ဝတ္ထုတို ၁၉

အလွန်ဆိုး အလွန်တေသလောက် အလွန်ချစ်စရာကောင်းတဲ့ (ဂလိုပဲပြန်ဖားရတယ်) သယ်ယင်းတသိုက်ကို သတိရလွန်းလို့ အစပြန်ဖော်တာပါ :P ရောက်ရာအရပ်က ဆဲကြပါကုန် ...။

ငါ ဘာလုပ်လို့လဲ

အစကတည်းက သေချာပြောတယ်။ ဒါမျိုးလုပ်ရင် ဒါမျိုးဖြစ်မယ်ဆိုတာ ...။ ဘယ်လိုပြောပြော မရဘူး။ ရပါတယ် အေးဆေးပါ ဆိုတာချည်းပဲ။ သူ့အကြောင်းလည်း အားလုံးသိတယ်၊ အားလုံး အကြောင်းလည်း သူသိတယ်၊ ပြီးတော့ အားလုံးအကြောင်းလည်း အားလုံးသိတယ်လေ။

ရှုပ်ကုန်ပြီလား .. မရှုပ်ပါဘူး။ သူဆိုတာ ဝဏ္ဏလေ။ ညဘက်မှာလုပ်ချင်တာ လုပ်ထားသမျှ ... မိုးလင်းလို့ ပြန်ပြောရင် အမြဲ “ငါဘာလုပ်လို့လဲ” လို့ ပြောနေကျ။ သူတင်ပဲလား ... မဟုတ်သေး ... တရုတ်ကြီးကောပဲ။ အတူတူပဲ “ငါဘာလုပ်လို့လဲ” ဆိုတဲ့ထဲ သူလည်း ထိပ်ဆုံးက။

စင်ကာပူ ဆိုတဲ့ နိုင်ငံရပ်ခြားမှာ အင်ဂျင်နီယာ အလုပ်သွားလုပ်ပြီး ပြန်လာလို့ .. အကျင့်ပြောင်း သွားမယ် ထင်လို့လား။ အင်း .. ထင်မိတယ်ဆိုရမလားဘဲ။ သူ့သူငယ်ချင်းတွေကလည်း အမှတ် သည်းခြေက ခပ်နည်း နည်းရယ်။

တနေ့ကပဲ တရုပ်ကြီးယောက္ခမသစ်စက်မှာ သွားသောက်ကြပြီး ရန်တွေဖြစ် ... အင်္ကျီချွတ်ကြီး နဲ့ သစ်စက် ကနေ ၂ မိုင်လောက်လျှောက်ရတဲ့ ကိုဆုတို့အိမ်ကို တယောက်ထဲ ရောက်လာလို့ ကိုဆုက သူ့ကို အိမ်ပြန်ဖို့ မြင်းလှည်း စင်းလုံးငှားပေးလိုက်ရသေးတယ်လေ။

အဲဒီနေ့မှာပဲ ဆိုက်ကားခေါင်းခန်းမှာ “သားမှားပြီအမေရဲ့” လို့အော်ရင်း ပါသွားတဲ့သူ့ကို လပ်ကီး လက်ဖက်ရည် ဆိုင်ကနေ လှမ်းတွေ့တဲ့ ဆင်ကြီးတို့အုပ်စုက မခေါ်ရဲလို့ အသာလေး ကြည့်နေလိုက်ရတာတဲ့။ ဘယ်ဟုတ်မလဲ အဲဒီဆိုက်ကားနောက်ကနေ သူ့အမေက တုတ်တချောင်းနဲ့ လိုက်လာတာဆိုပဲ။ သူတို့သားအမိ အဲဒီပုံစံအတိုင်း လပ်ကီးရှေ့ကနေ ခေါက်တုံ့ခေါက်ပြန် သွားနေကြတာတဲ့။

နောက်တနေ့မနက်ကျတော့ သူမဟုတ်သလို ..။ လက်ဖက်ရည်ဆိုင်ကိုရောက်လာပြီး ဟီးဟီး ဟားဟားနဲ့။ ဒီလိုနဲ့ ဒီအစီအစဉ်ကို ထပ်ဆွဲဖြစ်သွားတာ။

ဒီတခါတော့ သူ့အမေနဲ့အဘွားက ဘယ်မှ သွားမနေနဲ့ အိမ်မှာပဲ ကြိုက်တာလုပ်ကြတဲ့။ အရွယ် တွေကလည်း ကြီးကောင်ကြီးမားတွေ ဖြစ်နေပြီ။ လူမြင်လို့ မသင့်တော်ဘူးတဲ့။ သူတို့ထဲမှာ ကျူရှင်ဆရာ တကောင်လည်းပါတာဆိုတော့ မတော် သူ့တပည့်တွေတွေ့ရင် အရိုအသေ တန်မှာလည်း စိုးရသေးတယ်လေ။ သူ့အမေနဲ့ အဘွားက အမြည်းတွေ စိတ်ကြိုက်လုပ်ပေး မယ်တဲ့။

သူ့အမေနဲ့ အဘွားခမျာလည်း သားယောက်ျားလေး ငပွေးသုံးယောက်ရဲ့ အမေနဲ့ အဘွား ဖြစ်နေလေတော့ တော်တော်လေး နားလည်ပါတယ်။ တခုတော့ရှိတယ် သူတို့အဖေတော့ အိမ်မှာမရှိဘူးပေါ့။ နောက် ၂ ရက်လောက်ဆို ခွင့်စေ့လို့ စလုံးကို ပြန်ရတော့မှာမို့လည်း အမေနဲ့ အဘွားက ခွင့်ပြုတာပါ။

အစပိုင်းကတော့ ဟုတ်လို့ပဲ ...။ ရွာထဲက ထန်းရည်ကို ပလတ်စတစ်ပုံးကြီးနဲ့ တပုံးမှာထား တာ။ ထန်းရေလေးသောက်လိုက်၊ ဖဲလေးရိုက်လိုက်နဲ့ ... ဂစ်တာတီးတဲ့သူကတီးပေါ့။ ဟုတ်နေတာလေ ..။

တရုတ်ကြီးတို့ လင်မယားက နောက်ကျမယ်လို့ ပြောထားပြီးသား။ ကျူရှင်ဆရာကလည်း အတန်းပြီးမှ လာနိုင်မယ်တဲ့။ နောက်ပြီး သူ့မိန်းမက ကလေးမွေးထားတာ ၃ လပဲရှိသေးတာ ဆိုတော့ သူ တယောက်ထဲပဲလာမယ်တဲ့။ ရောက်နေကြတာက ရခိုင်ကြီးရယ်၊ နှဲတို့လင်မယား ရယ်၊ တိုးကြီးရယ်၊ ဖိုးသိုက်တို့လင်မယားရယ်ပေါ့၊ အိမ်ကြီးရှင် ဝဏ္ဏကတော့ အပေါ်ထပ်က သူ့အမေနဲ့ အဘွားလုပ်ပေးသမျှ အမြည်းတွေကို အောက်ချပေးရင်း သူ့ ချစ်မမ အလာကို တမျှော်မျှော်ပေါ့။

ရခိုင်ကြီးကတော့ ဒိုင်ခံ ဂစ်တာတီးသီချင်းဆိုပဲ။ ကျန်တဲ့သူတွေက အလှည့်ကျ ပိုကာဝိုင်းကို ဝင်ထိုင်နေကြတာ။ တိုးကြီးနဲ့ နှဲကြီးရယ် ဖိုးသိုက်မိန်းမ ဗိုက်ကြီးရယ်ကတော့ ဖဲဝိုင်းက မထတမ်းပဲ။ ဖဲဝိုင်းဖြစ်ရတာက အဲဒီဗိုက်ကြီးသည်ကြောင့်ပါ။ ကြံကြံဖန်ဖန် ချဉ်ချင်းတပ်တယ် ဆိုလားပဲ။

နှဲကြီးမိန်းမ နပ်စ်မကတော့ ထန်းရည်တွေ တခွက်ပြီးတခွက်မော့ပြီး တဟားဟားရယ်နေပြီ။ အချိန်က ကုန်လို့ ကုန်မှန်းမသိဘူး။ ထန်းရည်ကလည်း ကုန်လို့ ကုန်မှန်းမသိဘူး ဆိုရမယ်။ အဲဒီအချိန်မှာ ဝဏ္ဏရဲ့ မမရောက်လာတယ်။ သူတို့အားလုံး မူးလို့မူးမှန်းမသိဘဲ မူးနေကြပြီ။ ဆိုးတာက ဝဏ္ဏ ဘယ်လောက်မူးနေပြီလဲဆိုတာ ဘယ်သူမှ အသေအချာ မပြောနိုင်ကြဘူး။ မပြောနိုင်ဆို အားလုံးလည်း မူးနေတာကိုး။ ဝဏ္ဏမမ ဘယ်အချိန်ပြန်သွားလဲတောင် မသိ လိုက်ကြဘူး။

နောက်တော့ တရုတ်ကြီးတို့ လင်မယားရောက်လာတယ်။ ကျူရှင်ဆရာလည်း ရောက်လာ တယ်။ တရုတ်ကြီးက ရောက်လာတာနဲ့ ထန်းရည်ပုံးကိုအရင်ကြည့်တယ်။ ကျူရှင်ဆရာ ကတော့ စားစရာ အရင်ရှာတယ်။ သူက အစားသမား။

ထန်းရည်က မကျန်တော့သလောက်ပဲ။ တရုတ်ကြီးက သိပ်စိတ်ညစ်ခံတဲ့သူမှမဟုတ်တာ။ ရွာဝကို စက်ဘီးလေးနဲ့ ပြန်ထွက်ပြီး အဖြူ တလုံးသွားဆွဲလိုက်တာပဲ။ တလုံးနဲ့ မလောက်တော့ လည်း နောက်တလုံးပေါ့။ အချိန်က တော်တော်လေး နှောင်းလာပြီ။ မနက် ၁၀ နာရီလောက် က စလိုက်တဲ့ဇာတ်လမ်းက ညနေ ၄ နာရီဆိုတော့ အရှိန်ကဘယ်သေးတော့မလဲ။ တရုတ်ကြီး က အားလုံးကို အမီလိုက်ဖို့ အသည်း အသန်ကြိုးစားနေတယ်။ သူ့ဖာသာကြိုးစားရုံတင် မကဘူး သူ့မိန်းမကိုပါ တိုက်လိုက်သေးတယ်။ သူ့မိန်းမက တခွက်ဝင်တာနဲ့ စရစ်ပြီ။ အဲဒါကို အားလုံး သဘောတွေကျပြီး ဝိုင်းရီနေကြတာ။

အားလုံး အေးအေးဆေးဆေးပါပဲ။ ပြီးတော့ ပျော်ပျော်ပါးပါးပဲ။ ဖဲဝိုင်းကလည်း တော်တော်လေး အရှိန်ရနေပြီ။ နောက်တော့ ရခိုင်ကြီးက တီးပြီးဆို ... ဝဏ္ဏရယ် နှဲကြီးမိန်းမ နပ်စ်မရယ်က မြနန္ဒာနဲ့ ကလို့ အဆင်ပြေနေတာ။ အားလုံးမူးနေကြတော့ ဘာက ဘယ်လိုဘယ်လို စဖြစ်တယ်ဆိုတာ မသိဘူးလေ။ တကယ်ကို မသိလိုက်တာပါ။

သိတဲ့အချိန်မှာတော့ ဝုန်းဆိုတဲ့အသံကြီးပဲကြားလိုက်ရတယ်။ အားလုံး မင်တက်မိနေတဲ့အချိန် ရုတ်တရက် တလောကလုံးရှုပ်ထွေးသွားတော့တယ်။

ခုနကပြောတယ်နော်။ ဘာကဘယ်လိုစဖြစ်တယ် မသိဘူးလို့။ ထပ်ပြောဦးမယ် တကယ်ကို ဘာက ဘယ်လိုစဖြစ်လိုက်မှန်း ဘယ်သူမှ မသိလိုက်ကြဘူး။

သိတဲ့အချိန်မှာ ... ဝဏ္ဏက အိမ်ပေါ်ထပ်မှာ သူ့အမေနဲ့ အဘွားကိုကောင်းကောင်း ပြဿနာ ရှာနေပြီ။ မျိုးစုံ တွေအော်ဟစ်သောင်းကျန်းနေပြီ။ အဲဒီမှာ အောက်ကကောင်တွေ အေးအေး ဆေးဆေး ဒီတိုင်းပဲနေလိုက်ရင် ပြီးပြီပေါ့။ မပြီးဘူး ... ဒါမျိုးဆိုရင် တရုတ်ကြီးတို့ကလုံးဝ မရဘူး။ လူကြီးတွေကို စော်ကားတဲ့ကောင်ကို ဆုံးမ ရမယ် ... ဒီလိုမျိုး။

ဘယ်သူမှ ဆွဲချိန်မရလိုက်ဘူး ပေါင် ၂၀၀ လောက်လေးတဲ့ ခန္တာကိုယ် ထွားထွားကြိုင်းကြိုင်း ကြီးက အိမ်ပေါ်ထပ်ကို စွေ့ကနဲ ရောက်သွားပြီး ဝဏ္ဏကို တရစပ် ဆွဲထိုးတော့တာပဲ။ အဲဒီ အချိန်မှာ တရုတ်ကြီးနဲ့ ဝိတ်တူ၊ ဂိုက်တူ ဆိုက်တူ ကျူရှင်ဆရာက နောက်က ပြေးလိုက်သွား ပြီး တရုတ်ကြီးကိုဆွဲပေမယ့် ပိန်ညောင်ရိုးဝဏ္ဏက မရှုမလှ ခံနေရပြီ။

အဲဒီမှာပဲ မထင်မှတ်တာတွေ ဆက်တိုက်ဖြစ်သွားလိုက်တာဆိုတာ။

ဝဏ္ဏမရှုမလှခံနေရတော့ ဝဏ္ဏရဲ့ ချစ်မေမေနဲ့ အဘွားက အလန့်တကြားတွေအော်၊ အဲဒါကို တရုတ်ကြီးကမသိဘဲ ဝဏ္ဏလုပ်လို့အော်တယ်မှတ်ပြီး ဝဏ္ဏကို ပိုနှိပ်စက်၊ တရုတ်ကြီးမိန်းမက အဲဒါကိုနားလည်တော့ သူ့ယောက်ျားကို အတင်းသွားဆွဲ ...။

တရုတ်ကြီးမိန်းမ အေးခိုင်ဆိုတာလည်း ကြည့်ဦး ပေါင် ၉၀ လောက်ပဲရှိတာ။ ဖြူဖြူသေးသေး လေး။ တရုတ်ကြီးကို ဘယ်လိုလုပ်ဆွဲလို့ရမှာလဲ။

အဲဒီအချိန်မှာ ဘုမသိဘမသိ အပြင်ကမူးပြီးပြန်လာတဲ့ ဝဏ္ဏအစ်ကို သူရက ဘာဖြစ်မှန်း သေချာမသိဘဲ ဝဏ္ဏကို ဝင်ဆူသေးတယ်။ သူ့ညီက ပြန်အော်တော့ ဝမ်းတွေနည်းပြီး ငိုရင်း အိမ်နံရံမှာ မြေဖြူတခဲနဲ့ ဘာတွေမှန်းမသိဘူး ထိုင်ရေးနေတော့တယ်။

အောက်ထပ်က ကွပ်ပျစ်မှာ မဗိုက်က ပက်လက်လန်နေပြီ (ဗိုက်နဲ့ဆိုတော့ မှောက်လို့မရဘဲ ပက်လက်ပဲလန်တာ)။ ဝဏ္ဏက တရုတ်ကြီးလက်ထဲက လွတ်တာနဲ့ အောက်ထပ်ကို အမော တကောပြေးဆင်းလာတဲ့အချိန် တရုတ်ကြီးက အောက်ကို လိုက်လာပြန်ရော။ မဗိုက်လည်း ရှောင်နိုင်မှ လွတ်မဟဲ့ဆိုတဲ့အတွေးနဲ့ ဝေးရာထပြေးရတာပါပဲ။

အောက်ထပ်က ကွပ်ပျစ်မှာ တခါ ထပ်ပြီး ဝရုန်းသုန်းကားဖြစ်ကြပြန်ရောလေ။ ကွပ်ပျစ်ပေါ်မှာ ပက်လက်လန်သွားတဲ့ဝဏ္ဏကို တရုတ်ကြီးကဝင်လုံးတာ။ အဲဒီအချိန်မှာ ဖိုးသိုက်လည်း ဝဏ္ဏပေါ်က တက်ဖိပြီး ပေါင်ခြံကို ဝင်ထိုး၊ တရုတ်ကြီးကိုလည်း အတင်းဝင်ထိုး လုပ်ပါလေ ရော။ တကယ်က ပုံမှန်ဆိုရင် ဖိုးသိုက်က ပေါင် ၁၁၀ တောင်ရှိတာမဟုတ်ဘူး တရုတ်ကြီးကို ဘယ်နိုင်လိမ့်မလဲ။ သူလည်း အခြေအနေရှုပ်ထွေးနေတာကို အခွင့်ကောင်းယူပြီး ဝင်ကြိတ်ရ တာ။

ရခိုင်ကြီး ကိုအောင်ကျော်ဇံက ငိုနေပြီ။ ဝမ်းနည်းလွန်းလို့တဲ့။ အဲဒီအချိန်မှာ ဧည့်သည် တယောက် ရောက်လာတယ်။ ပဲခူးက ... ဝဏ္ဏနဲ့စင်ကာပူမှာခင်ခဲ့တဲ့ သူငယ်ချင်း။ သူက ဝဏ္ဏဆီ ဘာလာလုပ်တယ် မသိဘူး။ ဧည့်သည်လည်း ဝရုန်းသုန်းကား ဇာတ်လမ်းတွေကြား ဘာလုပ်ရမှန်းမသိ ဖြစ်ပြီး ကျောပိုးအိတ်ကလေး ဘေးချ ငူငူလေးရပ်နေရှာတယ်။

အဖြစ်အပျက်က မြန်ဆန်လွန်းပါ့။ ဝဏ္ဏပေါ် တက်ဖိလုံးနေတဲ့ တရုတ်ကြီးရဲ့ ခြေထောက်ကို အေးခိုင်က အတင်းဝင်ဆွဲတဲ့အချိန်မှာ တရုတ်ကြီးက ရုန်းလိုက်တော့ အေးခိုင်ရဲ့ရင်ဗတ်ကို ဆောင့်ကန်လိုက်သလို ဖြစ်သွားပြီး အေးခိုင် ကြမ်းပေါ်ကို ခွေခွေလေး ပြုတ်ကျ သတိလစ် သွားပါတော့တယ်။

အဲဒီမှာ အားလုံး မီးကိုရေနဲ့ငြိမ်းလိုက်သလို ခဏငြိမ်သွားတယ်။ တရုတ်ကြီးကို ကျူရှင်ဆရာက ခြံပြင်ဆွဲခေါ်ထုတ်သွားတယ်။ ဘာလုပ်ရမှန်းမသိဖြစ်နေတဲ့ နပ်စ်မက အဲဒီအချိန်မှာ ရုတ်တ ရက် သူ့ရဲ့ ကဏ္ဍရောက်လာပြီဆိုတာ သိပြီး အလုပ်စတယ်။ သူ့ယောက်ျားနဲ့ ဖိုးသိုက်ကို အေးခိုင်ကို အိမ်ပေါ်မတင်ဖို့ ညွှန်ကြားချက်ပေးတယ်။

အိမ်ပေါ်ရောက်တော့ ဘယ်သူ့ကိုခိုင်းရမလဲ ကြည့်တဲ့အချိန်မှာ အားလုံးထဲမှာ လုံးဝမမူးတာ ဆိုလို့ ဝဏ္ဏရဲ့ ညီအငယ်နန္ဒပဲရှိတာတွေ့ရတော့ စာရွက်နဲ့ဘောပင်တောင်းပြီး ခပ်သွက်သွက် ဘာတွေမှန်းမသိ ချရေးတယ်။ ပြီးတာနဲ့ နန္ဒကို “သွား ဆေးဆိုင်မှာ အဲဒါသွားဝယ်ချေ” လို့ ခိုင်းလိုက်တယ်။

စက်ဘီးနဲ့ အပြင်က ကမန်းကတန်းပြန်ရောက်လာတဲ့ နန္ဒဆီက အထုပ်ကို ဖြေပြီး နပ်စ်မက နပ်စ်မ အလုပ်စတင်ပါတော့တယ်။ သွက်လိုက်မြန်လိုက်တာမှ ... မူးနေတယ်လို့ကို မထင်ရ တာ။ ဆေးထိုးအပ် ပြင်ဆင်တာက အစ ဆေးစုပ်ယူတာအဆုံးပေါ့။ အေးခိုင်တင်ပါးထဲ ဆေးကို ထိုးထည့်ပေးလိုက်တာနဲ့ ကောင်မလေး သတိပြန်လည်လာတာပါပဲ။

အေးခိုင် သတိပြန်လည်လာတော့ တရုတ်ကြီးက ကြမ်းပြင်ပေါ်မှာ စန့်စန့်ကြီး အိပ်ပျော်နေပြန် ကော။ ဟောက်များတောင် ဟောက်လို့။ ဝဏ္ဏကလည်း ခုတော့ သူမဟုတ်သလို ဝါတော် ရှစ်ဆယ်ရ ဆရာတော်ကြီးစတိုင်နဲ့ သူ့အမေခူးခပ်ကျွေးတဲ့ ထမင်းကို အေးရာအေးကြောင်း စားနေပြီ။

သူ့ဧည့်သည်ကို ကိုအောင်ကျော်ဇံကဧည့်ထောက်ခံ စကားပြောထားရတယ်။ အဲဒီဧည့်သည်က ညအိပ်မှာလေ။

အိပ်ပျော်နေတဲ့ တရုတ်ကြီးကို ဖိုးသိုက်က ကန်နှိုးတာတောင် မနိုးဘူး။ နှဲကြီးပါဝိုင်းကန်မှ နိုးတာ။ အားလုံးငြိမ်သွားမှ သူတို့ တိုးကြီးကို သတိရတော့တယ်။ ဖဲသမားလေ ... ဝရုန်း သုန်းကား စဖြစ်ကတည်းက ဝိုင်းက ပိုက်ဆံတွေယူပြီး ထပြေးပြီ။ နောက်မှပြောတယ်။ အကျင့်ပါနေလို့တဲ့။ ပြီးတော့ စိတ်မချလို့တဲ့ ပုဆိုးကွင်းသိုင်းပြီး ပြန်ရောက်လာတယ်။

ဖဲဝိုင်းက ဘယ်သူနိုင်လို့ ဘယ်သူရှုံးမှန်းမသိတဲ့ ပိုက်ဆံတွေနဲ့ သူတို့တသိုက် ညလုံးပေါက် ဖွင့်တဲ့ လက်ဖက်ရည်ဆိုင်မှာ ထမင်းကြော်သွားစားတော့ ည ၁၀ နာရီတောင် ထိုးလုပြီ။

ဝဏ္ဏကိုတော့ ဧည့်သည်ရှိလို့ပါဆိုပြီး အတင်းဖျောင်းဖျ ထားခဲ့ရတယ်။ လမ်းမှာ တရုတ်ကြီးနဲ့ အေးခိုင်တို့ ရန်သတ်ကြသေးတာပေါ့။ ကွဲမယ်ကွာမယ် ဘာညာတောင် ဖြစ်သေးရဲ့။ ဟုတ်တာ လည်း မဟုတ်ဘူး။ ဒီလိုပါပဲ။

မဗိုက်ကတော့ ဒီလူတွေကြား ကန့်လန့်ကန့်လန့်ပေါ့။

အဲဒီနေ့က ဝရုန်းသုန်းကားဖြစ်နေတဲ့ ဝဏ္ဏတို့အိမ်ရှေ့ကနေ နှဲကြီးအဖေ ဦးမြဟန် ဖြတ်သွား သေးတယ်တဲ့။ သူလည်း ထွေနေတာ။ အဲဒီအိမ်ထဲ သူ့သားနဲ့ချွေးမ သောင်းကျန်းနေတာ မသိရှာဘူး။ အိမ်ရောက်တော့ သူ့သားကိုမေးသတဲ့ ...

