆရာချစ်ဦးညိုရဲ့ လင်္ကာဒီပချစ်သူ တို့ ချစ်သောပါဒဧကရီတို့ကို ကြိုက်လွန်းလို့ အခါခါ ဖတ်ခဲ့ပေမယ့် ဆရာဝသုန့်ရဲ့ လက်ရာ ရုပ်ပြတွေကိုကျတော့လည်း ကျမတို့ ရင်ခုန်စွဲမက်စွာနဲ့ စောင့်ဖတ်ရပြန်ပါတယ်။

ကျမမျက်စေ့ထဲမှာ ခုထိ ဆရာသရုပ်ဖော်ထားတဲ့ ဒဿဂီရိကို မြင်နေတုန်းပဲ။ ပြီးတော့ ရာမ၊ လက္ခဏနဲ့ သီတာ၊ ညီတော်ဘိဘိသန၊ ဂမ္ဘီ ... ပြီးတော့ .... ဇာတ်ကောင်ပေါင်းများစွာ ..။ ပြီးတော့ ချစ်သော ပါဒဧကရီဟာလည်း ဆရာချစ်က စာနဲ့ ဖွဲ့နိုင်သမျှလှအောင် ဖွဲ့ထားသမျှ ဆရာဝသုန်က သူ့စုတ်ချက်နဲ့ ချယ်မှုန်းထားတာ စာလုံးတွေကိုမီတယ်လို့ ပြောရမယ်ထင်တယ်။ ပါဒဧကရီရဲ့ အလှနဲ့ မာနတွေက ဝတ္ထုဖတ်ပြီးတဲ့ကျမကို ထပ်ဖတ်ဖို့ ထပ်ကြည့်ဖို့ ဆွဲဆောင်လွန်းလို့ လတိုင်း အဲဒီစာအုပ်တွေကို မျှော်ရတာ အမောပါ။ ပါဒဧကရီရဲ့ မာနရောင်လက်နေတဲ့ မျက်လုံးတွေက ဆွဲဆောင်လွန်းလို့ တလ တလ အမြန်ကုန်ပါစေဆုတောင်းခဲ့ရတာ။ ကျန်သေးတယ် ပန်းချီဆရာလေး ဒီပါရဲ့ နူးညံ့တဲ့ ရုပ်ပုံလွှာ ....။

ကျမအမှတ်မမှားဘူးဆိုရင် ချစ်သောပါဒဧကရီက ပန်မဂ္ဂဇင်းမှာ အခန်းဆက်၊ လင်္ကာဒီပချစ်သူက ရှုမဝ အခန်းဆက် နောက်ပြီး ဆရာကြီးရွှေဥဒေါင်းရဲ့ ဦးစံရှားက ချယ်ရီအခန်းဆက်လို့ ထင်ပါတယ်။ မှားချင်လည်း မှားနိုင်တဲ့အတွက် ငြင်းချင်တဲ့သူတွေ ငြင်းနိုင်ပါတယ်။ ဆရာဝသုန်ဆွဲတဲ့ ဦးစံရှားမှ တကယ့် ဦးစံရှားလို့ ကျမ ငယ်ငယ်က ထင်ခဲ့ဖူးတာပါ။ ဒီပန်းချီဆရာ တကယ့်ဦးစံရှားရှေ့မှာများ သွားထိုင်ကြည့်ရေးထားလားလို့ကို ထင်ခဲ့ဖူးတာ။ အဲဒီ ၃ ခုလုံး ရုပ်ပြစာအုပ်အဖြစ်နဲ့ ထွက်ခဲ့ပါတယ်။

ကျမ ဆရာဝသုန့်ကို အဝေးကပဲမြင်ဖူးပါတယ်။ သူက ကျမဦးလေးတွေနဲ့တော့ တော်တော်လေး ရင်းနှီးတယ်။ ကျမဦးလေးတွေက ပန်းချီလည်းရေးကြပြီး ပန်းချီသမားကို ချစ်ကြတဲ့သူတွေကိုး။ နောက် ကျမမောင်အငယ်ကောင် ယဉ်ကျေးမှုတက္ကသိုလ်မှာ ပန်းချီမေဂျာတက်တော့ ဆရာ့ရဲ့သား မျိုးထွန်းနဲ့ သိခွင့်ရတယ်။ ဆရာ့ရဲ့တချို့သော အချစ်ဆုံးရောင်းရင်းကြီးတွေနဲ့ ကျမ ဦးလေးသားချင်းလို ရင်းနှီးပေ မယ့် ဆရာနဲ့တော့ တခါမှ စကားတောင်မပြောဖြစ်ပါဘူး။

