ဝတ္ထုတို ၂

ကျမတို့ ငယ်ငယ်ကတည်းက အရမ်းကို ချစ်ခင်ရတဲ့ ဆရာတယောက် ရှိပါတယ်။ သူက ကျမတို့ သူငယ်ချင်း တစုကို အင်္ဂလိပ်စာ သင်ပေးတယ်၊ သီချင်းဆို သင်ပေးတယ်၊ တချို့ကို စန္ဒရား သင်ပေးတယ်၊ တချို့ကို ဇာထိုး ပန်းထိုး သင်ပေးတယ်၊ တချို့ကို ပန်းအိုး အလှပြင် နည်း သင်ပေးတယ်၊ ကျမကျတော့ သူ့ဆီက ၀ိုင်ဖောက်နည်းတွေ ဘီယာ ချက်နည်းတွေ၊ ကိတ်မုန့်တို့ ပေါင်မုန့်တို့ လုပ်နည်းတွေ အစားအသောက် ချက်ပြုတ်နည်းတွေ သင်တယ်။ သူက စန္ဒရားတီး အရမ်းကောင်းသလို သီချင်းဆို အရမ်းကောင်းတယ်။ ပြီးတော့ သူက ကျမတို့ကို သဘာဝကို ချစ်တတ်အောင် သင်ပေးတယ်။ လူပီပီသသ အသက်ရှင်တတ်အောင် သင်ပေးတယ်။ ကျမတို့ သူနဲ့အတူ သီချင်းတွေ ဆိုကြတယ်။ သူဖောက်တဲ့ ၀ိုင်တွေကို အတူသောက်ကြတယ်။ သူဖုတ်တဲ့ ကိတ်တွေကို အတူစားကြတယ်။ သူဖန်တီးတဲ့ အနုပညာ လက်ရာတွေကို ကြည့်ပြီး တတ်သလောက် မှတ်သလောက် ဝေဖန်ကြတယ်။ (သူက ဇာထိုး ပန်းထိုး ထိုးရင်တောင် သူများတွေလို အဆင်တဆင်ကို ၂ခါ ဘယ်တော့မှ ပြန်မထိုးဘူး)။

