ဝတ္ထုတို ၂
တဖြည်းဖြည်းနဲ့ ကျမတို့ကသာ ကြီးသွားတယ်။ သူကတော့ ဒီပုံက ဒီပုံစံပဲ။ ကျမတို့က ဘ၀အမောတွေကြားမှာ ရှုပ်ထွေး နေပေမယ့် သူက ကျမတို့ထက် ငယ်တဲ့ ကလေးတွေကို ကျမတို့ကို သင်ပေးခဲ့ ဖူးတာတွေ ဆက်သင်ပေးနေတယ်။ ကျမအထင်တော့ သူ့ဆီက သင်ယူသူတိုင်း သူသင်သမျှ အကုန်မရ ပါဘူး။ ကျမက အစပေါ့။ သူက ခုထိ သန်လျင်မြို့ရဲ့ တနေရာမှာ တကိုယ်တည်း နေထိုင်ဆဲ။ ကျမတို့က သူ့အကြောင်း တခြား တယောက်ယောက်ကို ပြောပြရင် အများစုက မယုံကြည်သလို၊ ဒီလိုလူမျိုး တကယ်ရှိတယ် ဆိုတာ ဟုတ်ရဲ့လားဆိုတဲ့ အကြည့်နဲ့ ကြည့်ကြတယ်။ သူ့နာမည်က ဦးပီတာတင်မောင်။ သူ့ကို အားလုံးက ဦးပီလို့ပဲ ချစ်စနိုး ခေါ်ကြတယ်။ ကျမကို အထက ၂ လှိုင် (ဒေါ်သာထက်ကျောင်း) ရွှေရတု အထိမ်းအမှတ် မဂ္ဂဇင်း အတွက် ၀တ္ထုတိုတောင်းတော့ အဆင်သင့်ရေးထားပြီး ဖြစ်တဲ့ ဦးပီအကြောင်း ၀တ္ထုလေးကို ပေးဖြစ်ခဲ့ပါတယ်။ အဲဒါကတော့ အခု ဖော်ပြမယ့် “လူသေးသေးလေး ဖြစ်ချင်တယ်” ဆိုတဲ့ ၀တ္ထုလေးပါ။ ဒီဝတ္ထုထဲက ဇာတ်ကောင်တွေက အပြင်မှာ တကယ် ရှိပါတယ်။ ဒီဇာတ်လမ်းထဲက ပိုးကောင် ဆိုတဲ့ကောင်မလေးဆို အခု အပျိုကြီးဖားဖားတောင် ဖြစ်နေပါပြီ။ ကျမတို့ရဲ့ ဦးပီကတော့ အရင်အတိုင်းပါပဲ…သူ့ဖာသာ ဖန်တီးတဲ့ အနုပညာ လက်ရာ ပစ္စည်းလေးတွေနဲ့ သူစိုက်ထားတဲ့ ဘွန်ဇိုင်းသက်ကြီးပု ပင်လေးတွေနဲ့ ပတ်ဝန်းကျင်က ကလေးငယ်လေးတွေနဲ့ စိတ်ချမ်းသာ ပျော်ရွှင်စွာ သီချင်းတွေဆိုလိုက် မုန့်တွေ လုပ်စားလိုက်…..။ သူ့ကိုသိတဲ့ သူ့တပည့် ဖြစ်ဖူးသူတွေ ကမ္ဘာအရပ်ရပ်မှာ ရှိနေပါတယ်။ သူကတော့ သန်လျင်မြို့အပြင် ရန်ကုန်ကိုတောင် တနှစ်နေလို့မှ တခါမသွားပါဘူး။ သူက နာမည်ကြီး အနုပညာရှင်ကြီး မဟုတ်လို့ အထုပ္ပတ္တိ တွေဘာတွေ ရေးနေစရာမလိုပေမယ့် ကျမတို့အတွက်ကတော့ တကယ့် ဟီးရိုးကြီးပါ။ ဒါကြောင့် သူ့အကြောင်းလေးကို အဖွင့်မှာ နည်းနည်း ရေးပြတာပါ။ သူက