ကျမကြားဖူးသလောက် ဆရာကမာနကြီးတယ်တဲ့။ သူ့ရဲ့မာနက အကန့်အသတ်နဲ့ ... စာသမားတွေ ပန်းချီသမားတွေအပေါ်မှာ ကြီးတာမဟုတ်ပါဘူး။ တခြားနယ်ပယ်က အနံကြီးကွင်းကျယ်တွေနဲ့ဆို မာနကြီးတယ်လို့ပြောတာပါ။

အငယ်ကောင်ကို အကြောင်းပြုလို့ ကျမက ပန်းချီသမားတွေကို ရင်းနှီးခင်မင်ပါတယ်။ မနက်က ဆရာ့သတင်းကို ဆရာ့သားမျိုးထွန်းရဲ့သူငယ်ချင်း ပန်းချီဆရာတွေကို တယောက်ချင်းစီ လိုက်ပြော ဖြစ်ပါတယ် (အွန်လိုင်းကနေပါ)။ ကျမပြောမှ သူတို့သိကြတာ။ သူတို့လည်း တော်တော် စိတ် မကောင်းကြဘူး။ ဝလုံးကတော့ ချက်ချင်းသွားလိုက်မယ်လို့ပြောပါတယ်။ ကျမကတော့ မသွားနိုင် ဘူးပေါ့။ စိတ်မှန်းနဲ့ပဲ ဆရာ့ကို ဂုဏ်ပြုလိုက်ပါတယ်။

ပန်းချီအကြောင်းကို ကျမသေချာမပြောတတ်ပါဘူး။ သို့သော် ကျမသိသလောက် ဒီခေတ် မျိုးဆက်သစ် ပန်းချီဆရာတွေ များလာပေမယ့် ဆရာ့လိုင်းမျိုးရေးတဲ့သူ တယောက်မှ မရှိပါဘူး။ မကြာခင်မှာ လုပ်မယ့် မဂ္ဂဇင်းသရုပ်ဖော်ပုံရေးတဲ့ ပန်းချီဆရာတွေပြပွဲလုပ်ရင် ဆရာ့ကားတွေလည်း ပါမယ်လို့ မျှော်လင့်ရပါတယ်။ ဆရာက မဂ္ဂဇင်းသရုပ်ဖော်ပုံတွေကိုလည်း သေသေချာချာ ရေးတာကိုး။

မကြာခင်ကမှ ဆရာ့ရဲ့ ဒေါ့ကူမန်ထရီလေး အတွက် ဒါရိုက်တာ ကြည်ဖြူရှင်က ဆုရခဲ့သေးတာနော်။ ဆရာက ရုပ်ရှင်ထဲလည်း ဝင်ပြီး သရုပ်ဆောင်ခဲ့သေးတယ်လို့ မမေငြိမ်းကပြောပြတယ်။ ကျမကတော့ သေချာမမှတ်မိပါဘူး။ ဆရာဦးဝင်းဖေရိုက်တဲ့ “မြင့်မိုရ်ထက်မြင့်သော” မှာ စိတ္တဇဝေဒနာရှင်အဖြစ် ဝင်သရုပ်ဆောင်ပေးရတာလို့ ပြောပါတယ်။

သေချာတာတခုကတော့ ကျမတို့အားလုံးအတွက် အဖိုးမဖြတ်နိုင်တဲ့ အနုပညာသမားတယောက် ဆုံးရှုံးရပြန်တာပါ။ အဖိုးတန် အနုပညာသမားတွေဟာ ဒီလိုနဲ့ပဲ ကြွေလွင့်ရတော့မှာလားလို့ တယောက် သွားတိုင်း တခါ ကျမကြေကြေကွဲကွဲ နာနာကျင်ကျင် စဉ်းစားမိတယ်။

ညကောင်းကင်မှာ ကြယ်တွေက အများကြီးပါ ... ဒါပေမယ့် ဝသုန် ဆိုတဲ့ ကြယ်ကတော့ တပွင့်ထဲ ...။

****

နောက်ဆက်တွဲ။ ။ ပန်းချီဝသုန့်အကြောင်း အသေးစိတ် သိချင်ရင်တော့ ကိုတောကျောင်းက သေသေချာချာ ရေးပြထားပါတယ်။ သူ့ရဲ့ အတိုဆုံး ဝတ္ထုတိုလေးကိုတော့ နန်းညီ ဆီမှာ သွားဖတ်နိုင်ပါတယ်။