“ဟေ့ကောင်သားကြီး ဝဏ္ဏတို့အိမ်မှာ ဘာပွဲလည်းမသိဘူးလုပ်နေတယ်ကွ။ မင်းတို့ မသွားဘူးလား” တဲ့။ နှဲကတော့ ခပ်တည်တည်ပဲ “ဟုတ်လား မသိဘူးအဖေ” လို့ ပြန်ပြောလိုက်တယ်။

နောက်တနေ့မနက် လက်ဖက်ရည်ဆိုင်မှာ ဆုံကြတော့ ထုံးစံအတိုင်း ညကအကြောင်း စမြုံ့ပြန်ကြတာပေါ့။ ကျူရှင်ဆရာက တရုတ်ကြီးကို ဆုံးမတော့ တရုတ်ကြီးက “ငါ ဘာလုပ်လို့လဲ ကွ” တဲ့။

ခဏနေတော့ ဝဏ္ဏရောက်လာတယ်။ လမ်းလျှောက်မလာဘူး။ ဆိုက်ကားနဲ့။ ဆိုက်ကား ပေါ်က ဆင်းတော့ ထော့နင်းထော့နင်းဖြစ်နေတယ်။

“ညတုန်းက ဘာတွေဖြစ်လဲ မသိပါဘူးကွာ။ ငါ့ပေါင်ခြံက တော်တော်အောင့်နေတာ” တဲ့။

အကွက်ပဲဆိုပြီး တွယ်ခဲ့တဲ့ ဖိုးသိုက်က မသိချင်ယောင်ဆောင်နေတယ်။ ကျူရှင်ဆရာက ထပ် ဆုံးမရပြန်တယ်။ ဝဏ္ဏရာ မင်းလည်း ငယ်တော့တာမဟုတ်ဘူး။ အမေနဲ့အဘွားကို သနား သင့်ပြီ ... ဘာညာ ပေါ့လေ။ ဝဏ္ဏက ဘလက်ကော်ဖီတခွက် လို့လှမ်းမှာပြီး ကျူရှင်ဆရာကို အူကြောင်ကြောင် ကြည့်တယ်။ အရမ်းကို ဖြူစင်ရှင်းသန့်တဲ့ သူတော်စင် အကြည့်လေးနဲ့ပေါ့ ပြီးတော့ မေးလိုက်တယ် “ငါဘာလုပ်မိလို့လဲကွ” တဲ့။

တရုတ်ကြီးကော ဝဏ္ဏကော မေးတဲ့ပုံစံက တပုံစံထဲ။ သူတို့တကယ်ကို ဘာမှမသိလို့ မေးတဲ့ပုံ။ ဆုံးမမိတဲ့သူကပဲ ပြန်တောင်းပန်ရမလို .... ။ ပြောသားပဲ အစကတည်းက။ ဒါမျိုးလုပ်ရင် ဒါမျိုး ဖြစ်မှာပဲ လို့ ... ။










tag 6

Ten Things I Hate About Myself

တက်ဂ်များ အဖော်နဲ့အပေါင်းနဲ့များလာတတ်သလား မသိပါဘူး။ တနေ့ကပဲ ကာတွန်းကားနဲ့ ပတ်သက်တဲ့ တက်ဂ် ရေးပြီးတယ်။ ဒီနေ့ တစက်မှမငြိမ်တဲ့ ဟန်သစ်ငြိမ်က တက်ဂ်တယ်တဲ့ စီပုံးမှာလာအော်တာလေ ... အကြောင်းအရာကြည့်လိုက်တော့ တော်တော်စိတ်ညစ်သွား တယ်။ ဟိုတခါရေးရတဲ့ မသေခင် ၁၀ ရက်အလိုထက်တောင် ညစ်သေး ..။ ကြည့်ပါဦး ကိုယ့်ကိုယ်ကိုယ် မုန်းရခြင်းအကြောင်းရင်း ၁၀ ချက်တဲ့။ ကိုယ့်ကိုယ်ကိုယ် မုန်းတာတွေ ရှိတော့ ရှိတာပေါ့။ ဒါပေမယ့် တချို့အချက်တွေက ပြန်တွေးဖို့ ... ချပြဖို့ တော်တော်ခက်တာ တွေ ... အင်း ဘာပဲဖြစ်ဖြစ် အမေးရှိပြီဆိုတော့ အဖြေ ရှိရတော့မပေါ့ ...။

၁။ လူလည်အရမ်းကျတတ်လို့
မှတ်ချက်။ ။ လည်ပေမယ့် ကတုံးပေါ်တော့ ထိပ်မကွက်ပါ။ သူငယ်ချင်းအရင်းခေါက်ခေါက် တယောက်ကတော့ ကျမလူလည်ကျတာ တော်တော်သိတယ်။ နင်က တုံးချင်ယောင်ဆောင်နေတဲ့ လူလည်မတဲ့ ဟီးဟီး။

၂။ ဟန်ဆောင်ကောင်းလို့မုန်းတယ်။
လက်ထဲမှာ လကုန်ထိသုံးစရာ ကျပ် တထောင်တောင် မပြည့်တော့တဲ့ အနေအထား ...လကုန်ဖို့က ၁၀ ရက်လောက်လိုသေးတာကို လကုန်ထိသုံးဖုိ့ တသောင်းကျော်ပဲကျန်တော့လို့ လာညည်းတဲ့သူငယ်ချင်းကို သူညည်းသမျှ နားထောင်ပေးပြီး လက်ဖက်ရည်တောင် တိုက်လွှတ်လိုက်သေးတာ။ ဟဲဟဲ ချေးကြပါဦး။

၃။ တော်ရုံတန်ရုံလူကြီးတွေကို အပေါင်းအသင်းမလုပ်ချင်လို့။
အဆင့်အတန်း ခွဲခြားတယ် ဆိုပါတော့ :P (ကိုယ့်ထက်ငယ်တဲ့ ကလေးတွေကိုတော့ ဘယ်သူဖြစ်ဖြစ် ပေါင်းပါတယ်) အဲဒီတော့ ကျမပေါင်းတဲ့လူကြီးတွေက တော်တော် ခင်လို့လို့သာ မှတ်ပေတော့။ ပြီးတော့ ကိုယ့်ပေတံနဲ့ကိုယ်တိုင်းပြီး အိုင်ကျူနိမ့်တယ်ထင်တဲ့သူတွေကိုလည်း ဟန်ဆောင်ပြီးတောင် စကား မပြောချင်ဘူး (အညင်ကတ်စရာကြီးနော်) အဲလို ခဏခဏ ဖြစ်တတ်လို့ ကိုယ့်ကိုယ်ကိုယ် မုန်းပါတယ်။

၎။ တွေဝေတတ်လို့။
လမ်း ၂ လမ်းတွေ့ပြီဆိုပါတော့ ... ဘယ်လမ်းကိုသွားမယ်ဆိုတာ နောက်ဆုံးအချိန် ရောက်တဲ့ထိ မဝေ ခွဲနိုင်ဘူး။ အချိန်စေ့တဲ့အခါ ကြုံရာတခုကို မှားမှားမှန်မှန် အမြန်ရွေးလိုက်ရရော။

၅။ အစကြမ်းလို့။
ခင်မိရင် အစသန်တယ်။ တဖက်လူက ကြိုက်လား မကြိုက်လားမသိ လွှတ်ကနဲ ပါးစပ်က စ မိပြီး ဘရိတ်အုပ်ဖို့ အမြဲနောက်ကျ။ ပြန်တောင်းပန်ရတာ အခါခါ။ ကိုယ့်ကိုယ်ကိုယ်သိတယ် သို့သော် ပြင်လို့မရ။

၆။ အပျင်းကြီးပြီး အလုပ်အကြွေးထားတတ်လို့
ပြင်ဖို့ကြိုးစားတာ ၁၀ တန်းမဖြေခင် ကတည်းကပဲ။ အင်းခုဆို အနှစ် ၂၀ ရှိပြီပေါ့လေ။ အသားက တော်တော်ကျနေပြီ။ ရတော့ဘူး :P လုပ်စရာရှိတာကို နောက်ဆုံးအချိန်ရောက်မှ အမြဲလုပ်လေ့ရှိတယ်။ အလုပ်ကိုရွှေ့တာပေါ့။ စာမူတောင်းရင် ဖောင်ပိတ်ခါနီး တနာရီလောက် အလိုကျမှ အသည်း အသန်ရေးပေးတာ။ မျက်နှာတော့အပျက်မခံဘူး။ သို့သော် တောင်းတဲ့သူက ၂ ယောက်လောက် တပြိုင်ထဲဖြစ်ရင် တေပြီ။ (အမေ့လေနဲ့ပြောရရင် နင်ကတော့လေ မိတူး ချေးယိုခါနီးမှ ချေးခံတွင်းပေါက်ရှာ သိလား)

၇။ အားနာပြီး ကတိပေးလွယ်တတ်လို့
အပေါ်မှာပြောသလိုပေါ့ ကိုယ့်ဝန်နဲ့အား မျှလား မမျှလားမသိ ... သူများက တခုခုလုပ်ခိုင်းရင် ရမယ် ဆိုတာချည်းပဲ (သဘောကောင်းတယ်လို့ကလည်း အထင်ခံချင်သေးတာ)။ ပြီးတော့ အလုပ်ကိုရွှေ့ ... အချိန်ကပ်မှလုပ်ပေး ... မအိပ်မစားတွေဖြစ်။ ပင်ပမ်း။ အဲဒီအချိန်ဆို သိပ်မုန်းတာပဲ ကိုယ့်ကိုယ်ကိုယ်။ သို့သော် အားနာတော့လည်း လုပ်ပေးမယ်ဆိုတဲ့ကတိက အမြဲပေးမိပြန်ရော။ ဒါနဲ့ပဲ သံသရာကလည်နေတာ။

၈။ မကြည်ရင်မကြည်သလို ပြဿနာလုပ်တတ်လို့
အားနာတတ်ပေမယ့် မကြည်ရင်တော့ ကပ်ဖဲ့ပြီး ဂျစ်နေတတ်လို့ .. ခင်တဲ့သယ်ယင်းတွေဆို စိတ်ညစ်တယ်။ ဥပမာ - ကျမ မနေချင်တဲ့ နေရာတခုမှာ တယောက်ယောက်က ပေရှည်နေလို့ နေရပြီဆိုရင် အားမနာတမ်း ဂျီကျတာ။ ရစ်တာပေါ့လေ။ တချို့ဆို နင်က သဘောကောင်း သလိုလိုနဲ့ အကြောင်းသိမှ တော်တော် ပြဿနာရှာတာပါလားလို့ အမြဲပြောတယ်။ ဘယ်လောက် ရစ်လဲဆိုတာကတော့ သူများငိုချင်လာအောင်ကို ရစ်တာပါ (ဒါကလည်း ခင်မှပါ ဟီဟိ)

၉။ မျက်ရည်လွယ်တတ်လို့
လူများရှေ့မှာ မျက်ရည်ကျရမှာ ရှက်သလောက် လွယ်လိုက်တဲ့မျက်ရည်ဆိုတာ။ ထစ်ခနဲရှိ ကျပြီ ... ။ မုန်းတယ်။

၁၀။ နှာခေါင်းပွလို့
မရှိတော့ဘူး ဟန်သစ်မငြိမ်ရဲ့။ ဘာဆက်ပြောရမှန်းမသိတော့လို့ ကိုယ့်နှာခေါင်းပဲ ကိုယ် ရမယ် ရှာလိုက်ရတော့တယ်။ တကတည်း .. ကျုပ်အကြောင်းတော့ လူသိကုန်ပါပြီ။ ကဲ ဆက်တက်ဂ်မယ် ... မရဘူး ဒီတခါတော့ အလွမ်းဓာတ်ခံလေးတွေ ရှိမယ်ထင်ရတဲ့ အစ်ကိုကြီး အစ်မကြီးတွေ မောင် ညီမလေးတွေကို တက်ဂ်ပစ်မယ် လာထား ၁။ အစ်ကိုကြီးအောင်သာငယ် ၂။ အစ်မခင်မင်းဇော် ၃။ အစ်မမေငြိမ်း ၄။ ကိုဇာနည် ၅။ မောင်လေးကောင်းကင်ကို ၆။ ညီမလေးပန်ဒိုရာ .၇။ မောင်လေး ဖြိုး.. ဒန်တန့်ဒန် .. အားတာနဲ့ ရေးပေးပါဗျို့။

အမှတ်တရရက်စွဲများ ၃

အလှဆုံးအိပ်မက်တွေ မက်ခဲ့တဲ့ အချိန်ကိုပြောပါဆိုရင် ... ကျမ အတွက်တော့ ငယ်ဘဝကိုပဲ ညွှန်းရလိမ့်မယ် ထင်ပါရဲ့ ...။ ကျမတင် မကဘူး ဘယ်သူမဆို ငယ်ဘဝကို ပြန်ကြည့်လိုက်တိုင်း ရွှန်းလက်နေတဲ့ ရွှေရောင် အိပ်မက်တွေနဲ့ သာယာ လှပနေပါလိမ့်မယ် ...။ အဲဒီတုန်းက ကျမတို့အားလုံး ဝါဂွမ်းတွေလို .. တိမ်စိုင်တွေလို ဖြူစင်နေမှာပါ။ ဝမ်းနည်းခြင်းဆိုတာ ရှိရင်တောင် ခနတာ ခံစားပြီး မေ့ပျောက်ပစ်နိုင်ခဲ့ကြတဲ့ ကလေးဘဝကို ကျမတို့အားလုံး ပြန်မရနိုင်တော့ဘူး။ ဒါပေမယ့် ကျမကတော့ အဲဒီကလေးဘဝကလေးကို မကြာခန ပြန်ပြန် သွားမိတယ် ... သွားမိတိုင်းလည်း ပျော်ရွှင်ကြည်နူးရပါတယ် ...။
*
ဆက်သနာ့ရိ ... သေသောခွေး

သူငယ်တန်း စတက်တက်ချင်း အမှတ်တရတခုကတော့ ကျမတို့အိမ်မှာ လာနေတဲ့ မနာယော ဆိုတဲ့ အစ်မကြီး ရွာပြန်သွားတာပါ။ သူက လားဟူလူမျိုး နာ ဆိုတာ လားဟူလို မ ပေါ့။ သူ့နာ မည်က မယော.. သို့သော် ကျမတို့က မနာယောလို့ခေါ်တယ်။ သူက ကျမ မမွေးခင်ကတည်း က အိမ်မှာလာနေပြီး ကျောင်းတက်တာပါ။ သူပြန်တဲ့အချိန်မှာ ဆယ်တန်းလည်း အောင်ပြီးပြီ၊ အလုပ်တောင် ဝင်နေပါပြီ။ သူ့အိမ်က လူမျိုးကွဲတွေနဲ့ ရသွားမှာစိုးလို့ ဆိုပြီး ပြန်လာခေါ်သွား တာ။ မေမေတို့လည်း စိတ်မကောင်းကြသလို သူလည်း မပြန်ချင်ပါဘူး။ ဒါပေမယ့် သူ့မိဘတွေ ရဲ့ သဘောထားကို မလွန်ဆန်နိုင်လို့ ပြန်သွားတယ်။

ပြန်ခါနီးမှာ ကျမကျောင်းတက်ဖို့ လွယ်အိတ်ကလေး တလုံး လက်ဆောင်ဝယ်ပေးသွားတယ်။ အစိမ်းရောင်လေးပါ။ ပြန်ခါနီးမှာ ကျမကို သူဖက်ငိုတယ်။ ကျမလည်း ကောင်းကောင်း နားမလည်ပေမယ့် သူ့ကိုဖက်ပြီး ငိုခဲ့ပါတယ်။ သူနဲ့ကျမ နောက်ပိုင်း တောက်လျှောက် စာ အဆက်အသွယ် ရှိခဲ့တယ်။ တကယ့်ညီအစ်မ အရင်းတွေလိုပဲ။

သူ ရွာပြန်ရောက်တာနဲ့ သူ့အိမ်က သူတို့ရွာသား မူလတန်းကျောင်းဆရာလေး တယောက်နဲ့ ပေးစားလိုက်ပါတယ်။ နောက်တော့ သူလည်း ရွာမှာ မူလတန်းပြလုပ်နေတယ်။ သိပ်သနား စရာ ကောင်းတဲ့ မနာယောပါ။ သူ့ခမျာ အလယ်တန်းပြတွေ အထက်တန်းပြတွေ ဖြစ်အောင် ဆရာဖြစ်သင်တန်းတွေတက် စာမေးပွဲတွေဖြေ ... အဲလိုလုပ်ချင်တယ်လို့ ကျမကို ရေးတဲ့ စာတိုင်းမှာ ထည့်ရေးပါတယ်။ ဒါပေမယ့် သူစာမေးပွဲဖြေမယ့်အချိန်တိုင်းဟာ သူ ကလေးမွေး ရမယ့် အချိန်တွေနဲ့ တိုက်တိုက်နေတယ်။

သူက တနှစ်တယောက် ကလေးမွေးပါတယ်။ သားဆက်ခြားဖို့တို့ ဘာတို့ ဒီခေတ်မှာလို ပညာ ပေးမယ့်သူလည်း မရှိသေးပါဘူး။ သူ့စာထဲမှာ စာမေးပွဲလာဖြေရင်း ကျမတို့ဆီလာလည်မယ် လို့ ရေးပေမယ့် သူနဲ့ကျမတို့ ပြန်တွေ့ခွင့် မကြုံခဲ့ပါဘူး။ ဘာကြောင့်လဲ ဆိုတော့ ငါးယောက် မြောက် သမီးမိန်းကလေး မွေးရင်း မီးတွင်းထဲမှာ ကွယ်လွန်သွားလို့ပါ။ ကျမရဲ့ ငယ်ဘဝ အချိန်တွေထဲမှာ မမေ့နိုင်စရာ လူတယောက်အဖြစ် ပါဝင်နေလို့ မနာယော အကြောင်းလေး ထည့်ပြောရတာပါ။

နောက်ထပ် ငယ်ဘဝမှာ မမေ့နိုင်စရာ တဦးကတော့ ကျမကို ထိမ်းခဲ့တဲ့.. ကျမတို့က အန်တီကြီး လို့ခေါ်တဲ့ ကုလားမ အပျိုကြီးပါ။ သူက ကျမကိုသိပ်ချစ်တယ်။ ဆာရီအမြဲဝတ်တဲ့ အန်တီကြီးရဲ့ မျက်နှာက သိပ်ကိုကြည်လင်တာပဲ။ သူကအိန္ဒိယလူမျိုး ခရစ်ယာန် ဘာသာဝင် (အာရ်စီ ပေါ့)။

ကျမသိပ်ငယ်သေးတဲ့ သူငယ်တန်း၊ တတန်း နွေကျောင်းပိတ်ရက်တွေမှာ မေမေတို့ အလုပ် သွားတဲ့အချိန် အန်တီကြီးနဲ့ နေခဲ့ရပါတယ်။ အန်တီကြီးက ကုလားလေးတွေကို ကုလားစာ သင်တဲ့ အလုပ်လည်း လုပ်တယ်လေ။

အိမ်တွေမှာ လိုက်သင်တာပါ။ အဲလိုတွေ သူ စာသွားသင်ရင် ကျမက သူ့နောက်က တ ကောက်ကောက် ဆာရီစဆွဲပြီး လိုက်တာပဲ။ သန်လျင်မြို့မှာ ကုလားတွေ စုနေတဲ့ ရပ်ကွက် တွေရှိတယ်။ ဟိန္ဒူတွေ၊ ခရစ်ယာန်တွေပေါ့။ အဲဒီရပ်ကွက်တွေက မြို့ထဲနဲ့ တော်တော်လှမ်း ပါတယ်။ ပြီးတော့ သူတို့အိမ်ကလေးတွေက မြေကြီးအိမ်လေးတွေလေ ... သိပ်အေးတာပဲ။ ဓနိမိုး ထရံကာပြီး ရွှံနဲ့နွားချေးမံထားတဲ့ အခင်းက ပြောင်လက်နေတာ။

အန်တီကြီးကစာသင် ... ကျမက တရေးတမောအိပ်။ တခါတလေ ... အနီးအနားမှာ လျှောက် ကစား။ ညောင်သုံးပင်လို့ ခေါ်တဲ့ ခရစ်ယာန်သင်္ချိုင်းနားမှာ သွားသင်ရတဲ့ နေ့တွေဆို သိပ်ပျော် စရာကောင်းတယ်။ သူစာသင်နေတုန်း အနီးအနားက မြယာပင်လေးတွေမှာ ချဉ်ဖြုန်းဖြုန်း မြယာသီးမှည့်လေးတွေ ခူးစား၊ ပြီးတော့ ကွင်းပြင်ကျယ်ကြီးထဲမှာ ကုလားမလေးတွေနဲ့ လျှောက်ပြေးဆော့၊ မောရင် အေးစိမ့်နေတဲ့အိမ်ကလေးထဲ ဝင်အိပ်။ ညနေစောင်းမှ အန်တီကြီးနဲ့အတူ တောကားကြီးစီးပြီးပြန်ပေါ့။