တဖြည်းဖြည်းနဲ့ ကျမတို့ကသာ ကြီးသွားတယ်။ သူကတော့ ဒီပုံက ဒီပုံစံပဲ။ ကျမတို့က ဘ၀အမောတွေကြားမှာ ရှုပ်ထွေး နေပေမယ့် သူက ကျမတို့ထက် ငယ်တဲ့ ကလေးတွေကို ကျမတို့ကို သင်ပေးခဲ့ ဖူးတာတွေ ဆက်သင်ပေးနေတယ်။ ကျမအထင်တော့ သူ့ဆီက သင်ယူသူတိုင်း သူသင်သမျှ အကုန်မရ ပါဘူး။ ကျမက အစပေါ့။ သူက ခုထိ သန်လျင်မြို့ရဲ့ တနေရာမှာ တကိုယ်တည်း နေထိုင်ဆဲ။ ကျမတို့က သူ့အကြောင်း တခြား တယောက်ယောက်ကို ပြောပြရင် အများစုက မယုံကြည်သလို၊ ဒီလိုလူမျိုး တကယ်ရှိတယ် ဆိုတာ ဟုတ်ရဲ့လားဆိုတဲ့ အကြည့်နဲ့ ကြည့်ကြတယ်။ သူ့နာမည်က ဦးပီတာတင်မောင်။ သူ့ကို အားလုံးက ဦးပီလို့ပဲ ချစ်စနိုး ခေါ်ကြတယ်။ ကျမကို အထက ၂ လှိုင် (ဒေါ်သာထက်ကျောင်း) ရွှေရတု အထိမ်းအမှတ် မဂ္ဂဇင်း အတွက် ၀တ္ထုတိုတောင်းတော့ အဆင်သင့်ရေးထားပြီး ဖြစ်တဲ့ ဦးပီအကြောင်း ၀တ္ထုလေးကို ပေးဖြစ်ခဲ့ပါတယ်။ အဲဒါကတော့ အခု ဖော်ပြမယ့် “လူသေးသေးလေး ဖြစ်ချင်တယ်” ဆိုတဲ့ ၀တ္ထုလေးပါ။ ဒီဝတ္ထုထဲက ဇာတ်ကောင်တွေက အပြင်မှာ တကယ် ရှိပါတယ်။ ဒီဇာတ်လမ်းထဲက ပိုးကောင် ဆိုတဲ့ကောင်မလေးဆို အခု အပျိုကြီးဖားဖားတောင် ဖြစ်နေပါပြီ။ ကျမတို့ရဲ့ ဦးပီကတော့ အရင်အတိုင်းပါပဲ…သူ့ဖာသာ ဖန်တီးတဲ့ အနုပညာ လက်ရာ ပစ္စည်းလေးတွေနဲ့ သူစိုက်ထားတဲ့ ဘွန်ဇိုင်းသက်ကြီးပု ပင်လေးတွေနဲ့ ပတ်ဝန်းကျင်က ကလေးငယ်လေးတွေနဲ့ စိတ်ချမ်းသာ ပျော်ရွှင်စွာ သီချင်းတွေဆိုလိုက် မုန့်တွေ လုပ်စားလိုက်…..။ သူ့ကိုသိတဲ့ သူ့တပည့် ဖြစ်ဖူးသူတွေ ကမ္ဘာအရပ်ရပ်မှာ ရှိနေပါတယ်။ သူကတော့ သန်လျင်မြို့အပြင် ရန်ကုန်ကိုတောင် တနှစ်နေလို့မှ တခါမသွားပါဘူး။ သူက နာမည်ကြီး အနုပညာရှင်ကြီး မဟုတ်လို့ အထုပ္ပတ္တိ တွေဘာတွေ ရေးနေစရာမလိုပေမယ့် ကျမတို့အတွက်ကတော့ တကယ့် ဟီးရိုးကြီးပါ။ ဒါကြောင့် သူ့အကြောင်းလေးကို အဖွင့်မှာ နည်းနည်း ရေးပြတာပါ။ သူက သာမန်လူ တဦးသာ ဖြစ်တဲ့အတွက် တခြားလူတွေလိုပဲ သူ့မှာလည်း မကောင်းတဲ့ အချက်တွေ ရှိနိုင်ပါတယ်။ ဒါပေမယ့် ကျမကတော့ သူ့ကို ချစ်တဲ့အတွက် မကောင်းတဲ့ အချက်တွေကို ဖယ်ပြီး မြင်ပါတယ်။ တူမလေး ကျဲကျဲ ဆွဲပေးတဲ့ ပန်းချီကားလေးကို ဒီဝတ္ထုမှာ သရုပ်ဖော်ပုံအဖြစ် သုံးခွင့် ပေးတဲ့အတွက် ကျေးဇူးအထူးတင်ရှိပါတယ်။

လူသေးသေးလေး ဖြစ်ချင်တယ်

ကိုတင်မောင်က လူပျိုကြီး။ သူ့လိုပဲ လူပျိုကြီး ဖြစ်တဲ့ ဘကြီး တယောက်နဲ့နေတာ။ အေးအေး ဆေးဆေးပဲ။ သူ့ဝါသနာအလျောက် စိုက်ပျိုးထားတဲ့ ပန်းလေးတွေ အပင်လေးတွေ ရောင်းရငွေ၊ အင်္ဂလိပ်စာ စကားပြော သင်လို့ရတဲ့ငွေ၊ နောက်ပြီး သူ့မှာရှိတဲ့ စန္ဒရားကြီးနဲ့ သင်တန်းပေးလို့ ရတဲ့ငွေ အဲဒီငွေတွေက သူတို့ တူဝရီးအဖို့ လောက်ငရုံ အပြင် တခါတလေ ပိုတောင် ပိုသေးတယ်။

အိမ်မှာ သူ့ဖာသာသူ ဝါသနာပါလို့ ပန်းချီဆွဲတာ၊ ပန်းပုထုတာလေးတွေ လုပ်ချင်လည်း လုပ်နေတာ။ တခါတလေ သူ့ဘာသာ မုန့်တွေလုပ်၊ ကိတ်တွေဖုတ်၊ အသီးအနှံလေးတွေနဲ့ ဝိုင်စိမ်ချင် စိမ် ပြီးရင် သူ့ကိုချစ်တဲ့ တပည့်တွေ၊ အိမ်နားက ကလေးတွေကို ခေါ်ကျွေးမွေး အဲဒီလိုနေလာလိုက်တာ သူ့အသက်တောင် ငါးဆယ်နား ကပ်နေပြီ။