သာမန်လူ တဦးသာ ဖြစ်တဲ့အတွက် တခြားလူတွေလိုပဲ သူ့မှာလည်း မကောင်းတဲ့ အချက်တွေ ရှိနိုင်ပါတယ်။ ဒါပေမယ့် ကျမကတော့ သူ့ကို ချစ်တဲ့အတွက် မကောင်းတဲ့ အချက်တွေကို ဖယ်ပြီး မြင်ပါတယ်။ တူမလေး ကျဲကျဲ ဆွဲပေးတဲ့ ပန်းချီကားလေးကို ဒီဝတ္ထုမှာ သရုပ်ဖော်ပုံအဖြစ် သုံးခွင့် ပေးတဲ့အတွက် ကျေးဇူးအထူးတင်ရှိပါတယ်။
လူသေးသေးလေး ဖြစ်ချင်တယ်
“အော် ဒေါ်ဗိုက်....ဒီမှာ ကြက်တကောင် ဝယ်လာတယ်ဗျ”
“အံမယ်.. ကိုတင်မောင်က လာနောက်နေပြန်ပြီ။ ကောင်းကောင်းပြောစမ်းပါ”
“ဗျာ.. ကျနော် ကြက်တကောင် ဝယ်လာတယ်လို့ ပြောတာလေ။ ဘယ်မှာနောက်လို့လဲ”
“ကိုတင်မောင်နော်။ ဒီလူပျိုကြီး တော်တော် နောက်တယ်။ ဘာလဲ မခေါန်ဂျာ မှာလိုက်တာလား”
“မဟုတ်ဘူးဗျ.. တကယ် ကျနော်တို့အိမ်ဖို့ ဝယ်လာတာပါ”
“ကဲ ကိုတင်မောင်.. ရှင်ဟာလေ.. ကလေးတွေနဲ့ပေါင်းပြီး စကားကို အတည်ကို မပြောဘူး။ သွားမယ်.. ဒီကြက်ကလေးတကောင် ဘယ်သူမှာတာလဲလို့ ပြောဖို့ကိုပဲ မပြောနိုင်ဘူး တကတဲ”
ဒေါ်ဗိုက်တယောက် ကျေကျေနပ်နပ်ကြီး ထွက်သွားလေရဲ့။
“ဟေ..”
“ဦးမောင်က သိပ်တော်တာပဲ”
“ဟုတ်လား”
(၇-၈-၀၃)
ရုပ်ရှင်ခံစားမှု
စွန်လွှတ်သူ
“မင်းအတွက်ဆိုရင် အကြိမ် ၁၀၀၀ မက ငါလုပ်ပေးမှာပါ”
အဲဒီစကားလေးက The Kite Runner ဇာတ်ကားထဲမှာ ဟက်ဆန်ဆိုတဲ့ ၈ နှစ် ၉ နှစ် အရွယ် ကလေးလေးက သူသိပ်ခင်တဲ့ အမာအဂ်ဟာဆိုတဲ့ သူငယ်ချင်းကို ပြောလိုက်တာပါ။ အဲဒီစကားလေးကို သူအမှတ်တမဲ့ ပြောလိုက်ပေမယ့် တကယ့်ကို သူ့ရင်ထဲကထွက်ပေါ်လာတဲ့ စကားလေးတခွန်းပါ။
ဒီကားလေးကို ကျမကြည့်ရင်း တစုံတယောက်ကို ချစ်ရတာ မလွယ်ကူသလို တစုံတယောက်ရဲ့ ချစ်ချင်းကို ခံရတာလည်း မလွယ်ကူပါလား ဆိုတာ တွေ့လိုက်ရတယ်။ လောကကြီးမှာ လိပ်ပြာသန့်စွာ အသက်ရှင်နိုင်ဖို့ ကျမတို့ ဘာတွေလိုအပ်မလဲ။ ဒီဇာတ်ကားထဲက ကလေးလေး နှစ်ယောက်က ကျမကို အများကြီး သင်ပေးပါတယ်။