တခါတလေ ကျမက သူသင်တဲ့နားသွားထိုင် ငေးမော ... ကုလားစာတွေ လိုက်ရွတ် .. ကုလား ကကြီး ခခွေးတွေ လိုက်ရေး ... “အာရီး၊ စစ်သရီး၊ နာနား၊ မောဝနား ...” “ရီးနာ့ကရီး .. ဘာဟင်းချက်လဲ” “ပါးရပူးကရီး ... ပဲဟင်းပေါ့” “မြီးနိကရီး ... ငါးဟင်း” နောက် ကျမ သေသေချာချာ မှတ်မိနေတာ တခုက “ဆက်သနာ့ရိ .. သေသောခွေး” တဲ့။ ကျန်တာတွေ တော့ မမှတ်မိတော့ဘူးလေ။

ဒေပါဝါလီနေ့လို ... ဟိန္ဒူတွေရဲ့ နေ့ထူးနေ့မြတ်တွေမှာဆို သိပ်ပျော်စရာကောင်းတယ်။ မုန့်အချိုတွေ ဆိုတာအောတိုက်ပဲ။ အဝစားယုံတင်မကဘူး အိမ်ကိုပါ အများကြီးထည့် ပေးလိုက် သေးတာ။ နောက်တော့ အန်တီကြီးတို့ အာရ်စီ ဘုရားကျောင်းမှာ ပွဲနေ့တွေဆိုရင် လည်း သိပ်ပျော်တယ်။ ထမင်းရုံကြီးတွေနဲ့ ထမင်းကျွေးတာလေ။ အဲဒီမှာ ကျမ ငှက်ပျောဖက်နဲ့ ထမင်းကောင်းကောင်းစားတတ်သွားတာပေါ့။

ရေစင်အောင်ဆေးထားတဲ့ ငှက်ပျော်ဖက် စိမ်းစိမ်းကို ရှေ့မှာလာချ ... ပြီးရင် ထမင်းပူပူကို သံပုဂံပြားနဲ့ကော်ပြီး ပုံပေး၊ တယောက်က ငှက်ပျောဖက်ထောင့်လေးမှာ ဆားပုံလေးလိုက်ပုံ၊ နောက်တယောက်က ဘာလီပုံးကြီးနဲ့ထည့်ထားတဲ့ ပဲဟင်းပူပူကို လာဆမ်း (မဆလာနံ့လေး ခုတောင် သင်းနေသေးသလိုပဲ)၊ နောက်တယောက်က ဘာဂျီကြော်လို့ခေါ်တဲ့ ဂေါ်ဖီနဲ့အာလူး ကြော်ထားတာလေးပုံ၊ နောက်တယောက်ကတော့ ခရမ်းချဉ်သီးချက်ဖြစ်ဖြစ် မန်ကျည်းမှည့် ထောင်းဖြစ်ဖြစ် လိုက်ပုံပေး ... အဲဒါကို လက်နဲ့ အားရပါးရ စားပေတော့။ ကျမအကြိုက်ဆုံး ကတော့ ချဉ်တင်တင်နဲ့ မလုပ်တံနီ ဟင်းချိုပါ။ အဲဒါကို စတီးခွက်လေးနဲ့ လာချပေးတာလေ။

ပြီးသွားရင် အဲဒီငှက်ပျောဖက်ပေါ်မှာပဲ သာကူပြစ်ပြစ်ကို အချိုပွဲအနေနဲ့ လိုက်တင်ပေး သေးတာ၊ ပါပရာကြော် ကြွပ်ကြွပ်နဲ့တွဲစားရတာလေ။ အမယ် ... ငှက်ပျော်ဖက် ပြန့်ပြန့်ကြီးနဲ့ သာကူကို ဘေးကျမသွားအောင် လက်နဲ့စားတာကိုက ပညာနော်။ တော်တော်ခက်တာ :P

မယ်တော်မာရီ ရုပ်တုလှည့်တဲ့ နေ့တွေမှာဆို ဘုရားကျောင်းဝင်းထဲမှာ ကော်ဖီတိုက် သေးတယ်။ ကော်ဖီဆိုတာက ကော်ဖီကြမ်းလို့ ကျမတို့ခေါ်တဲ့ ဘလက်ကော်ဖီကို ချင်းရယ် ထန်းလျှက်ရယ်နဲ့ဖျော်တာပါ။ ပူပူ မွှေးမွှေး ချိုချို ခါးခါးလေးပေါ့။

အန်တီကြီးက တခါတလေ ကျမတို့အိမ်မှာ ဟင်းတွေဝင်ချက်ပေးတယ်။ အထူးသဖြင့် သူချက် ပေးတဲ့ ဂဏန်းဟင်းကို ကျမခုထိမမေ့ဘူး။ မေမေက ဂဏန်းဟင်း ဘယ်တော့မှ မချက် ဘူးလေ။ အရှင်တွေကိုင်ရလို့တဲ့။ အန်တီကြီးချက်ကျွေးမှ ကျမတို့စားရတာ။ အန်တီကြီး တပည့်တွေနေတဲ့ ကမ်းနားပိုင်းမှာကလည်း ဂဏန်းတွေ အလွန်ပေါဆိုတော့ ကျမတို့ မောင်နှမ ကြိုက်မှန်းသိတော့ အန်တီကြီးက ဝယ်ဝယ်လာခဲ့တာ ... ကျမတို့ကြီးတဲ့ အထိပါပဲ။

အန်တီကြီးက ကျမအဘွားရဲ့ ခြံဝင်းထဲမှာ အိမ်သေးသေးလေးဆောက်ပြီးနေတာလေ။ ကျမတို့ မောင်နှမတွေက ကြီးတဲ့ထိ အားရင် သူ့ဆီသွားလည်တာပဲ။ ကျမကို ထိန်းခဲ့သလို ကျမမောင် ကိုရဲလေးကိုလည်း တခါတလေ ထိန်းပါတယ်။ ခုတော့ အန်တီကြီး မရှိတော့ပါဘူး။ ၈၈ အရေး အခင်းအပြီး ညမထွက်ရအမိန့်တွေ ထုတ်ထားတဲ့ကာလမှာ သူ့ရဲ့ တဦးတည်းသော တူရဲ့ လက်ထဲ ကွယ်လွန်ခဲ့ပါတယ်။ သူ့ကို ကျမအဘွားက အန်ထော်နီမာကြီးလို့ခေါ်တယ်။ အဘွားက ကုလားစကားလည်းတတ်တော့ အန်တီကြီးကို တော်တော်ချစ်ပါတယ်။

ကျမအဘွားမှာ အဲလိုပဲ ခေါ်ယူမွေးစားထားတဲ့ မွေးစားသားသမီးတွေ တော်တော်များပါတယ်။ အများသောအားဖြင့်တော့ အိန္ဒိယလူမျိုးတွေပါ။ အဘွားကို ကျမတို့မြေးတွေက မာမီကြီးလို့ ခေါ်တယ်။ မာမီကြီးက ကျမှတ်မိတဲ့အချိန်မှာ တခေါင်းလုံးဖြူဖွေးနေပြီလေ။ ဒါပေမယ့် သိပ်လှတယ်။ အသက် ၈၀ လောက်အရွယ်မှာ လုံးဝ ခါးမကုံးဘူး။

မာမီကြီးက အပြင်သွားခါနီးမှာ အမြဲတမ်း မြေးတယောက်ယောက်ကိုခေါ်ပြီး သူဝတ်ထားတဲ့ ထမီနဲ့ အင်္ကျီလိုက်ရဲ့လားလို့ မေးတတ်တယ်။ ပြီးတော့ အပြင်ထွက်ပြီဆို ရေမွှေးနံ့လေး တသင်းသင်းနဲ့။ ကျမမှတ်မိတဲ့ အရွယ်ထိ မာမီကြီးက သိုးမွှေးထိုးတုန်း။ မြေးတွေအတွက် အင်္ကျီလေးတွေ ဦးထုပ်လေးတွေပေါ့။

ပြီးတော့ ခရစ္စမတ်စ်ဆိုရင် မုန့်တွေသူ့ဖာသာသူ လုပ်တယ်။ ကာရ်ကာရ် လို့ခေါ်တဲ့ဂျုံကျော် တွေ၊ ဒိုဒိုးလို့ခေါ်တဲ့ မုန့်ကလားမတွေ နောက် ... ရွှေကြည်ဆနွင်းမကင်းပေါ့။ ကျမ လက်ဆင့်ကမ်း လုပ်တတ်တာ တခုက ပန်းဂေါ်ဖီသနပ်ပါ။ ကြိုက်လွန်းလို့ သင်ထားတာ။

ခရစ္စမတ်လို၊ မာမီကြီးမွေးနေ့လို၊ ဒယ်ဒီကြီးသေတဲ့ နှစ်ပတ်လည်နေ့လိုဆို မာမီကြီးတို့ အိမ်မှာ အမျိုးတွေကော မာမီကြီးရဲ့ မွေးစားသားသမီး တွေကော စုံလို့။ ကျမတို့ကလေးတွေ သိပ်ပျော် ခဲ့ရတဲ့ အချိန်တွေပေါ့။

မှတ်မှတ်ရရ မာမီကြီး ၈၅ နှစ်ပြည့်တဲ့နှစ်မှာ ကျမဦးဆောင်ပြီး ဗမာပြည်မှာရှိတဲ့ မြေးတွေ အားလုံးဆီက တယောက် တကျပ်ကောက် ... မွေးနေ့ကိတ်ကြီးတခု လက်ဆောင် ပေးပါတယ်။ မြေးဘယ်လောက် များသလဲ ဆိုရင် တယောက် တကျပ်နဲ့တင် မွေးနေ့ကိတ် အကြီးကြီး ရပါတယ်။ အဲဒါ နိုင်ငံခြား ရောက်နေတဲ့ မြေးတွေ မပါသေးဘူး ...။

အမျိုးတွေ စုံပြီဆိုရင် ပျော်ကြတဲ့ ကျမတို့မောင်နှမတွေကတော့ ကစားနည်းပေါင်းစုံကို ကစားရင်း .... အိမ်ဘေးက ငုပင်ပေါ်က ရွှေပိုးကောင်လေးတွေကို ဖမ်းရင်း ... လူကြီးတွေ လုပ်သမျှ မှတ်သားရင်း အချိန်ကုန်ကြရ တာပါပဲ။

အဲဒီတုန်းက အိပ်မက်တွေသိပ်လှတယ် ..။ အပူအပင်ကင်းခဲ့တယ် ... အညှိုးအတေး မရှိဘူး .. အာဃာတ ဆိုတာလည်း မရှိ ... ။

ကျမတို့ ဆိုးတေ သမျှ ခွင့်လွှတ်ပြုံးကလေးပြုံးရင်း ကြည့်နေတတ်တဲ့ အန်တီကြီးရဲ့ တဲငယ်လေးထဲ အမောဝင်ဖြေရင်း... အန်တီကြီးကျွေးတဲ့ မုန့်တွေစားရင်း... ရယ်မော ပျော်ရွှင်ခဲ့ရတဲ့ နေ့တွေ ... သတိရမိပါရဲ့ ....။ ဆက် ရေုးပါမယ် ....
။ ။

tag 5

မနေ့မနက်က မယ်နန်းညီက ခြိမ်းခြောက်တယ် .... တခုတက်ဂ်မယ်နော်တဲ့ ... ပြီးတော့ နောက်မှာ ဟီဟိ ဆိုတာကပါသေး။ အလုပ်ရှုပ်နေရတဲ့ကြားထဲ ဒီကလေးမ ဘာပါလိမ့်ပေါ့လေ။ တက်ဂ်ချင်လည်း တက်ဂ်ပေါ့ ... ဒီလိုနဲ့ ညဘက်ကျတော့ မောင်ဗီလိန်ကလာပြန်တယ် .. လာမည့် ၆ နာရီအတွင်း အင်အား အသင့်အတင့် ရှိသော တက်ဂ်တခု လာဖွယ်ရှိတဲ့။ ဟာ ဒီကောင်တွေ သိပ်မရိုးဘူးလို့ စဉ်းစား နေတုန်း ဖိုးဂျယ်တယောက်က တခါလာပြန်တယ် သူ့ဆီကိုလည်း အဲလိုပဲလာပြောတယ်တဲ့။ ပျော်တယ် ဆိုပဲ။ သတိပြန်ပေးလိုက်ရတယ် သိပ်မပျော်နေနဲ့ ဒီကောင်တွေ မဟုတ်တာ ကြံစည်နေပုံရတယ်လို့ ...။ ဒီနေ့ကျတော့ တက်ဂ်လိုက်ပြီတဲ့ လာပြောလို့ သွားကြည့်လိုက်တော့ တကယ်ပါပဲ မတရားသဖြင့် ပြိုင်တူ တက်ဂ်ထားလိုက်တာ။ ဒါပေမယ့် အကြောင်းအရာကြည့်လိုက်တော့ တော်တော်ပျော်သွား တယ်။ အကြိုက်ဆုံးကာတွန်းကားတဲ့ ...။ ဒါမျိုးကတော့ တူးတူးသာတို့က လာထားပဲ။ ကာတွန်းကား တွေကို မလွတ်တမ်းကြည့်ထားတာ ဘယ်ရမလဲ။ သူတို့ မတရားသဖြင့် တက်ဂ်ထားတာကို ကိုယ်က တရားသဖြင့် ပြန်ရေးပေးလိုက်မယ်။ လာလေရော့ ... မယ်နန်းညီနဲ့ မောင်ဗီဗီရေ ... ညည်းတို့ တက်ဂ်ထားတဲ့ တခြားသူတွေက ဘာတွေရေးမလဲဆိုတာ နောက်မှကြည့်တော့မယ်။ တူရင်လည်း အကြိုက်ချင်းတူတယ်ပဲ မှတ်လိုက်တော့ဟေ့ ... ရေးပြီနော် ...။
POCAHONTAS

ကာတွန်းကားထဲမှာတော့ မကြိုက်တဲ့ကားက ခပ်ရှားရှားပါ။ ကျမက သရီးဒီထက် တူးဒီကာတွန်း ကားလေးတွေကို ပိုကြိုက်တယ်။ ဝေါ့လ်ဒစ္စနေရဲ့ ကာတွန်းတွေဆို အကုန်ကြိုက်ပဲ။ လိုင်းယင်းကင်း ဆိုရင် ခဏခဏ ပြန်ပြန်ကြည့်လည်း မရိုးဘူး။ ကာတွန်းကားတွေကို အဓိက ကြိုက်ရခြင်းက အဲဒီထဲက ဇာတ်ဝင်သီချင်းတွေ ကောင်းလွန်းတာလည်း တကြောင်းပေါ့။

ပိုကာဟွန်းတက်စ် ဇာတ်လမ်းကလေးက အင်္ဂလိပ် ပုံပြင်တပုဒ်ကို အခြေခံရိုက်ကူးထားတဲ့ ချစ်စရာ ကာတွန်းကားလေးပါ။ ၁၉၉၅ ခုနှစ်မှာ ဖြန့်ချိခဲ့ပါတယ်။ ပိုကာဟွန်းတက်စ် ဆိုတဲ့ အင်ဒီးယန်း မလေးနဲ့ သင်္ဘော ကက်ပတိန် ကောင်လေး ဂျွန်စမစ်သ်တို့ရဲ့ ရိုးရိုးအချစ်ဇာတ်လမ်းလေး.. တပုဒ်ပါပဲ။

ပိုဟွာတန် အင်ဒီးယန်းလူမျိုးစုတွေ သဘာဝအတိုင်း အမဲလိုက်၊ ငါးရှာ ... စိုက်ပျိုးရေးလုပ်ပြီး ငြိမ်းငြိမ်းချမ်းချမ်း နေတဲ့ နေရာကို ရွှေတူးတဲ့ဗြိတိန်လူဖြူတသိုက် ရောက်လာပါတယ်။ အဲဒီလူဖြူတွေ စီးလာတဲ့ သင်္ဘောရဲ့ ကက်ပတိန်လေးက ဂျွန်စမစ်သ်ပါ။

ပိုကာဟွန်းတက်စ် ဆိုတဲ့ အသားညိုညို၊ နက်မှောင်ဖြောင့်စင်းတဲ့ ဆံပင်ရှည်ကြီးတွေရဲ့ ပိုင်ရှင်၊ မျက်နှာကျ လှလှ ကောင်မလေးက ပိုဟွာတန် အကြီးအကဲရဲ့ သမီးပေါ့။ သူ့အဖေက သူတို့ လူမျိုးစုထဲက စစ်သူကြီးကောင်လေးတယောက်နဲ့ ထိမ်းမြားပေးဖို့ သဘောတူထားပြီးပြီ။

သဘာဝတောတောင် အလှတွေရဲ့ကြားမှာ ကြမ်းကြမ်းတမ်းတမ်း ကြီးပျင်းလာရတဲ့ ပိုကာဟွန်းတက်စ် ဟာ အပြေးမြန်သလောက် ရေကူးလည်းတော်၊ လှေလှော်လည်း ကျွမ်းကျင်ပါတယ်။ ဇာတ်လမ်းအရ ပိုကာဟွန်းတက်စ်နဲ့ ဂျွန်စမစ်တို့ ချစ်ကြိုးသွယ်မိပြီး ... နောက်မှာ အဲဒီကိစ္စကို ပိုကာဟွန်းတက်စ်ရဲ့ အဖေကြီးသိသွားပါတယ်။

သူတို့မြေပေါ်မှာ ရွှေလာရှာတဲ့အဖြူတွေကို ကြည့်မရတဲ့ကြားထဲ သူတို့ရဲ့ကွမ်းတောင်ကိုင် အလှပဂေးကိုပါ သိမ်းပိုက်မယ့် အဖြူတွေကို အင်ဒီယန်းတွေက ရန်ပြုရာက တဖက်က ပြန်လည် တိုက်ခိုက်တာကြောင့် အင်ဒီယန်းစစ်သူကြီးလေး ဒဏ်ရာရသွားသလို ဂျွန်စမစ်ကိုလည်း အင်ဒီးယန်း တွေဘက်က ဖမ်းဆီးလိုက်ပါတယ်။

အဲလို ရှုပ်ထွေးမှုတွေကြောင့် တဘက်နဲ့တဘက် စစ်ကြေညာတဲ့အထိ ဖြစ်ကုန်ကြတယ်။ ရွှေရှာဖို့ သင်္ဘောငှားလာတဲ့ သူဌေးက အဆင်အခြင်နည်းပါးသလောက် သူတို့မှာပါတဲ့ သေနတ်တွေကို အားကိုးသလို သူ့အလုပ်သမားတွေရဲ့ အင်အားနဲ့ အင်ဒီယန်းတွေကို မိုက်မိုက်မဲမဲ စိန်ခေါ်ခဲ့ပါတယ်။

အဲဒီအချိန်မှာ ပိုကာဟွန်းတက်စ်က သူတို့ရိုးရာရုံကြည်အားထားကြတဲ့ ဖွားဖွား သစ်ပင်ဆီ ရောက်နေပါတယ်။ ဖွားဖွားရဲ့ ညွှန်ကြားချက်နဲ့ ဒီစစ်ကို သူတားတော့မယ်။ တကယ်လို့သာ တဘက်နဲ့တဘက် စစ်ဖြစ်ကြရင် သူတို့အားလုံး သေကြဖို့ပဲ။ သူ့အဖေရဲ့ ဒေါသ ...၊ သူတို့ဘက် ဆိ်ုပေမယ့် ရန်သူ့လက်လို့ ဆိုနိုင်တဲ့သူတွေ လက်ထဲရောက်နေတဲ့ ချစ်သူ ... တဘက်က သူတို့လူမျိုးတွေ ချစ်တဲ့မြေကြီး ... ဒါတွေကို သူ ဆုံးရှုံးရတော့မယ်။

နောက်ဆုံးမှာ ပိုကာဟွန်းတက်စ်ဟာ စစ်ကိုတားနိုင်ခဲ့သလို ... သူတို့နှစ်ယောက်ရဲ့ ချစ်ချင်းမေတ္တာကို စစ်ဆာ နေတဲ့သူတွေ မလွန်ဆန်နိုင်တော့အောင် ဖြစ်သွားခဲ့ပါတယ်။

ဇာတ်လမ်းက သာမာန်အချစ်ဇာတ်လမ်းဆိုပေမယ့် အဓိက ကျမနှစ်ခြိုက်မိတာက ဇာတ်ပို့တွေရဲ့ အင်အားရယ်၊ နောက်တော့ ဇာတ်ဝင်သီချင်းတွေရယ်ပါ။ ပိုကာဟွန်းတက်စ်ရဲ့ အရိုင်းဆန်တဲ့ ဘဝနဲ့ အလှကို ပြနေတဲ့အချိန်ဟာ ဇာတ်ဝင်တေးကြောင့် ပိုပြီးရုပ်လုံးကြွလာတယ်။ နောက်တနေရာကတော့ နှစ်ဘက် စစ်ပြင်နေတဲ့အချိန် မြူးကြွတဲ့ သီချင်းပါ Savages ဆိုတဲ့ သီချင်းပေါ့။ အဲဒီသီချင်းသံနဲ့အတူ လူတွေကိုမပြဘဲ အရိပ်တွေကိုပဲ ပြနေတာကိုက တကယ်စစ်တိုက်ကြတော့မလားလို့ အသည်းတယားယား ဖြစ်စေပါတယ်။

အင်ဒီယန်းတွေဘက်က ဂျွန်စမစ်ကို ရှေ့ဆုံးကနေ ဓားစာခံအဖြစ် ကြိုးနဲ့တုတ်ပြီးထွက်လာ ... ပိုကာဟွန်းတက်စ်က တောထဲကနေ ဖြတ်လမ်းက မီအောင်ပြေးပြီး နှစ်ဘက်ကြားကိုရောက်နေတဲ့ ချစ်သူရဲ့အပေါ်က ကာကွယ်ပြီးမှောက်လိုက်တဲ့ အချိန် ... နှစ်ဘက်စလုံး မင်သက်နေတုန်း အဖြူတွေဘက်က အဆင်ခြင်မဲ့တဲ့ သူဌေးက သေနတ်ကို ပိုကာဟွန်းတက်စ်ရဲ့ အဖေဆီ ချိန်ပြီး ခလုပ်ဆွဲချလိုက်ပါတော့တယ်။