တချို့ကတော့ စိတ်ပူသလိုလို၊ စပ်စုသလိုလိုနဲ့ “ကိုတင်မောင် ခုချိန်ထိ ဘာမှ မလုပ်ဘူးလား” ဆိုပြီးမေးတတ်ကြတယ်။ သူကတော့ အဲဒီလို မေးလာရင် ခပ်ပြုံးပြုံးပါပဲ။ တချို့ကျတော့လည်း “ဘာမှမလုပ်ဘဲ ဘာနဲ့သွားစားနေလဲ” ဆိုပြီး ပေါ်ပေါ်ထင်ထင် စပ်စုတာတွေ ရှိတယ်။ အဲဒီအခါမှာလည်း ကိုတင်မောင်က ခပ်ပြုံးပြုံးပါပဲ “ဒီလိုပဲပေါ့ဗျာ” လို့ မရေမရာ ဖြေလိုက်လေ့ ရှိတယ်။

တနေ့..။ အဲဒီတနေ့ကတော့ တော်တော် ထူးခြားတယ်လို့ ဆိုရမယ်။ သူ့ကိုယ်သူ ပိုသိပြီး လူတွေကို ပိုနားလည် လာတဲ့နေ့လို့တောင် အမည်တပ်ရမယ့် ပုံပဲ။

အဲဒီနေ့က သူဈေးသွားတယ်။ ခါတိုင်းလိုပါပဲ။ ကြက်တကောင် ဝယ်ပြီး ပြန်လာတယ်။ အပြန်လမ်းမှာ လမ်းထဲက ဒေါ်ဗိုက်နဲ့ တွေ့တာနဲ့ ဒေါ်ဗိုက်က စမေးတယ်။

“ကိုတင်မောင် ဈေးကပြန်လာတာလား၊ ဘာတွေဝယ်ခဲ့တာလဲ”

“အော် ဒေါ်ဗိုက်....ဒီမှာ ကြက်တကောင် ဝယ်လာတယ်ဗျ”

“အံမယ်.. ကိုတင်မောင်က လာနောက်နေပြန်ပြီ။ ကောင်းကောင်းပြောစမ်းပါ”

“ဗျာ.. ကျနော် ကြက်တကောင် ဝယ်လာတယ်လို့ ပြောတာလေ။ ဘယ်မှာနောက်လို့လဲ”

“ကိုတင်မောင်နော်။ ဒီလူပျိုကြီး တော်တော် နောက်တယ်။ ဘာလဲ မခေါန်ဂျာ မှာလိုက်တာလား”

“မဟုတ်ဘူးဗျ.. တကယ် ကျနော်တို့အိမ်ဖို့ ဝယ်လာတာပါ”

“ကဲ ကိုတင်မောင်.. ရှင်ဟာလေ.. ကလေးတွေနဲ့ပေါင်းပြီး စကားကို အတည်ကို မပြောဘူး။ သွားမယ်.. ဒီကြက်ကလေးတကောင် ဘယ်သူမှာတာလဲလို့ ပြောဖို့ကိုပဲ မပြောနိုင်ဘူး တကတဲ”

အဲဒီတော့မှ ကိုတင်မောင် နည်းနည်း သဘောပေါက်သလို ဖြစ်သွားတယ်။ ရယ်လည်း ရယ်ချင်လာတယ်။

“အလကားစတာ ဒေါ်ဗိုက်ရေ.. ဒီဟာ ဟိုဘက်အိမ်က မီးမီး မှာလိုက်လို့ဗျို့..ကျနော်တို့လို လူက ဘယ်မှာ ကြက်တကောင်လုံး ဝယ်စားနိုင်မှာလဲဗျာ။ ဟီးဟီး”

“အဲလိုလုပ်ပါတော်.. ရှင်က တကယ့် လူနောက်ပဲ” ဆိုပြီး ဒေါ်ဗိုက်တယောက် ကျေကျေနပ်နပ်ကြီး ထွက်သွားလေရဲ့။

ကိုတင်မောင် အိမ်ပြန်ရောက်လို့ ကြက်ကိုကိုင်မယ် လုပ်နေတုန်း အိမ်ရှေ့က “ဧည့်သည်ဟေ့” ဆိုတဲ့ အသံနဲ့အတူ တံခါးဖွင့် ၀င်သံပါ ကြားလိုက်ရတယ်။ ကိုတင်မောင်ရဲ့ အစ်မ တ၀မ်းကွဲ မမဘေဘီ။ ကိုတင်မောင် နည်းနည်း ပျော်သွားတယ်။ သူနဲ့ သူ့အစ်မနဲ့က မတွေ့တာ တော်တော် ကြာပြီလေ။ ပြီးတော့ မောင်နှမ ၀မ်းကွဲတွေထဲမှာ သူက ဒီအစ်မကို အချစ်ဆုံး။ ဘာလို့လဲဆိုတော့ သူတို့မောင်နှမ နှစ်ယောက်က ၀ါသနာတူကြတယ်။ ငယ်ငယ်ကတည်းက လက်မှု ပစ္စည်းကလေးတွေ အတူတူ လုပ်ဖော်လုပ်ဘက်ပေါ့။ ခုတော့ ဒီအစ်မက လက်မှုကျောင်း တကျောင်းမှာ ဆရာမကြီးဖြစ်နေပြီ။