ဘာမှတန်ဖိုးမရှိတဲ့ စက္ကူစွန်ကလေးတခုက ဒီဇာတ်ကားလေးရဲ့ အထွတ်အထိပ်ကို သယ်ဆောင်သွားပေးချိန်မှာ ကျမရင်ထဲ နာကျင်မှုတွေပဲ ပြည့်နေတော့တယ်။ ကိုယ့်အပေါ် အမြဲအနစ်နာခံတဲ့၊ ကိုယ့်အတွက် ဘာမဆိုလုပ်ပေးတဲ့ သူငယ်ချင်းတယောက် ကိုယ့်ရှေ့မှာ အနိုင်ကျင့်ခံနေရတာ သိသိကြီးနဲ့ ကြည့်နေခဲ့ရတဲ့ ကလေးတယောက်ဟာ သူ့ရဲ့ သတ္တိကင်းမဲ့မှုကို သူ့ဖာသာ ရှက်ရွံ့နေခဲ့ရတာ မဆန်းပေမယ့် သူငယ်ချင်းက နာကျင်ဟန် လုံးဝမပြတဲ့အခါမှာ လူသားပီသစွာပဲ သူခံနိုင်ရည် မရှိနိုင်တော့ဘူး။
သတ္တိသိပ်ကောင်းပြီး အနစ်နာခံတတ်တဲ့ လူရှေ့မှာ အပြစ်ကျူးလွန်သလို ဖြစ်ခဲ့တဲ့၊ သတ္တိနည်းခဲ့တဲ့ တခြားတယောက်က ဘယ်လောက်ပဲ ပြည့်စုံပေမယ့် လိပ်ပြာမလုံနိုင်ဘူး ဆိုတာ ဒီဇာတ်ကားလေးက ပြောပြခဲ့ပါတယ်။ နောက်ပြီးတော့ သတ္တိဆိုတာ တခါတလေ အနစ်နာခံခြင်းလို့ အဓိပ္ပာယ်ရတယ်ဆိုတာလည်း သိလိုက်ရတယ်။
ကျမရင်ကို အထိဆုံးကတော့ သူတို့သူငယ်ချင်း နှစ်ယောက် အမြဲ ကစားနေကျ
ဘယ်ရီသီးပင်လေးအောက်မှာ အမာအဂ်ဟာက ဟက်ဆန်ကို စိတ်ဆိုးဆိုးနဲ့ ဘယ်ရီသီးတွေနဲ့ ပစ်ပေါက်တဲ့ အခန်းပါပဲ။ သူက ကလေးဆိုတော့ သူ့ရဲ့ ရှက်ရွံ့မှုကို ဒေါသနဲ့ ဖော်ထုတ်တယ်လို့ ထင်တယ်။ ကျမတို့လူကြီးတွေဆိုရင်ကော... ဘယ်လိုများ ဖော်ထုတ်မှာပါလိမ့်လို့ တွေးမိတယ်။ သေချာတာကတော့ ကျမသာဆိုရင် ကျမရဲ့ သတ္တိကြောင်မှုကို ငြိမ်းချမ်းရေးပဲ မြတ်နိုးသလိုလို ခေါင်းစဉ်တခုတပ်ပြီး ကိုယ့်ကိုယ်ကိုယ် ညာလိုက်လိမ့်မယ် ထင်တယ်...။
နောက်တခု ကျမရလိုက်တာကတော့ ဆက်ဆံရေးတခု ပြိုကွဲသွားတဲ့အခါမှာ ကလေးနှစ်ယောက် ကြားမှာတောင် ပြန်တည်ဆောက်ဖို့ တော်တော်ခက်ခဲပါလား ဆိုတာပါ။ ကလေးလေး တယောက် ပေမယ့် ကိုယ့်ဂုဏ်သိက္ခာ ထိခိုက်တယ်လို့ ထင်လာတဲ့အချိန်မှာ မလုပ်သင့်တာကို လုပ်လိုက်တော့တာပါပဲ။ လူတယောက်ကို မျက်နှာချင်း မဆိုင်ရဲလောက်အောင် ခံစားရတဲ့အချိန်တွေ ကျမတို့မှာ ရှိခဲ့မှာပါ။ ဆင်ဖြူမျက်နှာ ဆင်မဲမကြည့်ဝံ့ ဆိုသလိုပေါ့။