အဲဒီမှာပဲ အဖိုးကြီးရှေ့ကနေ ဂျွန်စမစ်သ်က ဝင်ခံပေးလိုက်တဲ့အတွက် ဂျွန်စမစ်သ်ကိုချစ်တဲ့ ရွှေတူး အလုပ်သမားတွေအားလုံးရဲ့ ဒေါသဟာ သူဌေးဆီကို မြားဦးပြန်လှည့်ခဲ့ပါတယ်။

ချစ်ချင်းမေတ္တာကြောင့် စစ်မဖြစ်တော့သလို ... မတရားတဲ့သူကို သူ့ဘက်သားတွေကအစ မလိုလားဘူး ဆိုတာ လေး ကျမခံစားမိပါရဲ့ (ရုပ်ရှင်ဆိုတော့လည်း အဲ ပေါ့လေ)

ဇာတ်ပို့တွေထဲမှာ တိရိစ္ဆာန်ကလေးတွေလည်း ပါတဲ့အတွက် ချစ်စရာ သိပ်ကောင်းတာပဲ။ ကာတွန်း ရုပ်တွေဖြစ်တဲ့အတွက် တကယ့်လူ့ဇာတ်လမ်းမှာ မဖြစ်နိုင်တာတွေကိုပါ ထည့်ရေးလို့ရတာ အားသာ ချက်ပေါ့နော်။

နောက်တခုက ဟောလီးဝုဒ် ကာတွန်းကားတွေရဲ့ ထုံးစံအတိုင်း ကာတွန်းရုပ်ကလေးတွေနေရာမှာ စကားပြောတဲ့သူတွေက တကယ့်ဟောလီးဝုဒ် သရုပ်ဆောင်ကြီးတွေလေ ...။ ဂျွန်စမစ်သ် နေရာမှာ မင်းသားကြီး မဲလ်ဂစ်ဘ်ဆင်က သရုပ်ဆောင်ထားပြီး ပိုကာဟွန်းတက်စ်အဖြစ်ကတော့ အိုင်ရင်းဘတ်ဒတ်က သရုပ်ဆောင်ပါတယ်။

“ရွှေ ... ဟုတ်လား အဲဒီရွှေက ဒီပြောင်းဖူးလို စားလို့ရလား။ ပြောင်းဖူးလောက် တန်ဖိုးရှိလို့လား” ဆိုတဲ့ ပိုကာဟွန်းတက်စ်ကလေးကို မကြည့်ရသေးရင် ကြည့်လိုက်ပါဦးနော်။ နန်းညီနဲ့ ဗီဗီတော့ ကျေနပ်မယ် ထင်ပါရဲ့။

ကဲ တာဝန်နဲ့ဝတ္တရားအရ ဆက်တက်ဂ်တော့မယ်။ သိပ်များများမတက်ဂ်ဘူး တကယ် ရေးမယ်ထင်တဲ့ ၃ ယောက်ပဲတက်ဂ်မှာ.. ၁။ ဘေးတိုက်သွားတဲ့ ဂဏန်းကောင်လေး ဂျူလိုင်ဒရင်းမ် ၂။ ကာတွန်း ကားတွေကို ကြီးတဲ့ထိကြည့်တုန်းဆိုတဲ့ ယောနသံဇင်ယော် ၃။ ဒီတယောက်ကတော့ ကိုယ့်ရဲ့ ချစ်ရတဲ့ အစ်မ မမိုးချို (ဟီဟိ အစ်မက ကာတွန်းကားကြည့်တဲ့ရုပ်ပေါက်လို့ တက်ဂ်တာနော်) ကဲ ... ရေးပေးကြပါဦး။

အမှတ်တရရက်စွဲများ ၂

ဒီည ကျမ တယောက်တည်း လွမ်းနေတယ် ... ။ ကျမရဲ့ တဦးတည်းသော မောင်လေး နက်ဖြန် မင်္ဂလာ ဆောင် မှာလေ။ အိပ်မက်လိုပဲ .. ။ ကျမက မောင်တွေကို နှမျောပြီး ယောင်းမတွေကို ကြည့်မရတဲ့ အစ်မ အမျိုးအစား ထဲမှာ မပါပါဘူး ...။ ကျမ အဲဒီ အငယ်ကောင်ရဲ့ မင်္ဂလာပွဲမှာ ရှိနေချင်တာသက်သက်ပါ ... ။ သူလည်း ကျမကို သတိရနေမှာ သေချာတယ်...။ ကျမက သူ့ရဲ့ တဦးတည်းသော အစ်မဖြစ်သလို သူကလည်း ကျမရဲ့ တဦး တည်းသော မောင်လေးလေ။ ကျမတို့မြို့ လေးရဲ့ ဘုရားကျောင်း သေးသေးလေးမှာ “ဆင်းရဲသည်ဖြစ်စေ ... ချမ်းသာသည်ဖြစ်စေ ... နာသည်ဖြစ်စေ ... အိုသည်ဖြစ်စေ .. တယောက်ကိုတယောက် သေတပန်သက်တဆုံး ချစ်ခင်ပါမည်ဟု ကတိပြုပါသည်” လို့ ပြောနေမယ့် မောင်နှံကို ကျမ လွမ်းနေပါတယ် ... ။ စန္ဒယားသံ နဲ့ စည်းချက်ညီညီ လျှောက်လှမ်းလာမယ့် မောင်နှံရယ် ပန်းကျဲမယ့် ကလေးမလေးတွေရယ် ပရိသတ်ရယ်.... ဘုရားကျောင်းက ခေါင်းလောင်းသံရယ် ... ပျော်ရွှင်ပြီး ရှက်သွေးဖြာနေမယ့် သတို့ သမီးလေးရယ် ... ကျေးရွာမင်္ဂလာဆောင်လိုပဲ ... အဝကျွေးမယ့် ဒန်ပေါက် ထမင်းရယ် ... ။ အားလုံးကို ကျမ လွမ်းတယ်။ “ယနေ့မှစ၍ ကြင်သူနှစ်ဦးကို အဘဘုရား စောင့်ရှောက်ပါစေ” ဆိုတဲ့ ဓမ္မတေးက ပျံ့လွင့်နေဦးမှာ။ ကိုရဲရေ Endless Love သီချင်းကို ဒီကနေပဲ တိတ်တိတ်လေး မတူး တယောက်တည်း ဆိုပေးတော့မယ်ဟာ ...။

ကြင်နာသူနှစ်ဦး ဆုံနိုင်ရင်

ကျမအသက် ၆ နှစ်ပြည့်ပြီးချိန်မှ အဲဒီကောင်ကိုမွေးတာ။ ကျမမှတ်မိသလောက် အရင်က ကျမတို့ အိမ်မှာ လက်ဖက် အကြော်စုံ ရောင်းပါတယ်။ မေမေက လက်ဖက်တွေကို ဇောင်းလျားသီးနဲ့ သိပ်လို့ ချဉ်စပ်လက်ဖက်ရယ် ... အကြော်စုံရယ် .. နာမည်က ဖွားမိ လက်ဖက်အကြော်စုံတဲ့။ ကျမပါပါက ခဲ တံဆိပ် တုံးလေးလုပ်ပြီး လက်ဖက်အသားနဲ့ အကြော်ထုပ်လေးတွေမှာ ကပ်ပါတယ်။ တော်တော်လေး အောင်မြင်တယ် ဆိုပါတော့။

ဒါပေမယ့် အမေက ဗိုက်ကြီးလာတော့ အဲဒီအလုပ်ကို နားလိုက်တယ်။ ကျမက ၆ နှစ်သမီး ဥာဏ်လေးနဲ့ အမေ့ကို မေးတော့ အမေက “ကလေးလေးမွေးလာရင် အမေတို့ လုပ်နေတာတွေကို နှောင့်ယှက်မှာလေ။ ပြီးတော့ မြေပဲတွေ ပဲကြော်တွေကို နှိုက်စားရင် ဘယ်လိုလုပ်မလဲ” လို့ပြောတယ်။ အဲဒီမှာ ကျမရဲ့ ၆ နှစ်သမီး အတွေးထဲ မွေးလာမယ့်ကောင်က လက်ဖက်အကြော်တွေ နှိုက်စားမယ့် ကောင်ပဲ လို့ စွဲနေခဲ့ပါတယ်။

အဲဒီကောင်လေးရဲ့ မွေးနေ့က နိုဝင်ဘာ ၁၆ ရက်။ လာမယ့် တနင်္ဂနွေနေ့မှာ ဒီကောင့်အသက် ၃၁ နှစ် တင်းတင်းပြည့်ပြီပေါ့။ ၃၁ နှစ်ဆိုတဲ့ အသက်အရွယ်က အိမ်ထောင်ပြုဖို့ လွန်တောင် လွန်နေပြီလို့ ပြောကြပေမယ့် ကျမအတွက်ကတော့ တကယ့်ပီဘိ အဖြူထည် မောင်ငယ်လေးပါ။ ဒါကတော့ အစ်မတိုင်း ဖြစ်တတ်ပါတယ်လို့ ပြောကြဦးမယ်။ ဟင့်အင်း .. ကျမမောင်က တခြားသူတွေနဲ့ တူကို မတူတာ ... သူ့ကို ကျမက အိမ်ထောင်ပြုမယ့်သူလို့ကို ထင်မထားတာလေ ..။ ဒီကောင် ရည်းစားတွေ ထားချင်ထားမယ် ... ပွေချင်ပွေမယ်။ ဒါပေမယ့် အိမ်ထောင်ပြုမယ့်ကောင်လို့ ကျမထင်မထားဘူး။ (သူ့သူငယ်ချင်းတချို့လည်း အဲလိုပဲ ထင်ထားကြတယ်)

ကျမက ... ရဲ လို့ ခေါ်တဲ့ ဒီကောင်က ငယ်ငယ်ကတည်း ပိုက်ဆံစကား တခါမှ မပြောဖူးခဲ့တာ။ ပိုက်ဆံ လိုတယ် ... ပိုက်ဆံကြောင့် စိတ်ညစ်တယ် ဆိုတာ သူ့ဘဝမှာ တခါမှ မရှိဖူးတာ။ တယောလေး ထိုးလိုက်၊ သီချင်းလေးဆိုလိုက်၊ ပန်းချီလေးဆွဲလိုက် နေတဲ့ကောင်လေ။ အဲဒီကောင်က ခု ပိုက်ဆံလို တယ်ဟာတဲ့။ ကျမ တော်တော်လေး စိတ်မကောင်းဖြစ်သွားတယ်။ ပြီးတော့ ဒီကောင် အိမ်ထောင့် တာဝန်ဆိုတာကို သိပါ့မလား။ သူ့ကောင်မလေးတော့ ဒုက္ခပဲ ဆိုပြီး တသီတတန်းကြီး စဉ်းစားနေ မိကော။

သူ့ကိုမွေးတုန်းက ပါပါက ရဲနောင်ဆိုတဲ့နာမည်ပေးမလို့တဲ့။ အဲဒီအချိန်က ကျမပါပါရဲ့ ညီ ဦးလေး ဦးအောင်ပြည့်က ထောင်ထဲမှာပါ။ ဦးလေးရဲ့ မိန်းမ ဒေါ်ဒေါ်နွယ်ကလည်း တချိန်တည်း လပဲခြားပြီး ယောက်ျားလေးမွေးတော့ ဦးလေးက ထောင်ထဲကနေပြီးနာမည် လှမ်းပေးတယ် “ရဲနောင်ဖွေး” တဲ့။ အဲဒါနဲ့ ပါပါက သူ့သားအငယ်ကို “ရဲနှောင်း” လို့ ပေးလိုက်ပါတယ်။ ကျမတို့က သူ့ကို ရဲ၊ ကိုရဲ၊ ရဲလေး လို့ ခေါ်ကြသလို ဦးအောင်ပြည့်ရဲ့ သားငယ်ကိုလည်း ရဲ၊ ကိုရဲ၊ ရဲလေးလို့ ခေါ်ကြတာ ခုထိပါပဲ။

ဒီကောင် ငယ်ငယ်က ၁၁ လသားမှာ ဆုံဆို့နာဖြစ်တာ သေကောင်ပေါင်းလဲပဲ။ အဲဒီတုန်းက မေမေက ကန်တော်လေး ကူးစက်ဆေးရုံမှာ သွားတက်ပြီး ကုခဲ့ရပါတယ်။ သေကံမရောက်လို့ သက်မပျောက်ခဲ့ ဘူးပေါ့။ သူ မူကြိုကျောင်းထားရမယ့် အရွယ်မှာ ဘယ်မူကြိုမှာမှ အဆင်မပြေဘူး။ သူက မနေချင်ဘူး လေ။ ကျမတို့ အကြီးနှစ်ယောက်က မူကြိုကျောင်းတွေနဲ့ အကျွမ်းတဝင် ရှိခဲ့သလောက် သူကတော့ အဖွား (မေမေ့အမေ) နဲ့ ကြီးခဲ့ရတာပါ။

ကျမတို့က မာမီကြီးလို့ ခေါ်တဲ့အဖွားက တကယ့်ဘိုမကြီးအတိုင်းပဲ။ သူက အိုင်းရစ်ခ်ျသွေး ငါးမူးဖိုး ပါတော့ စကားပြောရင် ဘိုလိုက လေးပုံ သုံးပုံလောက်ပါတာ။ သူ့ကိုထိန်းရင်း အဖွားက ဘိုလိုတွေ ပြောတယ်ထင်ပါရဲ့ ဒီကောင်က ငယ်ငယ်လေးနဲ့ ဘိုလိုတွေ ပြောတယ် “Yes .. No A B C D” “My name is on the table” ... အဲလိုတွေ ပြောတာ။ ပြီးတော့ “Senta Clause is coming to town” ဆိုတဲ့ သီချင်းကိုလည်း သူက “Senta Clause is ကော်ရုပ် ကော်ဖိနပ် အပြတ်တွေဝယ်တယ်” လို့ ဆိုချင် ဆိုနေပြန်ရော။ နောက်တော့ ခရစ္စမတ်သီချင်း “Joy to the world the Lord is come” ကို သူက “Joy to the world ဘုရားကြွလာ” ဆိုပြီး တပိုင်းစီဆိုတာ။

အဲဒီကောင်က ကျမထက် ၆ နှစ် ငယ်တယ်။ အစ်ကိုကြီးထက် ၁၀ နှစ်တိတိငယ်တယ်လေ။ ကျမတို့ အကြီး ၂ ယောက်က တတွဲတွဲ။ သူက သင်းကွဲမျောက်ပေါ့။ ကျမက သူ့ကို အမြဲတမ်း “သင်းကွဲ တေလေမျောက်” လို့ စလေ့ရှိတယ်။

သူက ကလေးတုန်းက မိန်းကလေးတယောက်လိုကို ချောတာ။ ကျမတို့အိမ်နဲ့ ကျောချင်းကပ်အိမ်က ခိုင်ခိုင်ဗိုလ် ဆိုတဲ့ ကောင်မလေးက သူနဲ့ရွယ်တူ ... သူနဲ့ မျက်နှာပေါက်ချင်း တော်တော်လေး ဆင်တာ ဆိုတော့ .. တရက် အဲ့ကောင်မလေး အိမ်ကိုရောက်နေတုန်း ကျမ ဘကြီးတယောက်လည်း လာရော ကျမအမေကို ဆူပါလေရော ... ကလေးကို ဂါဝန် ဆင်ရပါ့မလား ဆိုပြီးလေ။ မနည်းကို ရှင်းပြရတာ။

ငယ်ငယ်က ကျမတို့ အကြီး ၂ ယောက်က တကယ့် ငဆိုးတွေ။ ၂ ယောက်ပေါင်းလောင်းကျော်။ မေမေနဲ့ ပါပါက အစိုးရဝန်ထမ်းတွေဆိုတော့ ကျမတို့ကို ဒီတိုင်းထားခဲ့ရတာပဲလေ။ နွေရာသီ ကျောင်းပိတ်ရက်ဆို ပိုဆိုးပေါ့။ မေမေတို့သွားတာနဲ့ ကျမတို့မောင်နှမ ဆော့နည်းပေါင်း တထောင် မကုန်မချင်းဆော့ကြ၊ ကာတွန်းတွေ ငှားဖတ်ကြ .. လုပ်ကြတော့တာလေ။ တရက်တော့ ကိုရဲလေးကို ဘာလို့လည်းမသိဘူး ကျမတို့ အကြီး ၂ ယောက်နဲ့ ထားခဲ့ရော။ ကျမက ၁၀ နှစ်ကျော်ကျော် ... အစ်ကိုက ၁၄ နှစ်လောက် ဒီကောင်က ၄ နှစ်ပဲ ရှိဦးမယ်။

အဲဒီမှာ ကျမက ဒီကောင့်ကို စမ်းသပ်ချက်တွေ လုပ်တော့တာ ... ။ အချိုမှုန့်တွေကို သကြားဆိုပြီး ကျွေးလို ကျွေး ... ထန်းလျှက်စိုစိုလေးကို လေးထောင့်တုံးလေးလုပ်ပြီး ချောကလက်ဆို ညာကျွေး ... အဲဒါက တော်သေးတယ်နော် ... ပဲငံပြာရည် (ကြာညို့) ကိုကျတော့ ထန်းလျှက်ရည်ဆိုပြီး လျှက်ခိုင်း။ နောက်ဆုံး မာမီကြီး ရောက်လာပြီး ခေါ်သွားမှပဲ ဒီကောင် ဝဋ်ကျွတ်ရှာတာ။ သူ ခုထိ ပြောလို့မဆုံးဘူး ... မတူးတို့ ဒုက္ခပေး ပုံများ ဆိုပြီးတော့ပေါ့။

သူမူလတန်းစတက်တော့ ကျမတို့ ရပ်ကွက် ဘေးကပ်ရပ် ဒါရ်ဂါဆိုတဲ့ ကုလားရပ်ကွက်က မူလတန်း ကျောင်းလေးမှာထားတယ်။ မာမီကြီးအိမ်နဲ့ ကျောင်းလေးနဲ့က ဖင်ချင်းပေါက်မို့လို့ စိတ်ချရအောင် ထားတာပါ။ အဲဒီကျောင်းမှာ သူက အနူတော လူချောပဲ။ သူငယ်တန်းကနေ လေးတန်းထိ ကုလားလေးတွေကြားမှာ ပထမ၊ ဒုတိယကို ခုဏပြောတဲ့ ခိုင်ခိုင်ဗိုလ်နဲ့သူ တလှည့်စီ ယူကြတာလေ။

သူ့အကြောင်းတွေက ပြောမယ်ဆိုရင် ပြောစရာအများကြီးပဲ။ သူက မောင်နှမထဲမှာ အငယ်ဆုံး ဖြစ်သလို မေမေ့အသည်းကျော်ပေါ့။ ပါပါ ဆုံးတော့ ဝမ်းနည်းမှတ်တမ်း စာအုပ်မှာ သူက တလုံးထဲ ရေးတယ် ... “တောက်” ဆိုပြီး။ အဲဒီတုန်းက သူ ၈ တန်းပဲရှိဦးမယ်။

သူ ၁၀ တန်းအောင်တော့ ယဉ်ကျေးမှု တက္ကသိုလ်တက်ပါတယ်။ ပန်းချီမေဂျာနဲ့လေ။ အဲဒီမှာ သူ့သူငယ်ချင်းတွေ အားလုံးက ကျမရဲ့ မောင်တွေ ဖြစ်ကုန်တော့တာပဲ။

အဲဒီတုန်းက ကျမက ဆမ်ဆောင်းအီလက်ထရောနစ်စင်တာမှာ ဆားဗစ် အင်ဂျင်နီယာဆိုတော့ ဝင်ငွေ လေးက နည်းနည်းကောင်းတဲ့အချိန်။ ကျမရဲ့ ပိုက်ဆံတော်တော်များများက ပန်းဆိုးတန်းစာအုပ်ဆိုင် တွေကို ရောက်ပြီး ကျန်တာတွေက ဒီကောင်တွေကို သွားပြုစုလို့ ကုန်တာပဲ။

ထုံးစံအတိုင်း အဆောင်နေ ငပွေးတွေ ဆိုတော့ ငတ်တလှည့် ပြတ်တလှည့်ကောင်တွေလေ။ ကျမက အားတာနဲ့ သူတို့ကျောင်းသွား လက်ဖက်ရည်တိုက်၊ စနေတနင်္ဂနွေတွေဆို ကျမတို့ သန်လျင်အိမ်ကို တပျော်တပါးကြီး လိုက်လာ ... ကျမချက်ကျွေးတဲ့ဟင်းတွေစား ... လက်ဖက်ရည်ဆိုင်ထိုင်ကြနဲ့ တကယ့်ကို ပျော်စရာ။( အဲဒီအကြောင်းတွေက သီးသန့် အသေးစိတ်ရေးမှ လုံလောက်မှာပါ)

လောလောဆည်တော့ မနက်ဖြန်ှမှာ ကျင်းပမယ့် သူ့မင်္ဂလာပွဲလေးကို စဉ်းစားကြည့်နေမိတယ်။ ကျမကတော့ ယောင်းမတော်ရမယ့် ညီမလေးကိုပဲ သနားတာပါ။ သူ့ခမျာကိုရဲကို တော်တော်လေး ချစ်ရှာလွန်းလို့ ယူတာနေမယ်လို့ စဉ်းစားမိတယ်။ ဘာအတွက်မှ စိတ်ရှုပ်၊ ခေါင်းရှုပ်မခံတဲ့ ကောင် ဘယ်လိုများ အိမ်ထောင့်တာဝန်ဆိုတဲ့ ဝန်ထုပ်ကြီးကို ထမ်းမှာပါလိမ့်။

တခုတော့ရှိတယ် ... ကျမမောင်လေးက စိတ်ထားနူးညံ့ပြီး တဖက်လူကို သနားတတ်တယ် ... စိတ်ကောင်း ရှိတယ် ... လိမ်မာရေးခြားတော့မရှိဘူး။ ... ငယ်ငယ်ကတည်းက လေးဘက်နာဖြစ်ဖူးပြီး ကားစီးရင်တောင် မူးတတ်ပေမယ့် အရက်ကျ အလွန်ကြိုက်တဲ့ကောင်လေး :P

အရက်ကို အရသာခံပြီးသောက်တဲ့ကောင် ...။ ခါးတဲ့အရသာကို ကြိုက်လို့ဆိုပြီး တပြတ်ပြတ်နဲ့ ကလေးတွေ ချောကလတ်စားနေသလိုလေ ... အဲလိုကို သောက်တာ ...။