“တင်မောင်ရေ ငါလည်း မအား မအားနဲ့ နင့်ဆီတောင် မရောက်ဖြစ်ဘူး။ ကြည့်စမ်း နင်က အရင်အတိုင်းပဲ။ ဘာမှ မပြောင်းလဲဘူး။ ကဲ.. ပြပါဦး ငါ့မောင်ရဲ့ လက်ရာတွေ။ ဘာတွေ လုပ်ဖြစ်သေးလဲ”

ကိုတင်မောင် ပျော်သွားတယ်။ သူ့လက်ရာတွေကို ကြည့်မယ့်သူ လာပြီလေ…

“မမ .. ဒီဟာ ကျနော် ဆွဲထားတဲ့ ပန်းချီကား။ ဆေးနဲ့ ဆွဲထားတာ မဟုတ်ဘူး။ ချည်နဲ့ ထိုးထားတာ။ ကြည့်ပါဦး ဘာလိုလဲလို့”

ကိုတင်မောင်က သုံးပေ၊ လေးပေ ပန်းချီကားကြီး တချပ်ကို ပြလိုက်တယ်။ ဒေါ်ဘေဘီက ပန်းချီကားကိုတလှည့်၊ ကိုတင်မောင်ကိုတလှည့် တအံ့တသြနဲ့ ကြည့်နေတယ်။ ပြီးမှ..

“ဟဲ့ တင်မောင်။ ဒါနောက်စရာ မဟုတ်ဘူးနော်။ အစ်မလုပ်တဲ့သူက မတွေ့တာကြာလို့ လာတယ်။ သူက လာနောက်နေတယ်”

“မနောက်ပါဘူး မမရဲ့။ ဘယ်မှာနောက်လို့လဲ”

“ဒီမှာ… ငါ ဒီလောက် မတုံးဘူးနော်။ ဒီပန်းချီကား နင်ဆွဲတယ်ဆိုတာ မဖြစ်နိုင်ဘူး ဆိုတာ လောက်တော့ သိတယ်”

ကိုတင်မောင် အံ့သြသွားတယ်။ ဒီနေ့ ဘာတွေ ဖြစ်နေပါလိမ့် ပေါ့။

“မမ.. ကျနော် မလိမ်ပါဘူး.. မမရဲ့။ လာ… နောက်တခု ပြဦးမယ်”

အိမ်ရှေ့မှာ ချထားတဲ့ အင်္ဂတေ ပန်းပုရုပ်ကလေးတွေဆိုကို ခေါ်သွားပြီး ပြလိုက်တယ်။ ပန်းပု ရုပ်ကလေးတွေက အသက်ဝင်လွန်းလို့ ကောင်းကင်ကို ပျံတက်တော့မယ့် အတိုင်းပဲ။ ကောင်းကင်တမန် ရုပ်ကလေးတွေပါ။ အတောင်ပံကလေးတွေ ဖြန့်လို့။ အဲဒါကို ပြတော့မှ ပိုဆိုးသွားတော့တယ်။

“ဒီမှာ တင်မောင်… နင်ဟာလေ အဲဒီလို သူများလုပ်ထားတဲ့ လက်ရာကို ကိုယ့်လက်ရာလို့ ပြောရတာ မရှက်ဘူးလား… ဟင်”

ပြဿနာပဲ။ ကိုတင်မောင် မရှင်းတတ်တော့ဘူး ဆိုတာထက် ရှင်းကို မပြချင်တော့ဘူး။ ဒေါ်ဘေဘီကတော့ ကိုတင်မောင့် တအိမ်လုံး အနှံ့ လျှောက်ကြည့်ပြီး တနေရာရောက်တော့ ရပ်သွားတယ်။

“ဟော တွေ့ပြီ.. ဒါမှ နင့်လက်ရာ ဟုတ်တယ်မဟုတ်လား”