အဲဒီအချိန်မှာ ကျမတို့ ထွက်ပြေးကြမလား။ ဒါမှမဟုတ် တဖက်လူကို ထွက်ပြေးအောင် လုပ်မလား။ ဒီဇာတ်ကားထဲမှာတော့ အမာအဂ်ဟာက ဟက်ဆန်ကို ထွက်ပြေးအောင် လုပ်ခဲ့ပါတယ်။ သူကိုယ်တိုင် ထွက်ပြေးလို့ ရတဲ့အနေအထား မရှိလို့လို့ ထင်ပါတယ်။ ဟက်ဆန်က ဆင်ဖြူပေမယ့် ဆင်မဲရဲ့ ဒုက္ခကို နားလည်ပေးခဲ့တယ်။ ကျမသာဆိုရင်တော့ ကိုယ်မှန်တာပဲဆိုပြီး မာနကြီးနေမှာ။
အနစ်နာလည်း ခံခဲ့ရသေးတယ်၊ သူခိုးပါလို့လည်း အစွပ်စွဲခံလိုက်ရသေးတယ် ဆိုရင် ကျမကတော့ မာနနဲ့ ကိုယ်မမှားကြောင်း ရအောင်ပြမှာပဲ။ ဟက်ဆန်ကတော့ သူ့သူငယ်ချင်း ဆင်မဲလေးကို နားလည်စွာနဲ့ သူမခိုးတဲ့ ပစ္စည်းကို ခိုးတယ်လို့ ဝန်ခံပေးခဲ့တယ်။
ဒီဇာတ်ကားက အာဖဂန်နစ္စတန်ကို အခြေတည် ရိုက်ကူးထားတာပါ။ ကဘူးလ်မြို့လေးရဲ့ သာယာလှပမှုတွေ၊ ချစ်ခြင်းတရားတွေ၊ ကိုယ်ချင်းစာစိတ်ရှိတဲ့ သူဌေးကြီးတွေနဲ့ သိပ်ကို ပျော်စရာကောင်းတဲ့ အနေအထားကနေ ရုရှားတွေ ကျူးကျော် ဝင်ရောက်လာတဲ့နောက် ပျက်ဆီးယိုယွင်းမှုတွေ၊ ဒုက္ခသည်တွေ၊ ရောဂါသည်တွေ၊ ဆင်းရဲသားတွေ၊ မိဘမဲ့ကလေးတွေနဲ့ လုံးဝပြောင်းလဲသွားတဲ့ အနေအထားကို ပြထားပါတယ်။
အမာအဂ်ဟာတို့သားအဖလည်း ဟက်ဆန်တို့နဲ့ ခွဲခွာပြီးနောက်ပိုင်း အမေရိကားကို ထွက်ပြေးကြရတော့တယ်။ အမာအဂ်ဟာရဲ့အဖေ ဘာဘာက အာဖဂန်ကနောက်ဆုံး ထွက်ခွာခါနီး သူ့မြေကြီးကို ကောက်ပြီး ဘူးလေးတဘူးထဲ ထည့်လိုက်တဲ့ အခန်းလေးက သိပ်ချစ်စရာကောင်းတာပဲ။ ဘယ်သူမဆို ကိုယ့်မြေကိုတော့ ကိုယ်ချစ်ကြမယ်နဲ့ တူပါတယ်နော်။
ပြီးတော့ သူတို့သားအဖ ဆီဘောက်ဆာလို ကားကြီးရဲ့ဝမ်းထဲမှာ မှောင်မဲမွမ်းကျပ်ပြီး အမေရိကားရောက်အောင် ခရီးဆက်ခဲ့ရတယ်။ ကားကြီးထဲမှာ ကြောက်ရွံ့နေပြီး လေမဝဖြစ်နေတဲ့ ကလေးလေးက သူအလွတ်ရတဲ့ ကဗျာလေးတွေရွတ်ရင်း သူ့အဖေရဲ့ ရင်ခွင်ထဲမှာ ငြိမ်သက်လို့။