ကျမနဲ့က မောင်နှမလိုထက် သူငယ်ချင်းလိုပေါင်းကြတာပေါ့။ လက်ဖက်ရည်ဆိုင် အတူထိုင် ...။ သီချင်းအတူဆို ... ဂစ်တာအတူတွဲတီး ... စာအုပ်တွေဆို ကိုယ်ဖတ်ပြီး သူ့ပေးဖတ် ... သူဖတ်ပြီး ကိုယ့်ပေးဖတ် အဲလို နေကြတာ။ ပြီးတော့ ကျမက အစ်ကိုနဲ့ မောင်နဲ့ မဟုတ်တာလုပ်သမျှ လုံးဝ အိမ်ပြန်တိုင်တဲ့သူ မဟုတ်။ မေမေဆို ဒီနေ့ထိ သူ့သားငယ် အရက်အရမ်းကြိုက်တယ်ဆိုတာ လုံးဝ မသိ။

ခု ဒီစာကို ကျမရေးနေတဲ့အချိန် သူတို့ ဘာလုပ်နေမှာပါလိမ့် ...။ သူ့သူငယ်ချင်း ရဲမာန် (ကာတွန်းဝလုံး) ကတော့ ကျမကို လိုင်းပေါ်ကနေ လှမ်းပြောတယ်။ သူသွားမယ်တဲ့။ ဘတ်ချလာနိုက် သွားကျင်းပမယ်တဲ့။ မင်္ဂလာပွဲအတွက် ပြင်ဆင်ရင်း သူတို့တွေ သောက်နေကြရောပေါ့။ သိန်းစွန်ဆိုတဲ့ မွန်လေးကတော့ လှမ်းပြောတယ် ... မတူးမောင်ကို မပြောတော့ဘူးလားတဲ့။ သူမို့မကြောက်မရွံ့တဲ့။ ကျမက ဟ ငါပြောလို့ ရမလား သူ့ဟာသူ ရွေးချယ်တာလေ လို့ ပြန်ပြောလိုက်တယ်။ အဲဒီ သိန်းစွန်ဆိုတဲ့ မောင်တကောင်လည်း ရုပ် ချောချောလေးနဲ့ မိန်းမယူဖို့ စိတ်ကူးရှိပုံမရဘူး ... (ဟိုတလောကတော့ အိန္ဒြာကျော်ဇင်နဲ့ ချိန်းထားတယ်ဗျ တဲ့ :P) ကိုရဲ မိန်းမယူတော့ သူ ဘက်ပဲ့ပြီလေ ... အဲဒါကြောင့် ရူးချင်သလို ဖြစ်နေတာ။

မက်သဒစ် ဘုရားကျောင်းဝင်းထဲမှာ တောမင်္ဂလာဆောင်လေးလို ... ပျိုးပျိုးပြက်ပြက် ပကာသနတွေ မပါ ... ဒါပေမယ့် ဆရာစောနဲ့ အဖွဲ့ရဲ့ တရောသံတွေတော့ ပါလိမ့်မယ် ... ။ ဦးပီက Wedding March တီးမယ် ထင်ရဲ့ .. ။ မက်သဒစ် ဘုရားကျောင်းလေး ညွတ်သွားတဲ့ထိ ပရိသတ်တွေ လာကြမှာပေါ့။ ကလေးတွေက ဖုန်ထူထူမှာ ကစားကြ။ ဒန်ပေါက်နံ့က တသင်းသင်း ... ။

လက်မှတ်ထိုးအပြီးမှာ အဖြူရောင် ဝတ်စုံလေးနဲ့ သတို့သမီးရဲ့ မျက်နှာကိုအုပ်ထားတဲ့ ပုဝါလေး လှန်ပေးလိုက်တဲ့အချိန် ... ရဲရေ .. ရင်ခုန်နေမှာလား။ အဲဒါ ဘဝတခု စတာနော် ... ။ ကျွံပစ်လိုက်မယ့် ခြေတလှမ်းအတွက် နောင်တမရဘူးလို့ မတူးမျှော်လင့်နေမယ် ... သိလား။

သတို့သမီးရဲ့လက်ကိုတွဲထွက်လာရင်း တခြားတနေရာမှာ တယောက်တည်း အိပ်ပျော်ချင် ပျော်နေမယ့် .. ဒါမှမဟုတ် မြင်ကွင်းတွေကို ပုံဖော်ရင်း သတိရနေမယ့် မတူးကို တချက်ကလေး သတိရလိုက်ပေါ့ ဟာ။

ညီမလေး ခိုင်ခိုင်အေး ခေါ် ပူတူး ခေါ် ကျောင်းအုပ်ကြီးရေ အဲ့ကောင်ကို နှိပ်ကွပ်ဖို့သာ ပြင်ထားဟေ့။ ။


ဝတ္ထုတို ၁၈

ယောင်ဝါးဝါး အရိပ်

ဖြစ်ချင်တော့ သူငယ်ချင်းတယောက်က ၂၀၀၇ ထဲမှာ ထုတ်တဲ့ ပိတောက်ပွင့်သစ်မှာ ပါဖူးတဲ့ ဝတ္ထုတိုလေးတပုဒ်ကို မေးလ်နဲ့ ပို့ပေးပါတယ်။ စာရိုက်ဖို့ပျင်းတာနဲ့ အတော်ပဲဆိုတော့ ဒီဝထ္တုလေးကိုပဲ တင်ပေးလိုက်ပါပြီ။ လူတွေက ကိုယ်စိတ်ကုန်တဲ့ အရာဖြစ်နေဦးတော့ လုပ်နေကျအကျင့်လို ဖြစ်သွားရင် မလုပ်ရတော့တဲ့ နေ့မှာ ယောင်ချာချာ ဖြစ်သွားကြတာချည်းပဲ … ကျမနဲ့ အမြင်ချင်းတော့တူချင်မှ တူမယ်ပေါ့လေ .. ဖတ်ကြည့်ပေးပါဦးနော်။ (ကျေးဇူးပြုပြီး တချက်စီ ကလစ်လုပ် ဖတ်ပါနော်။ အားရင် ပြန်ရိုက်ပြီး တင်ပေးပါမယ် :)






စာနယ်ဇင်းသမားဘဝကမောက်ကမ ၅

စာနယ်ဇင်းသမားဘဝကတော့ ပြောရမယ်ဆို ပြောမကုန်အောင်ပါပဲ။ ပြောခဲ့ပြီးတဲ့အတိုင်း ဒီတပုဒ်မှာ ကျမရဲ့ ပထမဆုံးသော အက်ဆေးလေး ကက်ကြေးစာမိတဲ့အကြောင်း ရေးပါမယ်။ မရေးခင်မှာ အရင် ပို့စ် (၄) မှာတုန်းက မောင်ငယ်တယောက် မန့်သွားတာလေး သဘောကျ လို့ မဖတ်ဖြစ်သေးသူတွေ ဖတ်ရအောင် ပြန်တင်ပေးလိုက်ဦးမယ်။ သူကတော့ ရွှတ်တွတ် တွတ်နဲ့ ကဗျာလိုလို သင်ပုန်းကြီးဖတ်စာလို ရေးသွားတာပဲ။ ဒါပေမယ့် အဲဒါက တကယ် ဟုတ်နေတာကိုး။ အန်ဒီကောင်လေး ရေးပေးခဲ့တာပါ။
*
စိစစ်ရေး စိစစ်ရေး ငါတို့စိစစ်ရေးစိစစ်ရေး
စိစစ်ရေး ငါတို့စိစစ်ရေး
စိစစ်ရေးက ဘာတွေလုပ် ဟိုပိတ်ဒီပိတ်လုပ်
စိစစ်ရေးက ဘာတွေပိတ် အပေါက်တွေလိုက်လို့ပိတ်
ရှေ့ကဖုံးတော့ နောက်ကပေါ် ဘလော့တွေလာပြီနော်
ပုဂံနက်က ဘန်းကာပေး ငါတို့ကျော်သလေး...ဝေးဟေးဟေးးး တဲ့ ဟီဟိ။
*
ဆပ်ပြာညစ်ပတ်ရင် ဘာနဲ့ ဆေးမလဲ
*
အဲဒီအချိန်မှာ အင်တာဗျူးဂျာနယ်မှာ ကိုဟန်ထက်မောင်ကော သူ့ဇနီးပါ မရှိတော့ပါဘူး။ ဘာကြောင့်ထွက်တယ်။ ဘယ်လိုထွက်တယ် ဆိုတာက ကျမတို့နဲ့ မဆိုင်၊ သိလည်းမသိပါဘူး။ တကယ်တော့ ကိုဟန်ထက်မောင်ရဲ့ အင်တာဗျူးဂျာနယ် အယ်ဒီတာချုပ် သက်တမ်းက တော်တော်လေး တိုပါတယ်။ သုံးလလောက်တောင် မရှိလိုက်ဘူးထင်တယ်။ သူ့နေရာကို ကျမတို့က ဆရာမျိုးလို့ခေါ်တဲ့ ဦးမျိုးမြတ်သူ ရောက်လာပါတယ်။
*
နောက်တော့ မကြာဘူး ကိုကြွက်နီ (သိမ်းတင်သား၊ ဇန်ယီမောင်၊ နောက် သူ့ကလောင်ခွဲတွေက များလွန်းလို့ ဘာတွေလည်းမသိတော့ဘူး) ရောက်လာပါတယ်။ ကိုနိုင်သစ်နီလည်း ထွက်သွားပါပြီ။ ကိုကြွက်က မော်ဒန် လိုင်းကနေလာတာ ဆိုတော့ စာနယ်ဇင်းနဲ့ တယ်မဆိုင်လှဘူး။ သို့သော် သူက စာနယ်ဇင်း အရေးအသား ပုံစံသစ်တွေ ထွင်ပြီး ဂျာနယ်မှာရေးပါတယ်။ နားမလည်ပေမယ့် ဖတ်ကောင်းတယ်။ တကယ်တော့ ဂျာနယ်နဲ့ သူ့အရေးအသားတွေနဲ့က ပြဒါးတလမ်း သံတလမ်း။ အမယ် သူက ကြော်ငြာရှာတော့ ကောင်းသား။ ဒါတကန့်ပေါ့လေ (အဲဒါမျိုးတွေလည်း သူရေးတတ်တယ်) သူ့စကားလုံးအသစ်တွေတော့ ကျမလည်း သိပ်မမှတ်သား ခဲ့လို့ မရေးပြနိုင်တော့ဘူး။
*
ဂျာနယ်က လိုင်းက ဘာမှန်းမသိတဲ့ အနေအထား ...။ ပေါ့ပ်လည်းမက သတင်းလည်းမကျ ... အက်ဆေး လေးတွေလည်း သုံးတယ် ဆိုတော့ ကျမက အက်ဆေးလေးတွေ ရေးချင်စိတ်ဖြစ်တာနဲ့ အတော်ပဲပေါ့။ အဲဒီမှာ ကျမကိုယ်ကျမ မသိဘဲ ကော်မန်ထရီဆန်ဆန် ဆောင်းပါးတပုဒ်ကို ရေးဖြစ်ခဲ့ပါတယ်။ အဲဒါကတော့ အပေါ်မှာ တင်ထားတဲ့ ခေါင်းစဉ် “ဆပ်ပြာညစ်ပတ်ရင် ဘာနဲ့ဆေးမလဲ” ဆိုတာပါ။
*
အဲဒါလေးက ဘယ်လိုကဘယ်လို ကျမဆီရောက်လာတယ် ဆိုတာ ရာဇဝင်ရှိပါတယ်။ ဆရာမင်းလူနဲ့ ထပ်ပြီး ပတ်သက်နေပြန်ပါတယ်။ ကျမတို့သန်လျင်မှာ စာပေစကားဝိုင်းလိုလေး လုပ်ဖြစ်တော့ ဆရာမင်းလူကို ဖိတ်တယ်။ အဲဒီတုန်းက ကျမက အင်ဂျင်နီယာဘဝပဲရှိပါသေးတယ်။ အဲဒီမှာ ဆရာမင်းလူက နောက်ဆုံးပိတ် စကားအနေနဲ့ လူတွေညစ်ပတ်ရင် ... အဝတ်တွေညစ်ပတ်ရင် ဆပ်ပြာနဲ့ ဆေးကျောလျှော်ဖွတ်ကြတယ် .. ဆပ်ပြာ ညစ်ပတ်ရင်ကော ... လို့ ပြောခဲ့ပါတယ်။
*
အဲဒီအတွေးလေးကို ကျမ မေ့တေ့တေ့ဖြစ်နေခဲ့ပါပြီ။ ပြောခါစတုန်းကတော့ သတိရတာပေါ့လေ။ ကျမဂျာနယ်မှာ လုပ်တော့ တရက် လက်ဘက်ရည်ဆိုင်မှာ သူငယ်ချင်းတွေနဲ့ ဆောင်းပါးရေးချင်တယ် ဘာအကြောင်းရေးရင် ကောင်းမလဲလို့ စကားစလိုက်တော့ ခု ကျမစီပုံးမှာ လာလာအော်နေကျ ဝဏ္ဏ ဆိုတဲ့ မောင်က အဲဒါလေးကို ပြန်အစဖော်ပေးပြီး ... အဲဒါကို အခြေခံရေးပါလားလို့ ပြောပါတယ်။ စာရေးဆရာတို့ မည်သည် လက်ခနဲ တခုခုတွေ့လိုက်ရင် စာတပုဒ်ဖြစ်ပြီသာမှတ် ဆိုတာ အဲဒီတုန်းကတော့ မသိသေးတာ အမှန်ပါ (ခုတော့ အဲဒါကို ကောင်းကောင်း အသုံးချတတ်နေပါပြီ)
*
ဆက်ရရင် အဲဒီဆောင်းပါလေး ကျမရေးပါတယ်။ ရေးတဲ့နေရာမှာ ကျမက ရန်သူမျိုး ၆ ပါး (တပါးကိုယ့်ဟာကိုယ် ထပ်တိုးလိုက်တာ) မှာ တပါး အပါအဝင်ဖြစ်တဲ့ စာပေစိစစ်ရေးရဲ့ အန္တရာယ် ဘယ်လို ကျရောက်နိုင်တယ်ဆိုတာ လုံးလုံးမသိ ....။ ကိုယ်က ကိုယ့်ဘာသာ စင်းစင်းပဲ တွေးတာလေ။ ပရိယာယ်တွေ မာယာတွေ နားမလည်သေး၊ သိုင်းကားတွေလည်း သိပ်မကြည့်ဖူးသေးတော့ ဘာသိုင်းညာသိုင်းတွေနဲ့ ရှောင်ရတိမ်းရတာတွေလည်း မသိ။ အဲလိုအနေအထားမှာ ဘယ်လောက်ညံ့လိုက်တဲ့ ကျမလည်းလို့ ... ဆပ်ပြာဆိုတာ စာနယ်ဇင်းသမားတွေနဲ့ တူတယ်လို့ ခပ်တည်တည် ရေးထည့်လိုက်ပါတယ်။
*
ဆပ်ပြာတည်းဟူသော စာနယ်ဇင်းသမားတွေက တခြားသော သူတွေရဲ့ ညစ်ပတ်မှုတွေကို ဆေးကျောရမယ့် အစား အဲဒီဆပ်ပြာကိုယ်တိုင်က ညစ်ပတ်နေရင် ဘာနဲ့ သွားဆေးမလဲဆိုပြီး ဆရာမင်းလူရဲ့ “ကုတ်” (Quotation) နဲ့ ခပ်တည်တည် ရေးလိုက်ပါတယ်။ ဘာပြောကောင်းမလဲ ... တပုဒ်လုံးကို ပြုတ်ရောပဲ။ အစလေးတောင် မကျန်ဘူး။ ကျမလည်း ကျမရဲ့ ပထမဆုံး ပင်ကိုယ်ရေးဆောင်းပါးလေး ဓားချက်မိသွားတဲ့ အပေါ် တော်တော်လေး ဝမ်းနည်းပက်လက်ဖြစ်ခဲ့ရပါတယ်။
*
အဲဒီမှာ စိစစ်ရေးအကြောင်းကြားဖြတ် ပြောပါရစေ။ စိစစ်ရေးဆိုတဲ့ ပုဂ္ဂိုလ်ကျော်တွေဟာ တကယ့်ကို အတွေး ရှည်တဲ့ သူတွေပါ။ ဒီစာတပုဒ်ရဲ့ နောက်ကွယ်က လျှို့ဝှက်ချက်က ဘာလဲဆိုတာကို ခွဲခြမ်းစိတ်ဖြာပြီး ကြည့်ပါ တယ်။ ကြည့်ရတာ ရှားလော့ဟုမ်း သေလို့ ဝင်စားသလားမသိဘူး။ မှန်ဘီလူးကြီးနဲ့လေ။ သူတို့နားမလည်ရင် ပိုကြည့်ပါတယ် (မယုံရင် မော်ဒန်ကဗျာဆရာတွေ မေးကြည့်။ သူတို့ ဓားအထိဆုံး)
*
ကြည့်ရတာ “ဟေ့ ဒီစာ နားမလည်ဘူး။ နားမလည်ရင် နောက်ကွယ်မှာ ဘာတွေဆိုလိုချင်မယ်မသိဘူး။ အဲဒီတော့ ဖြုတ်တယ်” အဲလို လုပ်နေပုံရပါတယ်။ နောက်တခုက နားလည်တယ် .... ဒါပေမယ့် ဖြုတ်တယ်။ ဘာကြောင့်လဲဆိုတော့ ဆိုလိုရင်းကို အရမ်းကာရော နားလည်သွားလို့ပါ။ တခါတလေကျတော့ မဆိုလိုတာတွေ ကို သူတို့က တမိုက်တောင်မပြဘဲ တလံလောက် မြင်လိုက်တာရှိပါတယ်။ အဲဒီအခါကျ စာရေးသူက ခံရပြန်ရော။
*
စာရေးသူက ပြောချင်တာ တမျိုး သူတို့က တွေးတာတမျိုးနဲ့ နားလည်မှုလွဲပြီး ဖြုတ်ခံရတာရှိပါသေးတယ်။ စိစစ်ရေးနဲ့ စာနယ်ဇင်းကတော့ ထုတ်စည်းတိုးနေရသလိုပဲ .. လွတ်အောင်ရှောင်နိုင်ဖို့က သိပ်တော့မလွယ်ဘူး။ ဒါပေမယ့် တခါတလေကျတော့လည်း လွတ်အောင်ရှောင်နိုင်သူတွေ ရှိပါတယ်။ အဲလို ပွတ်ကာသီကာလေး လွတ်သွားရင်တော့ သိပ်ပျော်စရာကောင်းပါတယ်။ သို့သော် သိပ်မပျော်နဲ့ဦး နောက်ဆက်တွဲပြဿနာ ငါတို့ မမြင်လိုက်လို့ဟေ့ ဘွာတေး ... နင်က မပြလို့ မတွေ့တာ အဲဒီတော့ နင့်မှာ အပြစ်ရှိတယ် .. လာခံဝန်လက်မှတ် လာထိုး ဆိုတာမျိုးတွေက ရှိနိုင်သေးတယ်။ ဘာပဲဖြစ်ဖြစ် ပြည်သူကသိလိုက်ရပြီဆိုတော့ အမြတ်ပေါ့။
*
သူတို့က ဖြုတ်လိုက်ရတာအလွန်လွယ်တယ်။ ဒါဒါ ဖြုတ်ဆို ပြီးရော။ အဲဒီမှာ တိုက်ကလူတွေမှာသေရော ...။ ချထားပြီးသားလေးအောက်ဒီဇိုင်းကို အကုန်ပြန်ပြင်။ တပုဒ်လုံးဖြုတ်ခံရတာတွေ နေရာမှာ အစားထိုး။ အဲဒီအစားထိုးတဲ့ဟာက ထပ်ပြုတ်မယ့်ဟာ ဖြစ်လို့မရ။ ဒါဖိုင်နယ်။ အပိုဒ်လိုက် ဖြုတ်ခံရတာတွေဆိုရင် စာတွေ ပြန်ညှိနဲ့ များများ အဖြုတ်ခံရလေ အလုပ်များများရှုပ်လေ ဆိုတော့ အယ်ဒီတာတွေက စကတည်းက မပြုတ်နိုင်မယ့် စာတွေ သုံးရပါတယ်။ တခါတလေ စာတပုဒ်ကို အရမ်းကာရော ကြိုက်နေပြီ သုံးချင်နေပြီ ဆိုပေမယ့် ဒီစာက လုံးဝစိစစ်ရေးထိမယ့်စာမျိုးဆို ရင်နာနာနဲ့ဘဲ ချန်ထားခဲ့ရပါတယ်။ အဲဒါမျိုးဆို အယ်ဒီတာ အသည်းကွဲတာပေါ့ :P
*
ဒါကတော့ အယ်ဒီတာပါးဝလာမှ သိလာတဲ့ကိစ္စတွေပါ။ ထောက်လှမ်းရေးခေတ်မှာ စိစစ်ရေးက မဆလ ခေတ်ကလောက်တော့ ရုပ်သိပ်မပျက်တော့ဘူး။ ဟိုတုန်းကဆို အချောထွက်ပြီးမှ စာအုပ်မှာ ငွေမင် လိုက်ပိတ်ရ တာတို့ ... နောက် စာရွက်လိုက် ဖြဲဆုပ်ခံရတာတို့ ... အဲလိုများ ဆွဲဆုပ်ခံရရင် ကျောဘက်က လူပါ အဆစ်ထိရော။
*
ကျမရဲ့ ဆပ်ပြာလေးကို ပြန်သွားရရင် သူရို့တွေက ဘယ်လို သဘောတော်ပေါက်သွားလဲ မသိပါဘူး။ ကြည့်ရတာ ကျမက စာနယ်ဇင်းလို့ ရေးတာကို အဲဒီဆပ်ပြာတုံးတွေက သူတို့ ထောက်လှမ်းရေး အစိုးရကို ရည်ညွှန်းတယ်ရယ်လို့ အိုးမလုံ အုံပွင့်တာလည်းဖြစ်ချင်ဖြစ်မယ် (သူတို့က တခါတခါ အဲလိုလည်း အိုးမလုံ အုံပွင့်တတ်သေးရဲ့) မှတ်ချက်။ ။ အိုးမလုံအုံပွင့်စေတဲ့ ကိစ္စမျိုးသွားထိရင်လည်း ပြုတ်ပါတယ်။
*
အဲဒီနောက်ပိုင်းမှာ ကျမလည်း အတွင်းအားတွေ ရှောင်လင်သိုင်းတွေ တတ်လာပါတယ် (ပညာတွေပေါ့) ကျမမှ မဟုတ်ပါဘူး မြန်မာပြည်စာနယ်ဇင်းမှာ ရေးနေကြတဲ့ ကြီးကြီးငယ်ငယ် အားလုံး အဲဒီအဌာရသ ပညာတွေ တတ်ပါတယ်။ ဘဝကပေးတဲ့ သင်္ခန်းစာပေါ့လေ။ ဒီလိုလေးရေးရမှာကို ဟိုလိုလေးရေးရင် လွတ်နိုင်မလား ... ဆိုတာလိုမျိုး စာတပုဒ်ရေးတိုင်းတွေးကြပါတယ်။ ကြာတော့ သိပ်လွတ်လွတ်လပ်လပ် ရေးပါဆိုရင်တောင် မရေးတတ်ကြတော့ဘူး။
*
ငယ်ငယ်က အိမ်မှာ ဟင်းကို ဝေပုံကြစားကျင့်ရနေရာက အလှူအိမ်မှာ ဟင်းဖောချင်းသောချင်းနဲ့ မစားတတ် တော့ သလိုပဲလေ (ကြုံဖူးကြမှာပါ) .. စိစစ်ရေးအကြောင်းကတော့ ပြောမယုံကြုံဖူးမှ သိဆိုသလိုပါပဲ။ တိုင်းပြည် ရဲ့ မဏ္ဍိုင်ကြီးလေးခုထဲက စတုတ္ထမဏ္ဍိုင်ဟေ့လို့ ဂုဏ်မယူနိုင်တော့တဲ့ မြန်မာပြည် စာနယ်ဇင်းသမားဘဝရဲ့ ကမောက်ကမ နိုင်မှုတွေကို အဲဒီအချိန်က စလို့ ရေးရေးသဘောပေါက်ခဲ့ပေမယ့် နောက်ပြန်လှည့်ဖို့ လုံးဝ မစဉ်းစား နိုင်တော့ဘူး။
*
သခွပ်ပွင့်တွေချည်း မြင်မြင်နေပေမယ့် နောက်တနှစ်တော့ ကသစ်ပန်း ပွင့်မှာပါလို့ ရူးရူးမိုက်မိုက်တွေးရင်း အဲဒီထဲမှာ ပျော်ပျော်ကြီးကျွံဝင်ပစ်လိုက်ပါတယ် ....။ ။ (ဆက်ပါဦးမယ်)