ဝမ်းသာအားရ ကိုတင်မောင်ကို လှမ်းပြောတယ်။ သူပြောနေတာကို လှမ်းကြည့်လိုက်တော့ ဘာမှ မဟုတ်ဘူး။ ပလတ်စတစ် အအေးပိုက်တွေကို ဖြတ်ပြီး အလှထားတဲ့ ပစ္စည်းလေးတွေ လုပ်ထားတာ။ အဲဒါ ကိုတင်မောင့် လက်ရာလည်း မဟုတ်ဘူး။ ကိုတင်မောင့်ကို သူ့တပည့်လေး တယောက် ပေးထားတာ။

မဟုတ်ဘူး ဆိုပြီးလည်း မငြင်းတော့ဘူး ဟီးဟီးလို့ သွားဖြီးပြီး ရူးပြလိုက်တယ်။ အဲဒီတော့မှ ဒေါ်ဘေဘီတယောက် ကျေနပ်ပြီး ပြန်သွားတော့တယ်။

ခဏနေတော့ ပိုးကောင် ရောက်လာတယ်။ ပိုးကောင် ဆိုတာက ကိုတင်မောင်တို့ မျက်စောင်းထိုး အိမ်က ကလေးမလေး။ အခုမှ ငါးနှစ်။ သူငယ်တန်းပဲ ရှိသေးတယ်။ ပိုးကောင် ဆိုတဲ့ နာမည်ကလည်း ကိုတင်မောင် ပေးထားတာပါ။

“ဦးမောင် ဘာလုပ်နေလဲ”

“ပိုးကောင် လာ၊ လာ နင့်ကို ငါ ပြစရာရှိတယ်”

ပိုးကောင်ရဲ့ မျက်လုံးလေးတွေ ၀ိုင်းပြီး တောက်ပသွားတယ်။ ကိုတင်မောင်က ပိုးကောင်ကို ခြံထဲက တနေရာကို ခေါ်သွားပြီး.. ပြလိုက်တယ်။ သူလုပ်ထားတဲ့ ကျောက်တောင် သေးသေးလေး၊ လူသေးသေးလေးတွေလည်း ပါတယ်။ သူလုပ်နေတာတော့ သုံးလလောက် ရှိပြီ။ ဒီနေ့မှ လတ်စသတ်တာ။

ပိုးကောင်က မျက်လုံးလေးဝိုင်းပြီး ကျောက်တောင်လေးကို ကြည့်နေတယ်။ ကြည့်ရင်း ကြည့်ရင်း ခြေထောက်ကပါ ခုန်ဆွ ခုန်ဆွ ဖြစ်လာတယ်။ ကျောက်တောင်လေးက တကယ့် ကျောက်တောင် အကြီးကြီး အတိုင်းပဲ။ အပေါ်မှာရေညှိတွေ တက်လို့။ ခြောက်လက်မ လောက်ပဲရှိတဲ့ ဂူသေးသေး လေးတွေကလည်း ပြေးဝင်ပြီး ဆော့ချင်စရာ။ ဒါပေမယ့် ဘယ်လိုလုပ် ၀င်ဆော့လို့ ရမလဲ။ ဒါအလှ သက်သက်ပဲ။ ပိုးကောင်လည်း သိပါတယ်။

“ဦးမောင်..”

“ဟေ..”

“ဦးမောင်က သိပ်တော်တာပဲ”

“ဟုတ်လား”

ကိုတင်မောင် အံ့သြသွားတယ်။ ဟုတ်တယ်လေ..ဒီနေ့အဖို့ ပိုးကောင်က ပထမဆုံး သူ့ကို ချီးမြှောက်လိုက်တာပဲ။

“ပိုးကောင်လေ…ပိုးကောင်လေ.. လူသေးသေးလေး ဖြစ်ချင်လိုက်တာ.. ပြီးရင် ဒီဂူထဲ ၀င်ဆော့မယ်”

ကိုတင်မောင့် ရင်ထဲမှာ ပီတိတွေ ဖိတ်လျှံကျလာတယ်။ ခုနက ကိစ္စတွေ အကုန်မေ့သွားတယ်။ ပြီးတော့ ပိုးကောင်ကို ပြန်ပြောလိုက်တယ်။

“အေး ဦးမောင်လည်း လူသေးသေးလေး ဖြစ်ချင်တယ်။ ပြီးရင် ပိုးကောင်နဲ့ တူတူ ဆော့မယ်” ။

(၇-၈-၀၃)

3 comments:

ဂျစ်တူး - gyit_tu said...

ဒါလေးလည်း ကြိုက်တာပဲ အမး)

myatnoe said...

လူတွေ..ဆိုတာ....

ဘာပြောရမှန်းတောင် သိတော့ဘူး

phyophyo said...

အေးချမ်းလိုက်တဲ့ဘ၀တွေဗျာ