အဲဒီကလေးလေးက တချိန်မှာ စာရေးဆရာကြီး ဖြစ်၊ အမေရိကားမှာ ဘွဲ့တွေလည်းရ၊ ချစ်စရာကောင်းတဲ့ မိန်းကလေးတယောက်နဲ့လည်း ဆုံရ။ သူ့ဘဝမှာ ကျေနပ်စရာတွေနဲ့ချည်း ပြည့်နှက်လို့ပေါ့။ ဒါပေမယ့် ကံကြမ္မာက ဘယ်သူ့ကိုမှ အလွတ်ပေးရိုး ထုံးစံမရှိဘူးလေ။
သူ့ကိုယ်သူ မွေးစားသားလို့ သိလိုက်ရချိန်၊ သူတချိန်က ရှက်ရွံ့ခဲ့ရတဲ့၊ အရိပ်မည်းကြီးလို လွှမ်းမိုးခဲ့တဲ့၊ ပညာမတတ်ပေမယ့် သတ္တိသိပ်ကောင်းတဲ့၊ သူ့ကြောင့် သူ့အဖေလို ကိုယ်ချင်းစာစိတ်ရှိတဲ့ သူဌေးတယောက် အိမ်က ထွက်သွားခဲ့ရတဲ့ ဟက်ဆန်က သူနဲ့ အဖေတူ အမေကွဲ ညီအကို ဆိုတာ သိလိုက်ရချိန်မှာ သူ့ရဲ့အဖေက လောကကြီးမှာ မရှိတော့ဘူး။
ဟက်ဆန်လည်း မိုင်းထိပြီး ကွယ်လွန်ခဲ့ရပြီ။ ဟက်ဆန့်ဆီမှာ သားလေးတယောက် ကျန်ခဲ့တယ်။ အဲဒီသားလေးဟာ အမာဂျန်အတွက် တယောက်တည်းသော သွေးသားဆိုရင်လည်းမမှားဘူး။ ဘယ်တုန်းကမှ သတ္တိမရှိခဲ့တဲ့ သူတယောက်ဟာ သူ့တူလေးကို အမေရိကားခေါ်ဖို့ အာဖဂန်နစ္စတန်ကို ပြန်ခြေချခဲ့တယ်။ သူတို့ငယ်ငယ်တုန်းက သာယာလှပတဲ့ အာဖဂန်မဟုတ်တော့ဘဲ စစ်မြေပြင်ကြီး ဖြစ်လို့။
သူ့တူလေး ရှိတယ်လို့ကြားတဲ့ မိဘမဲ့ဂေဟာကလည်း မြင်ရရုံနဲ့တင် စိတ်ထိခိုက်စရာ ကောင်းလှတယ်။ သူဌေးတယောက်က မိဘမဲ့ ဂေဟာက မိန်းကလေး တယောက်ကို လာခေါ်သွားပြီး ပေးခဲ့တဲ့ ပိုက်ဆံနဲ့ တခြားကလေးတွေကို ကျွေးမွေးနေရတယ် ဆိုတဲ့အချိန်မှာ စိတ်ထားနူးညံ့တဲ့ စာရေးဆရာကြီး ခံနိုင်ရည် မရှိတော့တာ မဆန်းပါဘူး။ သူဘယ်လိုပဲ ပေါက်ကွဲပေမယ့် ဒါအမှန်တရားပဲလေ။ အဲဒီဂေဟာကနေ သူ့တူလေးကိုရှာဖို့ လမ်းစတော့ ရခဲ့တယ်။