ဝတ္ထုတို ၁၇

နာဂစ်ဆိုင်ကလုန်းမုန်တိုင်း ဖြစ်ပြီး နောက်ပိုင်းမှာ ဧရာဝတီတိုင်းက သတင်းတွေ အမျိုးမျိုး ကြားလာရတယ်။ အဲဒီအထဲမှာ စိတ်ဝင်စားစရာလေးတခု တစွန်းတစ ပါလာတဲ့အတွက် အဲဒါလေးကို ယူပြီး ဝတ္ထုလေး အဖြစ် ပြန်ဖန်တီးထားတာပါ။

သေတ္တာထဲမှာပဲ နေမယ်

သားနာမည်က ဖြူဖွေး။ တကယ်က ဖြူဖွေးဆိုတာ မေမေခေါ်တာပါ။ ကျောင်းနာမည်ကတော့ အောင်ကိုဝင်းပေါ့။ ဒါပေမယ့် သူငယ်ချင်းတွေကလည်း ဖြူဖွေးလို့ပဲခေါ်ကြတယ်။ သားရဲ့ အသားက ဖြူဖွေးနေလို့တဲ့။ ဖိုးဖိုးက သားကိုသိပ်ချစ်တာ။ ဖိုးဖိုးမှာက သူများဖိုးဖိုးတွေလို မြေးတွေ အများကြီး မရှိဘူးလေ။ သားရယ် ညီလေးရယ် နှစ်ယောက်ပဲရှိတာ ဆိုတော့ သားကိုချစ်တာပေါ့။ ဖိုးဖိုးက သားကို မုန့်ဖိုးအမြဲပေးတယ်။ မေမေက ပေးပြီးသားဆိုလည်း သားကိုပေးတာပါပဲ။

ညီလေးက ခုမှ မွေးခါစလေးပဲရှိသေးတာလေ။ အဲဒီတော့ မုန့်တွေဘာတွေ ဘယ်စား တတ်ဦးမလဲ။ တကယ်လို့ ကြီးလာမယ်ဆိုရင်တော့ သားက မုန့်တွေ ဝယ်ကျွေးမှာပါ။ သားမှာက ဖိုးဖိုးပေးတဲ့ မုန့်ဖိုးတွေ အများကြီးရှိတယ်။ ဒီစုဗူးလေးထဲမှာ သားစုထားတယ်။ သားက မေမေ့ကိုလည်း ချစ်ပါတယ်။ သားမှာက မေမေရယ်၊ ညီလေးရယ်၊ ဖိုးဖိုးရယ် ဒါပဲရှိတာကို။ ဖေဖေလား။ ဖေဖေက မရှိဘူးတဲ့ အိမ်ကထွက်သွားပြီ။ မေမေ့ကို မေးရင် မေမေက ငိုတယ်လေ။ အဲဒါကြောင့် သား မမေးတော့ဘူး။ ဖိုးဖိုးကတော့ သားအဲလို ဖေဖေ့အကြောင်းမေးရင် အကျယ်ကြီး တောက်ခေါက်တာပဲ။ ဒါနဲ့ သားလည်း မမေးတော့ဘူး။

ဆရာမကိုလည်း သားချစ်ပါတယ်။ သားဆရာမကလည်း သားကိုသိပ်ချစ်တာ။ စာတော်လို့တဲ့။ ဟုတ်တယ် သားက အတန်းထဲမှာ အမြဲပထမပဲ။ သင်္ချာတွက်ခိုင်းရင်လည်း အရင်ဆုံးပြီးတာပဲ။ ဆရာမက တခြားသူတွေကို အမြဲပြောတယ် ဖြူဖွေးလိုတော်အောင်လုပ်တဲ့။ အဲလိုပြောရင် သားရှက်သလိုပဲ။ ဒါပေမယ့် ပျော်တယ်။ အိမ်ပြန်ရောက်လို့ ဖိုးဖိုးကို အဲဒီအကြောင်းပြောပြရင် ဖိုးဖိုးက မုန့်ဖိုးတွေ ထပ်ပေးပြန်ကော။ ဖိုးဖိုးက သူဌေးလားမသိပါဘူး။ ဖိုးဖိုးဆီမှာ ပိုက်ဆံတွေ အများကြီးရှိတယ်။ သားကို ဘယ်လောက်ပေးပေး ဖိုးဖိုးမှာက ဘယ်တော့မှမကုန်ဘူး။ ဖိုးဖိုးရဲ့ အိတ်ထောင်ထဲမှာ ၂၀၀ တန် အသစ်ကလေးတွေ အမြဲရှိတယ်။ ပြီးတော့ ဖိုးဖိုးကပြောတယ် ငါ့မြေးဖြူဖွေး စာကြိုးစားတဲ့ .. ဖိုးဖိုး ပိုက်ဆံတွေအားလုံးငါ့မြေးဖို့ပဲကွတဲ့။ ဖိုးဖိုးပါးစပ်မှာ ကွမ်းနံ့ လေးက မွှေးနေတာပဲ။ သားက ဖိုးဖိုးကို ဖက်နမ်းပစ်လိုက်တာပေါ့။

သားကသူငယ်ချင်းထဲမှာတော့ ပေစိနဲ့ မိဂွက်ကို အခင်ဆုံးပဲ။ သူတို့ကိုဆို သား မုန့်အမြဲ ဝယ်ကျွေးတယ်။ သူတို့ဆီကတော့ ပြန်မစားရပါဘူး။ ဒါပေမယ့် သူတို့အိမ်မှာ သား တခါတလေ ထမင်းသွားစားတယ် သိပ်စားကောင်းတာပဲ။ ငါးဟင်းနဲ့လေ။ မိဂွက်က သားကို သူ့ခြံထဲက မာလကာသီးကျွေးတယ်။ ပေစိကကျတော့ လောက်စာလုံးတွေပေးတယ်။ သူတို့ကိုသားက သင်္ချာတွက်ပေးရတယ်။ ဒါပေမယ့် ဆရာမကဆူလို့ နောက်တော့ မတွက်ပေးရဲတော့ဘူး။ သူတို့ ၂ ယောက် အမြဲ အရိုက်ခံရတာပဲ။ စာမပြီးလို့လေ။ ဒါပေမယ့် သူတို့ ၂ ယောက်က ကစားတဲ့နေရာမှာတော့ သားထက်တော်တယ်။ ပေစိဆို ဂွပစ်တာ သိပ်လက်ဖြောင့်တာပဲ။ မိဂွက်ကကျတော့ မိန်းကလေးဖြစ်ပြီး သစ်ပင်တက်တာ အရမ်းတော်တယ်။ သားကလား သားကတော့ ဂွလည်း မပစ်တတ်ဘူး၊ သစ်ပင်တက်ရမှာလည်း အရမ်းကြောက်တာ။ သူတို့ ၂ ယောက်ကို မုန့်တွေဝယ်ကျွေးပြီး သူတို့ကစားတာပဲ ထိုင်ကြည့်ရတာပဲ။ ဒါပေမယ့် သူတို့က သားပုံဆွဲပြရင်တော့ ငြိမ်နေတာပဲ။ သားက ကားပုံတို့ သင်္ဘောပုံတို့ လေယာဉ်ပျံပုံတို့ ဆွဲဆွဲပြ ရင် သူတို့က ဖြူဖွေးက သိပ်တော်တာပဲလို့ ပြောတယ်။ ဒါပေမယ့် ဒီ ၂ ယောက်ကကြာကြာ အငြိမ်မနေနိုင်ပါဘူး။ ခဏပဲငြိမ်တာ။ ခဏပဲသားနားမှာနေပြီး ထွက်ပြေးကြတာပဲ။ သားမုန့်တွေ လည်း ကုန်အောင်စားသွားကြတာပဲ။

သားကလား … သားက ၇ နှစ်ရှိပြီ။ တတန်းအောင်တယ်လေ။ ဒါပေမယ့် သား ကျောင်းမတက် ချင်တော့ဘူး။ ကျောင်းတက်ရင် ဒီသေတ္တာထဲကထွက်ရမှာပေါ့။ ဒီသေတ္တာထဲကထွက်ရင် သား သေသွားမှာ။ ဟုတ်တယ်။ သေတ္တာထဲမှာ မနေလို့ ပေစိကော မိဂွက်ကော သေသွားတယ် လေ။

သားကို ဖိုးဖိုးက သေချာပြောတာ။ သားလေးတဲ့ ဒီသေတ္တာကြီးထဲက မထွက်နဲ့နော်တဲ့။ ပြီးတော့ အဖုံးပိတ်ပေးလိုက်တယ်။ သား အစကမကြောက်ပါဘူး။ လေတွေအရမ်းတိုက်ပြီး ရေတွေအိမ်ထဲ ဝင်လာတော့ သားသိသားပဲ။ သားတို့ အိမ်ကြီးက ခိုင်တာပဲ၊ ရပါတယ်လို့ ဖိုးဖိုးကို ပြောတော့ ဖိုးဖိုးက မရဘူးသားလေးတဲ့။ ဒီသေတ္တာထဲဝင်နေတဲ့။ မဝင်ရင် သားသေ သွားမယ် တဲ့။ အဲဒီတော့မှ သားကြောက်တာ။ ငိုလည်း ငိုတယ်။ ပြီးတော့ သား မောပြီး အိပ်ပျော်သွားတာပဲ။ နိုးလာတော့ သားသေတ္တာက လှေလိုပဲ ရေထဲမှာ မျောနေတယ် ထင်တယ်။ သားလဲ အော်ပြီး ထပ်ငိုပြန်ရော။

နောက်တော့ သားပြန်အိပ်ပျော်သွားတာလားမသိဘူး။ နိုးလာတော့ သားကို လူတွေဝိုင်းကြည့် နေကြတယ်။ ဒီသေတ္တာထဲက ထွက်ခိုင်းတယ်။ သားဘယ်သူ့ကိုမှ မသိဘူး။ မထွက်တော့ဘူး လေ။ နောက်တော့မှ မိဂွက်အမေကို သားတွေ့တယ်။ မိဂွက်အမေက ပြောတယ်။ မိဂွက် သေသွားပြီ ဖြူဖွေးရေတဲ့။ သားက သေတ္တာထဲမှာနေလို့ မသေဘူးတဲ့။

နောက်တော့ သားကို ဦးအောင်ကြီးက ခေါ်သွားတယ်။ လှေလေးနဲ့လိုက်သွားရတာ။ ဒါပေမယ့် သား ဒီသေတ္တာထဲကတော့ မထွက်ဘူး။ ဦးအောင်ကြီးက ဖိုးဖိုးတပည့်ပဲလေ။ သားတို့အိမ် ခဏ ခဏ လာနေကျ။ သားသိတယ်။ သူ့ရွာကဘာမှ မဖြစ်ဘူးတဲ့။ သားပထမတော့ မလိုက်ချင်ဘူး။ နောက်တော့ ဒီနေရာကိုလည်း သားမသိဘူး။ ဖိုးဖိုးလည်း သေသွားပြီတဲ့။ မေမေနဲ့ ညီလေးလည်း သေသွားပြီတဲ့။ ပေစိလည်းသေပြီတဲ့။ အဲဒါနဲ့ သားလည်း လိုက်မယ်လို့ ပြောလိုက်တယ်။ ဒါပေမယ့် ဒီသေတ္တာထဲက မထွက်ဘဲ လိုက်မှာလေ။ သား ဒီသေတ္တာထဲက ထွက်ရင် သေသွားမှာစိုးလို့။

ဖိုးဖိုးလို၊ မေမေနဲ့ ညီလေးလို ပြီးတော့ မိဂွက်တို့ ပေစိတို့လိုပေါ့။ သားမှာ ခု ဖိုးဖိုးပေးထားတဲ့ စုဗူးလေးရှိတယ်။ ဒီစုဗူးလေးကို သေတ္တာထဲ ဝင်ခါနီးမှာ သားယူခဲ့တာလေ။ ဖိုးဖိုးကသေပြီ ဆိုတော့ သားကို မုန့်ဖိုးပေးတော့မှာ မဟုတ်ဘူး။ မနေ့က ဆရာမလာတယ်။ သားကို လာကြည့်တာလေ။ ဖြူဖွေးလေး ကျောင်းတွေဖွင့်ပြီ။ ကျောင်းတက်ရမယ်နော်တဲ့။ ဟင့်အင်း သား ကျောင်းမတက်ချင်ဘူး။ ကျောင်းတက်ရင် ဒီသေတ္တာထဲကထွက်ရမှာ။ အဲဒီလိုဆို သား သေသွားလိမ့်မယ်။

သားကို ဒီသေတ္တာထဲက မထုတ်ကြပါနဲ့။ ရေတွေက အများကြီးပဲ။ သေတ္တာကြီးက လှုပ်နေ တယ်။ ဘာတွေနဲ့လည်း မသိဘူး ဝင်တိုက်တယ်။ ညီလေးကြီးရင် သားက ဒီစုဗူးလေး ဖောက်ပြီး မုန့်ဝယ်ကျွေးမှာလေ။ သား ဒီသေတ္တာထဲကထွက်လိုက်လို့ သေသွားရင် ညီလေးကို မုန့်ဝယ်ကျွေးလို့မရတော့ဘူးပေါ့။ မဟုတ်ဘူး။ ညီလေးက သေပြီတဲ့။ သေပြီဆိုရင် လူကြီး မဖြစ်တော့ဘူးပေါ့။ သားက လူကြီးဖြစ်ဦးမှာ။ အဲဒီအခါကျ ဒီသေတ္တာနဲ့ဆံ့ပါမလား မသိဘူး။ ဖိုးဖိုးကတော့ သားလေးနဲ့ ဒီသေတ္တာနဲ့ အံကိုက်ပဲတဲ့။ လုံးဝမထွက်နဲ့ သေသွားလိမ့်မယ်တဲ့။

ဟုတ်တယ်။ သားမထွက်ဘူး။ ဒီသေတ္တာထဲကထွက်ရင် သား … သေ … သွား … မှာ …။ ။




ဝတ္ထုတို ၁၆

ဘာရယ်မဟုတ်ပါဘူး။ တချိန်က ဗရုတ်သုတ်ခ သူငယ်ချင်းတစုကို လွမ်းပြီး ဒီဝတ္တုလေး ဖန်တီး ဖြစ်တာပါ။ သူတို့ရင်ထဲမှာ ကမ္ဘာကြီးအတွက် စေတနာအပြည့်ပဲ ... ဒါပေမယ့် ...။
*
နားခိုရာ
*
ဒီဇာတ်လမ်းကို စတဲ့သူက ကျော်ကြီးလေ .... ။

ကိုစီတုတ်အိမ်မှာ ဝိုင်းဖွဲ့တိုင်း သူတို့ တခုမဟုတ် တခု ပြောနေကျ ဆိုပေမယ့် ဒီခေါင်းစဉ်မျိုးကတော့ တော်တော်လေးကို ပြောခဲပါတယ်။ ပြောခဲဆို လုံးဝကို မပြောသလောက်ဘဲ။

ကိုစီတုတ်ကလွဲရင် အားလုံး လူပျိုတွေချည်းဆိုတော့ သူတို့သောက်ကြတဲ့အခါ ... ချစ်ရေး ချစ်ရာ ကိစ္စလေးတွေ ပြောချင်ပြောမယ် ... ဒါလည်း ပြောမယ့်သာပြောရတာ လူပျိုတွေ ဆိုပေမယ့် လူပျိုကြီး တွေလို့ ပြောရမယ်။ ကိုရဲကလွဲရင် ကျန်တဲ့ကောင်တွေက ဂေါ်မစွံ လူပျိုသိုးကြီးတွေချည်းပဲ။ ချစ်ရေး ချစ်ရာ ကိစ္စဆိုတာကလည်း ကိုရဲကိစ္စကို ဝိုင်းဝန်း အကြံပေး ဘာညာပါ။ ဒီလောက်ပါ။

ဒါမှမဟုတ် အလုပ်ကိစ္စပြောမယ် ...။ များသောအားဖြင့်ကတော့ အနုပညာအကြောင်း၊ စာအကြောင်း ပေအကြောင်း၊ ဂီတအကြောင်းလေးတွေ ပြောနေကျ ... ။ တခါတလေတော့လည်း ကမ္ဘာ့အရေး မြန်မာ့အရေးလေးတွေ ဆွေးနွေးတတ်ပါတယ်။ ဒါပေမယ့် ဒါမျိုးတော့ တခါမှ မပြောဘူးတာ သေချာတယ်။ ပြောရင်းအရှိန်ရလာတဲ့ အခါမှာတော့ (အရှိန်ဆိုတာ က စကားကော ရေချိန်ကော ပြောတာပါ) ဟိန်းလတ်က ကျော်ကြီးကို ဆုံးမလေ့ရှိတယ်။

ကျော်ကြီးကလည်း ကျော်ကြီး ... အရက်လုံးဝမဝင်ထားရင်တောင် သူစကားပြောရင် ဘာပြောလို့ ပြောနေမှန်း မသိအောင် ပြောတတ်တာ။ အလယ်ကဖောက်ပြောလိုပြော။ အဆုံးကနေ ဗလုံးဗထွေး ပြောလိုပြော ... ကြည့်ရတာ သူပြောသမျှ အားလုံးက အန်ဒါစတွတ်နားလည်တယ်လို့များ မှတ်နေလား မသိပါဘူး။

“အဲဒါလေ ... သိတယ်မဟုတ်လား ... မိုက်တယ်ကွာ ... အရမ်းပဲ ... ငါ .. တကယ်ပြောတာကွ”

အဲလိုမျိုး .. ကျော်ကြီး။ သူ့စကားသာဆုံးသွားရော ဘာကို ဆိုလိုလဲဆိုတာ လုံးဝ မသိလိုက်စေရအောင် ပြောတာ။ ဒါကြောင့် ဟိန်းလတ်က အမြဲဆုံးမရတယ်။

“ကျော်ကြီးရာ မင်းအသက်လည်း မငယ်တော့ဘူး။ အဲဒီအကျင့်တွေ ဖျောက်စမ်းပါ”
“ငါက ဘာဖြစ်နေလို့လဲကွာ။ မင်းသိပါတယ်။ အဲဒါ မင်းပြောတာ ငါသိတော့သိတယ်ကွ”

အဲလိုပဲ လုံးလည်လိုက်နေကျ။

အဲဒီနေ့ကတော့ ကျော်ကြီးတယောက် ဘာစိတ်ကူးပေါက်တယ် မသိဘူး လက်ထဲမှာလည်း ဂျာနယ် တစောင်ကို ကိုင်လို့။ အရက်ဝိုင်းစတယ်ဆိုတာနဲ့ ဂျာနယ်ကို ဖျာပေါ်မှာ ဖြန့်ခင်းပြီး အားလုံးကို သေချာ ကြည့်ခိုင်းတယ်။ ကျော်ကြီးပြတဲ့ ဆောင်းပါးက သဘာဝပတ်ဝန်းကျင်အကြောင်း ရေးထားတဲ့ ဆောင်းပါး။

အယ်လ်ဂိုးရဲ့ အန်အင်ကွန်ဗီးနီးယန့် ထရုကို ကိုးကားပြီး တဖွဲ့တနွဲ့ရေးထားတဲ့ ဆောင်းပါး ...။ ကမ္ဘာကြီးမှာ ဇီဝမျိုးစုံနဲ့ မျိုးကွဲတွေ ပျောက်ကွယ်ကုန်ပြီ ဆိုတဲ့အကြောင်း၊ ကာဗွန်ဒိုင်အောက်ဆိုက်တွေ ကမ္ဘာ့လေထုထဲမှာ ထူထပ်နေပြီဆိုတဲ့အကြောင်း၊ သစ်တောပြုန်းတီးတာတွေ၊ မြစ်ကောတာတွေ၊ လူတွေလုပ်လို့ သဘာဝ အရင်းအမြစ်တွေ ပျောက်ကွယ်ကုန်တာတွေ ... နောက် ကမ္ဘာ့ ရေခဲတုံးကြီး ၂ တုံးဖြစ်တဲ့ မြောက်ဝင်ရိုးစွန်းနဲ့ တောင်ဝင်ရိုးစွန်းက ရေခဲတွေ အရှိန်နဲ့ ပျော်ကျကုန်ပြီ ဆိုတဲ့အကြောင်း .. အဲဒါတွေကို ဆောင်းပါးရှင်က လှလှပပလေး ရေးပြထားတဲ့အပေါ်မှာ ကျော်ကြီး အရမ်းကို ခံစား လိုက်ရတယ်။ အဲဒီမှာ ဒီဆောင်းပါးကို သူ့သူငယ်ချင်းတွေကို ပြမှ ဖြစ်မယ်လို့ စဉ်းစားပြီး ဒီနေ့ အရက်ဝိုင်းကို ဂျာနယ်ပါ ယူလာခဲ့တာ။

အဲဒီဆောင်းပါးကို သူတို့တွေ တယောက်တလှည့် ဖတ်ကြပြီး ... အားလုံး တိတ်ဆိတ် ငြိမ်သက် သွားတယ်။ သူတို့အရက်ဝိုင်းမှာ အရက်ငှဲ့သံ၊ ရေထည့်သံလောက်ပဲ ကြားရပြီး အားလုံး ငြိမ်သွားတာ လေ။ ခဏနေမှ ကိုရဲဆီက အသံထွက်လာတယ်။

“ဟုတ်တယ်ကွာ ... အရမ်းဝမ်းနည်းစရာကောင်းတယ် ... ကမ္ဘာကြီးကို ငါတို့တွေက ဖျက်ဆီးနေကြ တာပဲကွ”

ကိုရဲက ဖီလင်သမား ... တခုခုဆို သူက အရမ်းကာရောခံစားတာ။ ခုလည်း ကမ္ဘာကြီးအတွက် ခံစားနေရပြီ။ အဲဒီမှာ ကျော်ကြီးက ဝင်ပြောတယ် ..