ဘောလုံးကွင်းလို နေရာမှာ အပြစ်ရှိတဲ့မိန်းကလေးတယောက်ကို မျက်နှာအဝတ်အုပ်ပြီး ခဲနဲ့ပေါက်သတ် ပြခဲ့တဲ့ အစွန်းရောက် ဘာသာရေး ခေါင်းဆောင်ကြီးရဲ့အိမ်မှာ သူ့တူလေးရောက်နေတယ်။ အသက်ကင်းမဲ့တဲ့ မျက်နှာနဲ့ ကလေးလေးက ကက်ဆက်က တေးသွားနဲ့ အချိုးအစားမကျစွာ ကပြနေခဲ့တာကို သူဘာမှ မလုပ်ပေးနိုင်ဘဲ စိတ်ထိခိုက်ပြီး ကြည့်နေရတဲ့ ဘဝ။ အဲဒီ ဘာသာရေး ခေါင်းဆောင်ကြီးရဲ့ ရန်ပြုမှုကို သူ အလူးအလဲ ခံနေရချိန်မှာ ဟက်ဆန်ရဲ့သားလေးက ဟက်ဆန်ငယ်ငယ်က သူ့ကိုကယ်ခဲ့ ကာကွယ်ခဲ့သလိုပဲ ပြန်ကယ်တင်ခဲ့ပြန်တယ်။
ရယ်မောခြင်းတွေ ဆိတ်သုဉ်းနေတဲ့ ကလေးတယောက်ကို သူက ရယ်အောင်၊ ပျော်ရွှင်အောင် လုပ်ရတော့မယ်။ အဲဒါသူ့ရဲ့ ဝတ္တရားဖြစ်သလို သူ့ကိုယ်သူ ဆေးကျောခြင်းလည်း ဖြစ်လိမ့်မယ်လို့ ကျမထင်တယ်။ နောက်ဆုံးအခန်းမှာ ငယ်ငယ်က သူ့အတွက် ဘာမဆို လုပ်ပေးခဲ့တဲ့ ဟက်ဆန့်အစား သူသားကို ပြန်ပေးဆပ်တော့မယ် ဆိုတဲ့အချိန် အမာအဂ်ဟာရဲ့ မျက်နှာက ရှင်းသန့်ကြည်လင်လို့နေတာကို တွေ့ရတယ်။
သူကလည်း ဟက်ဆန့်သားကို ဟက်ဆန် သူ့ကိုပြောခဲ့သလိုပဲ ပြောလိုက်တယ် “မင်းအတွက်ဆို အကြိမ် ၁၀၀၀ မက လုပ်ပေးမှာပါ” တဲ့လေ။
ဒီဇာတ်ကားလေးကို မကြည့်ခင် ကျမ ဝတ္ထုအဖြစ် အရင်ဖတ်ရတာပါ။ ကျမရဲ့ အင်္ဂလိပ်စာ ညံ့ဖျင်းမှုကြောင့် အချိန်အကြာကြီး ဖတ်ရပေမယ့် စာရေးသူရဲ့ အဖွဲ့အနွဲ့ကောင်းမှုနဲ့ ရိုးရှင်းတဲ့ အရေးအသားကြောင့် ပြီးအောင် ဖတ်နိုင်ခဲ့ပါတယ်။ စာရေးသူကတော့ KHALED HOSSEINI ပါ။
ရယ်တတ်အောင်သင်
Beauty မဂ္ဂဇင်း၊ ဒီဇင်ဘာ ၂၀၀၀။
အဖွင့်စာမျက်နှာ
ငယ်ငယ်ကတည်းက ပါလာတဲ့ပိုးက စာရေးဖို့ပါ။ စာရေးတယ်ဆိုတဲ့နေရာမှာ စကားပြေ ကဗျာ ဆိုပြီး ရှိတဲ့ထဲက ကိုယ့်ကိုယ်ကိုယ် ကဗျာကိုရေးတတ်တယ်လို့ကိုမထင်ဘူး။ ကဗျာဆိုတာ သိပ်ကိုလေးနက်ပြီး လှပတဲ့အရာတခုမို့ ကိုယ်နဲ့တန်တယ်လို့လည်းမထင်ဘူး။ အရမ်းကို မြင့်မြတ်တဲ့ တစုံတရာလို့ ယူဆတဲ့အတွက် စကားပြေလိုင်းကိုပဲ ကိုယ့်ဖာသာရွေးချယ်လိုက်ပါတယ်။ စကားကိုအကုန်ပြောတာမဟုတ်ပါဘူး။ ကဗျာလေးတွေကိုချစ်ပါတယ် ရေးဖွဲ့နိုင်တဲ့သူတွေကိုလည်း အလွန်လေးစားပါတယ်။ ငယ်ငယ်ကတော့ ဒီလောက်မစဉ်းစားဘဲ ကဗျာလေးတွေရေး တယောက်ထဲဖတ်ဖို့ သိမ်းထားခဲ့ဖူးပါတယ်။ ကြီးလာတော့မှ ကဗျာဆိုတာ ကိုယ်နဲ့ အရမ်းအလှမ်းဝေးပါလားလို့ ထင်ခဲ့တာပါ။ (အသက်ကြီးလာပတာနဲ့အမျှ ရိုးသားမှုတွေ လျော့လျော့လာပြီး ကိုယ့်ကိုယ်ကိုယ် ယုံကြည်မှုနည်းလာတာလည်းပါတာပေါ့လေ)
ဒါနဲ့ပဲဝတ္ထုတိုလေးတွေရေးပြီး မဂ္ဂဇင်းတွေကို ပို့ခဲ့တယ်။ ကိုယ်စံပြုတဲ့ အယ်ဒီတာ စားပွဲကို မှတ်ကျောက်တခုလိုသဘောထားပြီး ဝတ္ထုတိုလေးတပုဒ်ပါခွင့်ရဖို့အရေး သုံးလေးလ၊ တခါတလေ လပေါင်းများစွာ ရင်တခုန်ခုန်နဲ့စောင့်ပြီး ပုံနှိပ်စာလုံးလေးတွေအဖြစ် ကိုယ့်ဝတ္ထုတိုလေးတွေ အက်ဆေးလေးတွေ ကိုမြင်ခွင့်ရလိုက်တဲ့ အချိန်ကလေးကတော့ ဘာနဲ့မှနှိုင်းဆလို့မရလောက်အောင် တန်ဖိုးရှိလှပါတယ်။
ပါဖူးတဲ့ဝတ္ထုတိုလေးတွေကို စာအုပ်ကလေးတအုပ်အဖြစ် လုပ်ချင်ပေမယ့် အကြောင်းကြောင်းကြောင့် လုပ်ခွင့် မကြုံခဲ့ဘူး။ ဘလော့ဆိုတဲ့ ကိုယ်ပိုင်အခွင့်အရေးအပြည့်ရတဲ့ အင်တာနက်စာမျက်နှာလေးတခုမှာ၊ စင်ကလေးတ ခုမှာ ကျမရဲ့ဝတ္ထုတိုလေးတွေ တင်ခွင့်ရတော့မှာဖြစ်တဲ့အတွက် ဝတ္ထုတိုလေးတွေ မဂ္ဂဇင်းစာမျက်နှာမှာ ပါခဲ့တုန်းကလို စိတ်ချမ်းသာ ပျော်ရွှင်ရပါတယ်။ ကိုယ်ပိုင် မဂ္ဂဇင်းကလေးတအုပ်လို ကျမလုပ်ချင်တာ ရေးချင်တာလေးတွေ တင်ခွင့်ရတော့မှာမို့လို့ အူမြူးမိသလို တော်တော့ကို အူကြောင်ကြားနိုင်တဲ့ ကျမကို နည်းပညာပိုင်းနဲ့ပတ်သက်ပြီး စိတ်ရှည်စွာနဲ့ ကူညီပေးတဲ့ တူလေးထူးမြတ်ကို အထူးကျေးဇူးတင်ရပါတယ်။
ဒီစာမျက်နှာပေါ်မှာ ကျမရဲ့ဝတ္ထုတိုဟောင်းလေးတွေ အက်ဆေးဟောင်းလေးတွေနဲ့ နောက်ထပ်ရေးမယ့် ဝတ္ထုတို သစ်တွေ အက်ဆေးလေးတွေ နောက်ပြီး စိတ်ကူးတည့်သလိုဖန်တီးမိမယ့် စာညွန့်လေးတွေပဲတင်ပါမယ်။ ဆောင်းပါးတို့ သတင်းတို့ကို တင်ဖို့တော့ အစီအစဉ်မရှိပါဘူး။ အနုပညာနဲ့ ပတ်သက်သမျှ ကိုယ်တသက်လုံး မက်ခဲ့တဲ့ အိပ်မက်ကလေးတွေကိုပဲ အကောင်အထည်ဖော်မှာ ဖြစ်ပါတယ်။ ။
ွ