“အဲဒါ ငါပြောတာကွ ... ငါသိတယ် ... အဲဒါပဲကွာ”

ကျော်ကြီးရဲ့ဆိုလိုရင်းကို ဘယ်သူမှ နားမလည်နိုင်ပေမယ့် .. သူ့အသံကလည်း တကယ့်ကို ကြေကွဲ ဝမ်းနည်းသံစွက်နေတော့ ဟိန်းလတ်တောင် သူ့ကို ခါတိုင်းလို မငေါက်နိုင်ဘဲဖြစ်သွားတယ်။

“မှန်းစမ်း ကြည့်ရအောင်” ဆိုပြီး ကိုစီတုတ်မိန်းမ မသွယ်ပါ စကားဝိုင်းထဲ ဝင်လာတယ်။ မသွယ်လည်း အဲဒီဆောင်းပါးကို ဖတ်ကြည့်နေပြီ။

“ငါတို့က ဒီကမ္ဘာကြီးပေါ်မှာ နေနေတဲ့လူတွေ။ ငါတို့မှာ လုံးဝတာဝန်ရှိတယ်ကွ။ ဒါ ... လုပ်ကို လုပ်ရမယ့် တာဝန်တရပ် ဟေ့ကောင်တွေ” လို့ ကိုစီတုတ်က အားတက်သရော ဝင်ပြောတယ်။

“ဒီပုံအတိုင်းဆို ငါတို့ တခုခု လုပ်ကိုလုပ်မှ ဖြစ်တော့မယ်ကွ။ မလုပ်လို့ကတော့ ကြာရင် ကမ္ဘာကြီးက ငါတို့ကို ဒဏ်ခတ်တော့မယ်” ဆိုတဲ့ ဟိန်းလတ်ရဲ့ စကားအဆုံးမှာ သူတို့ရဲ့ ဆွေးနွေးဝိုင်းက တကယ်ကို ကြီးကျယ်ခန်းနားတဲ့ အန်ဗရိုမန်တယ် အစ်ရှူးဆီ ရောက်သွားတယ်။

ကိုစီတုတ်ရဲ့တဲပုတ်ကလေးထဲမှာ ဖျာလေးခင်းပြီး ထိုင်နေတယ်ဆိုတာ သူတို့အားလုံး မေ့သွားကြ တယ်။ ကောင်းကင်က ကြယ်တွေ တဖျပ်ဖျပ်လက်နေတာကို မလုံတဲ့ ဓနိမိုး အကြိုအကြားကနေ မြင်နေရတယ်။ ဖရောင်းတိုင်မီးရဲ့ အလင်းရောင်က လပြည့်ညကို အံမတုနိုင်ဘူးဖြစ်နေတယ်။

ကိုရဲကပြောရင်း အံကိုကြိတ်တယ်။ သစ်ပင်တွေကို ခုတ်နေတာမြင်ရရင် သူ့အသည်းနှလုံးကို ဓားနဲ့ မွှန်းနေသလိုပဲလို့လည်း ပြောရဲ့။ ထုံးစံအတိုင်း အနုပညာပိုးက ရှိထားရတဲ့အထဲ အရက်ဝင်ပြီဆိုတော့ အလွန်အကျွံတွေဖြစ်ကုန်တာ။ ဟိန်းလတ်ကလည်း သူတို့မှ ဝင်မကယ်ရင် မနက်ဖြန်ပဲ ကမ္ဘာကြီး ပျက်တော့မလို ပြောနေပြန်ရော။ ကျော်ကြီးကတော့ စကားကထစ်နေ၊ လိုရင်းမရောက် ဖြစ်နေတာနဲ့ပဲ သူပြောမယ့် စကားတွေကို ကိုရဲပြောလိုက် ဟိန်းလတ်က ပြောလိုက်နဲ့ .. အင်း ... အဲ ကနေ မတက်နိုင်ဘူး ဖြစ်နေလေရဲ့။

အဲဒီအချိန်မှာ မသွယ်က သတင်းတပုဒ်ကို ပြရင်း ပြောလိုက်တယ် “ဒီမှာ ကြည့်ပါဦး။ သဘာဝ ပတ်ဝန်းကျင် အဖွဲ့တဲ့။ နာမည်တွေကတော့ အင်္ဂလိပ်လိုတွေ ..နားတော့မလည်ဘူး။ ဒီလောက်တောင် ဖြစ်နေကြတာ ရှင်တို့လည်း အဲလို အဖွဲ့ဖွဲ့ပါလား” တဲ့။

အားလုံးရဲ့စိတ်ထဲ လင်းကနဲဖြစ်သွားတယ်။ ကိုစီတုတ်က ငါ့မိန်းမကွ ဆိုတဲ့ အကြည့်နဲ့ ကြည့်ပြီး .. “မှန်တယ်ကွ။ ငါလည်း အဲဒါတော့ စဉ်းစားမိတယ်။ ငါတို့တွေလည်း ဒီလို တနိုင်တပိုင် အဖွဲ့ဖွဲ့ပြီး ကမ္ဘာကြီးကို ကယ်တင်ကြမယ်ကွာ” တဲ့။ မသွယ်က ခါတိုင်းဆိုရင်တော့ အဲလို သူပြောမှ သိတဲ့ ကိစ္စ ကိုစီတုတ် ဝင်အသားယူရင် ပြဿနာ ရှာလိုက်ပြီ။ ဒါပေမယ့် ဒီနေ့ကတော့ သူတို့အားလုံး ကမ္ဘာကြီး ကောင်းကျိုးအတွက် လုပ်ကြမှာဆိုတော့ စိတ်အားထက်သန်နေတာနဲ့ပဲ ကိုစီတုတ်ကို မျက်စောင်း ထိုးရုံ ထိုးလိုက်နိုင်တယ်။

“အဖွဲ့ဖွဲ့တာတော့ ဟုတ်ပါပြီ ငါတို့က ဘာလုပ်ကြမှာလဲ” လို့ ဟိန်းလတ်ကမေးတော့ ကျော်ကြီးက ရုတ်တရက်ဝင်ပြောတယ် “ဟာ သစ်ပင်စိုက်မှာပေါ့ကွ” တဲ့။ တခွန်းဆို ဆိုသလောက် ထိသွားတယ်။ ဟိန်းလတ်က “စိုက်ရုံတင်မဟုတ်ဘူး ခုတ်တဲ့သူတွေကိုပါ တားရမယ်” လို့ပြောတော့ ကိုရဲ တွန့်ခနဲ ဖြစ်သွားတယ်။ သူ့ယောက္ခမလောင်းကြီးက သူ့ခြံထဲက သစ်ပင်တွေ ကို တပင်ပြီး တပင် ခုတ်နေတာ လေ။

အားလုံးရဲ့ မျက်လုံးတွေက ကိုရဲဆီကို စုပြုံရောက်သွားတယ်။ အဲဒီမှာ မသွယ်ကပဲ
“သြော် ကိုရဲရယ်။ နင်ကလည်းနင့်ကောင်မလေးကို သေချာ ရှင်းပြပေါ့ဟ။ သူက သူ့အဖေကို ပြန်ရှင်းပြမှာပေါ့။ နင်ပြောရင်ရမှာပါ။ သူ့ကိုလည်း ငါတို့ဆီခေါ်ခဲ့လေ။ ငါတို့လည်း ဝိုင်းရှင်းပြမှာပေါ့” ဆိုပြီး ချက်ချင်းကို သဘာဝပတ်ဝန်းကျင် ပညာရှင်ကြီးဖြစ်သွားတော့တယ်။

“ဟေ့ကောင်ကျော်ကြီး ... မင်းကလည်း မင်းအမေကို ထင်းတွေ၊ မီးသွေးတွေ မသုံးဖို့ ပြောပြဦး” လို့ ဟိန်းလတ်ကပြောတော့ ကျော်ကြီးက “အေးပါကွာ” လို့ပဲ ပြန်ပြောတယ်။ သူတို့ရဲ့စကားဝိုင်းမှာ မသွယ်ကလွဲရင် အားလုံး ၂ မျိုးစလုံးမှာ အရှိန်ရလာပြီ။

ကိုစီတုတ်က “ငါတို့တွေ တပတ်ကို တရက်တော့ သက်သက်မှတ်မှတ် အပင်စိုက်ကြမယ်ကွာ။ ကိုချင်းမြင့်တို့ ကိုနောင်ကြီးတို့ကိုလည်း ပြောမယ်။ သူတို့ပါ ပါလာရင် ငါတို့အဖွဲ့က လူမနည်းဘူးကွ။ တယောက်ကို တပင်ပဲစိုက်ဦး အများကြီး စိုက်ဖြစ်မှာ။ ငါတို့စိုက်တဲ့ သစ်ပင်တွေက လေထုထဲက ကာဗွန်ဒိုင်အောက်ဆိုက်တွေကို စုပ်ယူမှာပဲ။ ဟုတ်တယ်မဟုတ်လား” လို့ ပြောလိုက်တဲ့ အချိန်မှာ ပုလင်းထဲမှာ လက်လေးလုံးလောက်ပဲ ကျန်တော့တယ်။ ဒီနေ့တော့ မသွယ်က စိတ်လိုလက်ရ ပဲခြမ်းကြော်တွေ ထသုတ်ပေးလို့ ...။

“ဟုတ်တယ် ... လုပ်ရမယ် ... လုပ်ကိုလုပ်ရမယ်” ဆိုပြီး ကျော်ကြီး တတွတ်တွတ် ရွတ်နေတဲ့ အချိန်မှာ ဟိန်းလတ်က နောက်ဆုံးလက်ကျန်ကို ခွက်လေးခွက်ထဲ မျှထည့်ပေးတယ်။ အဲဒီ အချိန်မှာ ကိုစီတုတ်က “ဟာ ငါအကြံရပြီဟေ့” လို့ ထအော်တယ်။ အိပ်ခန်းထဲမှာ အိပ်နေတဲ့ သားတော်မောင် နိုးသွားမှာစိုးလို့ မသွယ်လန့်သွားပေမယ့် ခါတိုင်းလို ကိုစီတုတ်ကို ဟန့်တောင်မဟန့်ဘူး။ သူကိုယ်တိုင် လည်း ဒီသဘာဝပတ်ဝန်းကျင် ဆိုတာကြီးကို စိတ်ဝင်စားနေပြီလေ။

“ငါတို့အဖွဲ့ကို နာမည်ပေးမယ် FOREST လို့”
“သစ်တောပေါ့ ဟုတ်လား။ ကောင်းပါတယ်” လို့ ဟိန်းလတ်က ထောက်ခံတယ်။
“အေး သစ်တော ဆိုတဲ့ အဓိပ္ပာယ်ရသလို အသံထွက်ကို ခွဲပြီး ဖတ်လိုက်ရင် FOR REST ဖော် ရက်စ် ဆိုတဲ့ အသံရတယ် မလား။ ဖော် ရက်စ် ဆိုတာ ဘာလဲ။ နားစရာ ... နားခိုရာပေါ့ကွ” ဆိုပြီး ကိုစီတုတ်က သူ့ဟာသူမေး သူ့ဟာသူ ဖြေရှင်းနေတယ်။ အားလုံး ဖိုးသိုက်ရဲ့အပြောကို ခိုက် သွားကြတယ်။ အားလုံး သဘောတူတယ်။ ဒီလောက်ကောင်းတဲ့ အကြံဥာဏ် ထွက်တဲ့ ဖိုးသိုက်ကို ဝိုင်းပြီး ချီးကျူးကြတယ်။ မသွယ်ကလည်း သူ့ယောက်ျားအတွက် ဂုဏ်ယူလို့ပေါ့။

အဲဒီနေ့က သူတို့ပုလင်းကိုသူတို့ အသေသတ်ပြီးသွားချိန်မှာ လူငါးယောက်ပါတဲ့ သဘာဝပတ်ဝန်းကျင် အဖွဲ့တဖွဲ့ကို နာမည်နဲ့ တကွ ဖွဲ့စည်းပြီးသွားပြီ။ တနင်္လာနေ့ညတိုင်း ဆုံပြီး သဘာဝပတ်ဝန်းကျင်နဲ့ ပတ်သက်တဲ့ ကိစ္စတွေ၊ ရှေ့လုပ်ငန်းစဉ်တွေ ဘယ်လိုလုပ်မယ် ဆိုတာ ဆွေးနွေးဖို့ သဘောတူကြ တယ်။ ပြီးတော့ တနင်္ဂနွေနေ့တိုင်း သစ်ပင်တပင်စိုက်ဖို့၊ သစ်ပင်ခုတ်နေတဲ့ သူတွေကို ဖြစ်တဲ့နည်းနဲ့ တားဖို့ သဘောတူပြီး စည်းဝေးကို ရုတ်သိမ်းလိုက်ကြတယ်။

အဲဒီနေ့က ကျော်ကြီးတယောက် ပြောသမျှကို စိတ်အားထက်ထက်သန်သန်နဲ့ ထောက်ခံပေမယ့် သူကိုယ်တိုင် သိပ်ပြီး ဝင်မဆွေးနွေးဘူး။ ငြိမ်နေတယ်လို့ ပြောလို့ရတယ်။

တကယ်က သူတို့အားလုံး ဂျာနယ်တစောင်က ဆောင်းပါးတပုဒ်ကို ဖတ်ပြီး စိတ်ဓာတ်တွေသာ တက်ကြွလာတာ။ ဘာမှ သေချာသိတာ မဟုတ်ဘူးလေ။ နောက်နေ့ကစပြီး သတင်းတွေ ကြားရတော့တာပဲ။ ကိုရဲကို သူ့ယောက္ခမလောင်းကြီးက ဓားကြိမ်းကြိမ်းတယ်တဲ့။ သစ်ပင်ခုတ်တာ လူသတ်မှုထက်ကြီးလေးတဲ့ ပစ်မှုမြောက်တယ် ဆိုပြီး သွားပြောလို့လို့ ကြားတာပဲ။ သူ့ကောင်မလေး ကလည်း သူ့ကို လုံးဝ အတွေ့မခံဘူးဆိုလို့ အသည်းကွဲနေတယ်။

ဟိန်းလတ်ကတော့ သူ့အမေကို ထင်း၊ မီးသွေးမသုံးဖို့ သွားတရားဟောတာ ဘယ်လို ဟောတယ် မသိဘူး ... သူ့အမေက ထင်းချောင်းနဲ့ ကောက်ပေါက်လိုက်လို့တဲ့။ သေချာတာက သူ့အမေက ညတိုင်း မြဝတီကလာတဲ့ တရုတ်သိုင်းကားတွေ ကြည့်နေကြ ဆိုတော့ ဘယ်ပြောကောင်းမလဲ ဟိန်းလတ် နဖူးကြီး ဟက်တက်ပဲ။

ကိုစီတုတ်နဲ့ မသွယ်ကျတော့ တမျိုး ... သဘာဝပတ်ဝန်းကျင်ကို ထိမ်းသိမ်းတဲ့ အနေနဲ့ ထင်းတွေ မီးသွေးတွေ သုံးဖို့ မသင့်တော်ဘူးဆိုတော့ ... လျှပ်စစ်သုံးမလား ... သူတို့ ဆွေးနွေးကြတယ်။ မဖြစ်နိုင်ဘူး။ မီးကနပ်မှန်အောင်လာတာ မဟုတ်ဘူးလေ။ ဂတ်စ်သုံးဖို့ကျ သူတို့ မတတ်နိုင်ဘူး။ ဒီတော့ မသွယ်က အကြံပြုတယ်။ အပြင်မှာ ဝယ်စားမယ်တဲ့။ ပြီးတော့ ဆိုင်ကယ် တက္ကစီဆွဲတာ သဘာဝ ပတ်ဝန်းကျင်နဲ့ မလျှော်ညီဘူး ဆိုပြီး ကိုစီတုတ်က ဆိုက်ကားပြန်နင်းတယ်။ အဲဒီမှာ ၃ ရက်မပြည့် သေးဘူး အိမ်တွင်း စီးပွားရေး ခရိုက်စစ်တွေဖြစ်ပြီး လင်မယား ရန်ထဖြစ်တာ အကြီးအကျယ်။ ဒီတခါလောက် ကြီးကျယ်တဲ့ ရန်ပွဲ မမြင်ဖူးဘူးလို့ အိမ်နီးနားချင်းတွေက ပြောတာပဲ။

ကျော်ကြီးကတော့ တရက်မြို့ထဲကို လမ်းလျှောက်ပြီး ထွက်အလာ .. လမ်းမှာ ကုက္ကိုပင်တပင်ပေါ်မှာ လူတယောက် တက်ခုတ်နေတာ တွေ့တော့ သစ်ပင်ပေါ်ကလူကို ဆင်းခဲ့ဖို့ပြောတာမှာ ဟိုလူလည်း ကျော်ကြီး ပုံစံကိုကြည့်ပြီး အကောင်တကောင်ကောင် ထင်လားမသိပါဘူး ဆင်းလာသတဲ့။ အဲဒီမှာ ကျော်ကြီးက လူနားမလည်တဲ့ သူ့ရဲ့ ဘာသာစကားနဲ့ သစ်ပင်မခုတ်ဖို့ ပြောရာကနေ အဲဒီလူနဲ့ စကားထများတယ်။ စကားများတော့လည်း ထုံးစံအတိုင်း သူ့စကားကို ဟိုလူတွေက နားမလည်တော့ တောင်းပန်တာက ဆဲသလို ဖြစ်နေမှာပေါ့။

အဲဒီလူက စည်ပင်က ဝန်ထမ်း။ တခြားလူတွေလည်း ပါသေးတာ။ သစ်ပင်နဲ့တယ်လီဖုန်းကြိုး မလွတ်လို့ အကိုင်းကို ချိုင်နေ ကြတာ။ ဇာတ်လမ်းက ဘယ်ပြီးလိမ့်မလဲ။ ကျော်ကြီးတို့ ဝတ္တရားဖောက်ဖျက်မှုနဲ့ အဖမ်းခံရ ပါလေရော။ သူ့အမေခမျာ မရှိမယ့်ရှိမယ့်လေး ပေါင်နှံပြီး သွားရွေးထုတ်လိုက်ရတယ်။ ဒါပေမယ့် အချုပ်ထဲမှာ ၁ ပတ်လောက် နေလိုက်ရသေးရဲ့။

သူတို့တွေ ... တနင်္လာနေ့တိုင်း ကိုစီတုတ်အိမ်မှာ ဆုံဖြစ် ... သောက်ဖြစ်ကြပါတယ်။ အားလုံးက ခံစား ချက်တွေ ကိုယ်စီနဲ့ဆိုတော့ ခါတိုင်းထက်တောင် ပိုသောက်ဖြစ်ကြသလိုပဲ။ မသွယ်ကတော့ သူတို့ဟာ သူတို့ မြည်းချင်ရာမြည်း ဘာမှမလုပ်ပေးတော့ဘူး။

ထူးဆန်းတာက တနင်္လာနေ့ဆိုရင် ဘယ်သူမှ အထွေအထူးချိန်းစရာမလိုဘဲ ကိုစီတုတ်အိမ်မှာ လူစုံ စုံ နေတတ်တာပဲ။ ဒါပေမယ့် သူတို့ အားလုံး သဘာဝပတ်ဝန်းကျင်အကြောင်းကို ယောင်လို့တောင် မဟ တော့ဘူး။ သစ်ပင်ကတော့ ကိုစီတုတ် တယောက်ပဲ ကုက္ကိုပင်ပေါက်တပင် စိုက်ဖြစ်လိုက်တယ်။ ဒါပေမယ့် ဘာမှ အကာအရံမရှိတော့ ဟိုဘက်အိမ်က ကိုပီတာမွေးထားတဲ့ ဆိတ်က နည်းတယ်တောင် ပြောသွားသေးတယ် ထင်တယ်။

ကျော်ကြီးကတော့ ဘာမှ သိပ်မပြောပေမယ့် ကိုစီတုတ်ကို သိပ်မကျေနပ်ချင်ဘူး။ စဉ်းစားကြည့်လေ .. ဒီနာမည်ကို သူပေးတာပဲ။ ဖော် ရက်စ် တဲ့။ နားခိုရာတဲ့။ ဒီနာမည်က ကျော်ကြီးအတွက် တမင်ပေး သလို ဖြစ်မနေဘူးလား။ သူ ... အချုပ်ခန်းထဲမှာ ၇ ရက်တိတိကို နားခိုခဲ့ရတာလေ။ ။









အမှတ်တရရက်စွဲများ ၁

ကျမက ငယ်ငယ်ကတည်းက ဒိုင်ယာရီရေးတာ ဝါသနာမပါခဲ့ဘူး။ နည်းနည်း စာတွေဖတ်တတ် လာချိန် .. စာရေးဆရာ ပိုး ဝင်လာချိန်မှာ ဘယ်သူလည်း မသိ ပြောတာမှတ်သားမိတယ်။ စာရေးဆရာ ဖြစ်ချင်တဲ့သူက ဒိုင်ရာရီမရေးဘူးတဲ့ (ဟုတ်ချင်မှလည်း ဟုတ်မှာပါ) ဒါပေမယ့် ကျမကတော့ သက်သာပြီ ဆိုပြီး အဲဒီစကားကို အတည်ယူပါတယ်။ အဲဒီတော့ ဘာအခက်အခဲ ဖြစ်လာလဲ ဆိုတော့ တကယ်အရေးကြီးတဲ့ နေ့စွဲတွေ။ အဖြစ်အပျက်တွေမှာ မေ့ရော။ အဲတော့မှ နောက်ထပ် ပညာတခု ရတယ်။ သြော စာရေးစရာ ဖြစ်ချင်တဲ့သူ ဒိုင်ယာရီမရေးဘူး ဆိုတာ ဟုတ်မှာပဲလို့။ ဘာလို့ ဆိုတော့ တကယ့်အဖြစ်အပျက် မှတ်မိတာတွေကို စိတ်ကူးယဉ် ဇာတ်လမ်းတွေနဲ့ ရောမွှေ ... ပိုကောင်းရော။ အဲမှာ မှတ်မိတဲ့သူတွေက ဟဲ့ဟိုနေရာက ဟိုလိုမဟုတ်ဘူးလေ ဆိုရင် ခပ်တည်တည်နဲ့ ... ဒါက ဝတ္ထုလေ ... လို့ ပြန်ပြော .. ဟန်ကိုကျနေတာ။ အင်း တူးတူးသာရဲ့ ထုံးစံ ချော်တောငေါ့လိုက်ဦးမယ်။ စာနယ်ဇင်းသမားဘဝ ကမောက်ကမ ကို ၄ အထိရေးထားပြီးပြီ ... ဒါကြီးပဲ ဆက်တိုက် မရေးချင် သေးဘူး။ စာဖတ်တဲ့သူလည်း ပျင်းမှာပေါ့ (ကျမနဲ့ နှိုင်းပြီး ကိုယ်ချင်းစာလို့ပါ)။ ကျမက အိပ်ရာထဲမှာ စာတအုပ်၊ ကျောပိုးအိတ်ထဲမှာ တအုပ်၊ အိမ်သာထဲမှာ တအုပ် .. အင်တာနက်ထဲမှာ တအုပ် ... အဲလို ဖတ်လက်စတွေ ထားတာလေ။ အဲလိုပဲ ကျမဘလော့ကို ဝင်လာတဲ့သူတွေလည်း တခုထဲကို ဖတ်မနေရအောင်။ ဟိုဟာလေးပေးရင်း ဒီဟာလေးပေး ... အဲလိုလုပ်ချင်စိတ် ပေါ်မိတယ်။ ဒါကြောင့် ဒီပို့စ်လေးကို အမှတ်တရ နေ့စွဲများ ဆိုတဲ့လေဘယ်လေးနဲ့ ရေးပါမယ်။ ဒီတော့ ဒိုင်ယာရီကိစ္စ ဆက် မယ်။ ဒိုင်ယာရီ မရေးထားတဲ့အတွက် နေ့စွဲတွေ မမှတ်မိ .. သို့သော် ... ကျမမှတ်မိတဲ့ အဖြစ်အပျက် ကလေးတွေကို ရေးပါမယ် (ဆိုလိုတာက ရေးချင်တာတွေပဲရေးပြီး မရေးချင်တာတွေ မရေးဘူးလို့ ပြောတာ :P)

အပြစ်မသိသေးတဲ့ ကိုဖိုးတုတ်ဘဝ

အမေကတော့ ကျမအစ်ကိုရဲ့ ၄ နှစ်ပြည့်မွေးနေ့ ကျင်းပနေတုန်းမှာ ဗိုက်နာတာလို့ ပြောတာပဲ။ အစ်ကိုက သြဂုတ် ၂၆၊ ကျမက သြဂုတ် ၂၈ .. ခုနှစ်ကတော့ ၁၉၇၁ (ရက်ပ်ဆိုနေတာ မဟုတ်ပါ)။ အစ်ကိုက စနေသား၊ ကျမလည်း စနေသမီး။ အိမ်မှာ စနေ ၃ ယောက်။ အမေကလည်း စနေလေ။ ကျမအစ်ကိုနာမည်က မင်းထွဋ်ဦး တဲ့ အဲဒီတော့ ကျမရဲ့ နာမည်ကို အဖေက တူးတူးသာလို့ မှည့်တယ်။ ဘာမှလည်းမဆိုင်ဘူးနော် :P။

ဒီလိုပါ အဖေပြန်ပြောပြတာပဲ။ အဲဒီခေတ်က မိန်းကလေး နာမည်တွေကို မှည့်ရင် စန္ဒာ၊ သီတာ၊ မာလာ၊ သူဇာ ... အဲလို .. နတ်သမီးနာမည် ဆန်ဆန် မှည့်ကြတယ်။ ကျမထက် ၃ လပဲကြီးတဲ့ အစ်မဝမ်းကွဲ နာမည်က နီလာနိုင် တဲ့။ သူတို့ညီအစ်မတွေက မဉ္ဖူနိုင် တို့ စန္ဒာနိုင်တို့ပေါ့။ အဲလိုတွေ ပေးနေကြတော့ အဖေက သမီးမိန်းကလေး ကျမလည်း မွေးလာရော ... ကာတွန်းဆရာပီပီ တွေးတယ်။ ဒီလောက် အနု၊ အရွ၊ အလှ အပလေးတွေ ပေးနေတာကိုလည်း နည်းနည်းသရော်ချင်စိတ်က ဖြစ်တယ်။ ဒါနဲ့ တူးတူး ဆိုတဲ့ .. နာမည်ကို စဉ်းစားလိုက်ရော။ နောက်က သာ ကတော့ အဖေ့အဖေ နဲ့ အမေ့အဘိုးဆီက ယူတာ။ ဦးသာအောင်နဲ့၊ ဦးသာဒင်ပါ။ အဲ့မှာ တူးတူးသာဆိုပြီး ဖြစ်ကရော။

အဖေ့မှာ သမီးမိန်းကလေးကို ဒီလို ပေါက်ကရ နာမည်ပေးရပါမလားဆိုပြီး ... ဝိုင်းဝန်း ပစ်တင် မာန်မဲခြင်း တော်တော်ခံလိုက်ရတယ် ဆိုပဲ။ ဒါပေမယ့် ကျမကတော့ ကျေးဇူးတင်တယ်။ အရွယ်ရောက် တော့ စာရေးမယ်လည်းလုပ်ရော ကလောင်နာမည်ကို ထွေထွေထူးထူး မစဉ်းစားရတော့ဘူး။ အဖေပေးတဲ့ နာမည်ရင်းနဲ့ပဲ အဆင်ပြေနေရော။

ဒါတွေက အမေတို့ အဖေတို့ပြောပြတာ။ ငယ်ငယ်က အဖြစ်အပျက်ကို ကျမဘာသာ မှတ်မိတာ ကတော့ ၄ နှစ်အရွယ်လောက်က ကျမတို့လမ်းထိပ်က ဇာတ်စင်ကြီးနားမှာ အဲဒီဇာတ်စင်ပေါ် မတက်ရလို့ ထွန့်ထွန့်လူး အော်ငို နေတာပါ။ အဖေက ကျမကိုချီထားတယ်။ ကျမက အဲဒီစင်ပေါ် အတင်း တက်ချင်နေတယ်။ ဘာလို့ ဆိုတော့ အဲဒီ စင်ကြီးပေါ်မှာ ကျမထက် ကြီးတဲ့ အစ်ကို အစ်မတွေ တယောက်ပြီး တယောက် မိုက်ကရို ဖုန်းရှေ့မှာ ကဗျာထွက်ထွက် ရွတ်နေကြတာလေ။ ကျမအစ်ကိုလည်း ပါတယ်။ ကျမလည်း ရွတ်ချင်တာပေါ့။

ကျမ ငိုလွန်းမက ငိုတော့ အဖေက ကျမကို စင်ပေါ်တင်ပေးလိုက်တယ်။ ကျမက တောက်တက် တောက်တက်နဲ့ မိုက်ကရိုဖုန်းရှေ့ သွားရပ် ... လူကြီးတယောက်က မိုက်ကို ကျမအရပ်နဲ့ မှီအောင် ညှိပေးတယ်။ အဲဒီမှာ ကျမက လက်ဟန်ခြေဟန်နဲ့ ကဗျာတပုဒ်ကို စရွတ်ပါတယ်။ အဲဒီကဗျာလေးကို အမေ့ကျေးဇူးကြောင့် ဒီနေ့ထိ အလွတ်ရနေသေးတယ်။ ကဗျာလေးကို ဘယ်သူရေးလည်း ကျမမသိပါ ဘူး။ ကျမရဲ့ မူကြိုဆရာမ သင်ပေးတာပါ။ ကဗျာခေါင်းစဉ်က “ကြယ်ကလေး” တဲ့ ...။

ကြယ်ကလေး

မေမေ မေမေ ညကလေ
သမီးနိုးလို့နေ
နိုးနေအိမ်ထဲ မှောင်မည်းမည်း
သမီး တယောက်တည်း
တယောက်တည်းမို့ ပျင်းလှတယ်
ကြယ်ကလေးတွေ ဆင်းခဲ့ကွယ်
ဆင်းမယ်ဆိုမှ တလက်လက်
ကြယ်ကလေး မိုးကသက်
ခြင်ထောင်ဘေးက ဇာနားမှာ
ဟိုပျံ သည်ဝဲကာ
ခြင်ထောင်ဇာမှာ သူလာနား
သမီး အိပ်ပျော်သွား ... ။ ။

ခုချိန်ထိ အဲဒီကဗျာလေးကို ကျမသိပ်ချစ်တာပဲ။ ကလေးလေးတယောက် စိတ်ကူးယဉ်တာကို ရေးပြထားတာ။ ကလေးရဲ့စိတ်ကူးလေးက ဘယ်လောက်လှလဲနော်။ သူ့အတွေးထဲမှာ တရေးနိုးချိန် ကြယ်ကလေးကို ဆင်းခဲ့ပါလို့ ပြောလိုက်တာနဲ့ ကြယ်ကလေးက တကယ်ပဲ ဆင်းလာခဲ့တာ။ ကျမအထင်တော့ ကြယ်ကလေးကို သူ တကယ်မြင်ပုံရပါတယ်။ ပိုးစုန်းကြူးကလေး ဖြစ်ချင် ဖြစ်နေမှာပေါ့နော်။ ဒါပေမယ့် သူ့အတွက်ကတော့ ကြယ်ကလေးပဲလေ။ ခု ကြီးလာတော့ ပိုးစုန်းကြူး လေးတွေ မြင်တိုင်း အဲဒီကဗျာလေးကို သတိရမိတယ်။

အဲဒီကဗျာလေးကို မျက်ရည် မခြောက် တခြောက်နဲ့ ရွတ်ဆိုခဲ့ပြီး အဲဒီနေ့က ကဗျာရွတ်ဆို ပြိုင်ပွဲမှာ ကျမ ပထမ ရခဲ့ပါတယ်။ နောက်မှ သိရတာက ကျမတို့ ရပ်ကွက်ရဲ့ စာဆိုတော်နေ့ အခန်းအနားတဲ့။ ကဗျာရွတ်ပြိုင်ပွဲတို့ အကပြိုင်ပွဲတို့ ပါပါတယ်။ အစ်ကိုက မင်းသားကနဲ့ မြိုင်ထ နှစ်ပါးသွား ဝင်ပြိုင်ပါ တယ်။ မူလတန်း၊ အလယ်တန်း၊ အထက်တန်း အဆင့် ဆိုပြီးခွဲထားလို့ မူကြိုအဆင့် မပါပါဘူး။ ကျမက အတင်းပြိုင်ချင်လွန်းလို့ အဖေက စင်ပေါ်တင်လိုက်တာ (အဲဒီအရွယ်ကတည်းက စင်ပေါ်တက်ချင် မိုက်ခဲချင်တာလေ :P)

အဲဒီနေ့က အဖြစ်အပျက်တွေကို ကျမက ဓာတ်ပုံတွေကြည့်ပြီး ပြန်သိရတယ်။ အဲဒီနေ့က စာပေဟော ပြောပွဲမှာ ... ကဗျာဆရာ ဒေါင်းနွယ်ဆွေ၊ စာရေးဆရာ မောင်ဝဏ္ဏ နဲ့ ဆရာချစ်ဦးညိုတို့ ပါတယ် ဆိုတာ နောက်မှ ဓာတ်ပုံတွေ အရ ကျမသိခဲ့ရတယ်။

မေမေ့ရဲ့ အဆိုအရ ကျမက ငယ်ငယ်က ခပ်အေးအေး နေတတ်ပေမယ့် (ခုကြီးတော့ အဲလိုပြောရင် သယ်ရင်းတွေက ရီတာပဲ) စင်ပေါ်တက်ရဖို့ ဘယ်တော့မှ မကြောက်ဘူးတဲ့။ အထူးသဖြင့် ကဗျာရွတ် တာ တို့ သီချင်းဆိုတာတို့ လုပ်ဖို့ဆို ကျမလို့ မထင်ရအောင်၊ လူကြီးတွေ အံ့သြအောင် အမြဲလုပ်တယ် တဲ့။

၃ တန်းတုန်းကလည်း ကျောင်းကပွဲမှာ ယိမ်း သုံးလေးခုထဲ ကျမပါတယ်။ အဲဒီမှာ ယိမ်းတိုက်နားတော့ ကျမတို့ကို အကသင်ပေးတဲ့ ကျောင်းအုပ်ဆရာကြီးရဲ့ သမီး မမကြီးကမေးတယ်။ တေး သရုပ်ဖော် တခု တင်ချင်တယ်။ အဲဒီမှာ မင်းသမီးနေရာက ကမယ့်သူတော့ရှိတယ် ... လူပျက်လုပ်ဖို့ လိုတယ်တဲ့။ အားလုံးမိန်းကလေးတွေချည်းပဲ။ လူပျက် ဘယ်သူမှ မလုပ်ချင်ကြဘူးလေ။ အဲ့မှာ ကျမက “သမီး လုပ်မယ်” လို့ ထပြောတော့ မမကြီးကော ဆရာမတွေကော အံ့သြလိုက်ကြတာ ဆိုတာ။

ကျမက အတန်းထဲမှာလည်း မလှုပ်မခြောက်၊ ခပ်အေးအေး၊ စကားကနည်းနည်း၊ သူများရန်ဖြစ်ရင် ဘယ်တော့မှ မပါ၊ ကျမအစ်မဝမ်းကွဲ ၂ ယောက်ရန်ဖြစ်ကြရင် ကျမက ဘယ်သူ့ဘက်လိုက်ရမှန်း မသိ။ တယောက်က “တူး သူ့ကိုမခေါ်နဲ့” ဆိုရင် “အင်း” နောက်တယောက်က “တူးနော် သူနဲ့မခေါ်နဲ့သိလား” ဆိုလည်း “အင်း” အဲလိုနေတဲ့သူဆိုတာ ဆရာမတွေက သိတာကိုး။

အဲဒီတေးသရုပ်ဖော်သီချင်းက “မုန့်ဆီကြော်” တဲ့။ မေဆွိ ဆိုတယ် ထင်တာပဲ။ စစချင်း မုန့်ဆီကြော် သည်ကလေးက ဗန်းလေးနဲ့ သူ့မုန့်ဆီကြော်ကောင်းကြောင်း၊ ကျွပ်ကြောင်း၊ ပူကြောင်း ဆိုနေ ... ပြီးတော့ တီးလုံးလာ၊ ပြီးတာနဲ့ လူပျက်က “အစ်ကိုရောက်ပြီနော် အပျိုပေါက် ခင်ကျော်ရေ့” ဆိုပြီး ပြေးဝင်လာရတာ။ အဲဒီ လူပျက်ဝင်လာကတည်းက ပရိသတ်က ရီတာလေ။ သူ့နာမည်က ကိုဖိုးတုတ်တဲ့။

“ကိုဖိုးတုတ်”
“ဗျို ဗျို ဗျို့”
“ကျမ်းမာပါရဲ့လားနော်”
“ကိုဖိုးတုတ်”
“ဗျာဗျာဗျာ”
“ချမ်းသာ ပါရဲ့လားနော်”
“နှမလေးရဲ့ မေတ္တာများကြောင့် ကျမ်းမာပါရဲ့ ချမ်းသာ ပါရဲ့နော်”

အဲဒီလို အပြန်အလှန်ပြောကြတဲ့ နေရာမှာ ကျမက ကိုဖိုးတုတ်အဖြစ် ပရိတ်သတ်တွေရီအောင် ကိုးယိုးကားယားတွေ လုပ်ရတာ။ ပြီးတော့ ကောင်မလေးဆီက အချစ်ကိုတောင်း ... ကောင်မလေးက မုန့်ဆီကြော် ပူပူကြီးကို ပါးစပ်ထဲ လာထည့်လို့ လျှာအပူလောင်သွားတာတွေ။ တီးလုံး လာတဲ့အချိန်မှာ ဈေးရောင်းသွားနေတဲ့ ကောင်မလေးကို လိုက်ချောင်းတာတွေ .... အဲဒါတွေကို ပရိသတ်တွေ ရယ်အောင် လုပ်ပြနိုင်တော့ အောက်က ကြည့်နေတဲ့ ဆရာမတွေဆိုတာ ကျမကို တော်တော်အံ့သြ ကုန်ကြတယ်။ အတန်းထဲမှာ ဘာသံမှ မထွက်တဲ့ ကောင်မလေးက ဘယ်လိုပါလိမ့်ပေါ့လေ။ တကယ့် စွာတေးတွေ နာမည်ကြီးတွေတောင် မလုပ်ရဲတဲ့ အလုပ်ကို ကျမက လုပ်ပြခဲ့တာကိုး။

အဲဒီက စလို့ ကျမလည်း “ကိုဖိုးတုတ်” ဆိုတဲ့ နာမည် တွင်ရောပဲ။ အထက်တန်းကျောင်း ရောက်တဲ့ထိ သူငယ်ချင်း ကောင်လေးတွေက “ကိုဖိုးတုတ်” ဆိုပြီး စကြတယ် ..။ ကျမကို တွေ့လိုက်တာနဲ့ လမ်းဟိုဘက်ထိပ် သည်ဘက်ထိပ် လည်း “ကိုဖိုးတုတ် .. ဗျို ဗျို ဗျို” လို့ လှမ်းလှမ်း အော်ကြတယ်။

အဲဒီမုန့်ဆီကြော်သည် သီချင်းကို ခု မမှတ်မိတော့ဘူး။ တပိုင်းတစပဲသိတော့တာ။ မုန့်ဆီကြော် သည်လုပ်တဲ့ သူငယ်ချင်းနာမည်ကတော့ ခင်နွေဦး တဲ့ ခုထိ သန်လျင်မှာ ရှိသေးတယ်။ ကျမတို့ ကျောင်းလေး နာမည်ကတော့ ထန်းနှစ်ပင် မူလတန်းကျောင်းပါ။

လွယ်အိတ် အစိမ်းလေးထဲမှာ ကျောက်သင်ပုန်းနဲ့ ကျောက်တံလေးတွေထည့်လွယ်ပြီး မုန့်ဖိုး တမတ်ကို ကျစ်ကျစ်ပါအောင်ဆုပ်လို့ ကျောင်းတက်ခဲ့တဲ့ ကျမရဲ့ မူလတန်းနေ့ရက်တွေက သိပ်ပျော်စရာ ကောင်းခဲ့ ပါတယ်။ အဲဒီတုန်းက ကျမတို့ ခုခေတ် မူလတန်း ကျောင်းသားတွေလို ကျူရှင်မတက်ရဘူး .. ခုခေတ် မူလတန်းကျောင်းသားတွေလို စာကို အတင်းကာရော မကျက်ရဘူး။

ခုခေတ် မူလတန်း ကလေးတွေလိုတော့ ကာတွန်းကားဒီဗီဒီတို့ ကွန်ပျူတာတို့ ဂိမ်းတို့ ဆိုတာတွေ မရှိဘူးပေါ့။ ဒါပေမယ့် ကျမတို့မှာ အချိန်တွေ အများကြီးရှိတယ်၊ ကာတွန်းစာအုပ်တွေရှိတယ်၊ အင်္ဂါဂြိုဟ်တို့၊ ဖိုးဝတို့ ရှိတယ်၊ ဖိုးဆိတ်ဖြူတို့၊ စံပ မယ်ခတို့၊ ဦးစိတ်တို မျောက်ညိုတို့ ရှိတယ်၊ လွပ်လွပ် လပ်လပ် ပြေးလွှားဆော့ကစားဖို့ ခြံဝင်းကျယ်တွေရှိတယ်၊ ထုတ်စီးတိုး၊ ကိုကိုးတိုး၊ ကုလားမစည်း .... အဲလို ကစားနည်း ပေါင်းစုံ ရှိတယ်။ မယ်လမင်းပါတဲ့ တရုပ်ကလာတဲ့ မုန့်တွေ မရှိဘူး။ ၁၀ ပြာဖိုးဆို ကန်တော့အကြီးကြီးနဲ့အများကြီးရတဲ့ ပဲလှော်မျိုးစုံရှိတယ်။ ခြံထဲမှာ ဇီးသီးနဲ့ မာလကာသီးတွေရှိတယ်။
*
ကျမတို့မှာ မရှိတာတွေ အများကြီးဆိုပေမယ့် ရှိတာတွေလည်း အများကြီးပဲ။ မရတာတွေ အများကြီး ပေမယ့် ရတာတွေလည်း အများကြီးပဲ။ ခုခေတ် မူလတန်းကလေးတွေ နားမလည်နိုင်တဲ့ သင်္ခန်းစာတွေ ကို ကျမတို့ သေချာနားလည်ခဲ့တယ်။ ညအခါ လသာသာ ကစားမလား နားမလား ဆိုတာ ဘာလဲ ကျမတို့သိတယ်။ တကျပ်မှာ ဆယ်ပြားစေ့ ဘယ်နှစေ့ရှိလဲဆိုတာ ကျမတို့သိတယ်။ (တော်တော်လေး ရှည်သွားပြန်ပြီ ... နားဦးမယ်နော်)