စာနယ်ဇင်းသမားဘဝ ကမောက်ကမ ၂

စာနယ်ဇင်းသမားဘဝ ကမောက်ကမ ၁ ကို ရေးပြီးပြီဆိုတော့ကာ ၂ တွေ ၃ တွေကို ရေးဖို့ တာဝန်က ရှိလာပါတယ်။ ကိုယ်က ၁ လို့ လုပ်မိချေတာကိုး။ ရှည်ဦးဟ တူးတူးသာဆိုပြီး ကိုယ့်ကိုယ်ကို ပါးပိတ်ရိုက်ဖို့သာ ကောင်းတော့တယ်။ တကယ်က ကျမ စာမရေးချင်ဘူး။ ပျင်းနေတာ ..။ ဒါပေမယ့်လည်း ကျမရဲ့ စိတ်တွေက စာတွေအရမ်းရေးနေချင်တယ်။ စိတ်က ရေးချင်တာကို လက်က မလိုက်နိုင်တာလည်း ဒုက္ခနော်။ ဒီကြားထဲ မြှောက်ပေးသူ (အဆင်းဘီးတပ်ပေးသူ) တွေကလည်း ဒုနဲ့ဒေး ဆိုတော့ ကိုယ်စတဲ့ဇာတ်လမ်း ကိုယ် အဆုံးသတ်မှဖြစ်မယ် ဆိုပြီး ကွန်ပျူတာ အစုတ်ကလေးရှေ့ ထိုင်ရတော့တာ ဖြစ်ပါတယ်။ ကဲ ရေးတော့မယ်။ ကမောက်ကမ ဆိုတဲ့အတိုင်း တကယ့် ကမောက်ကမပါ။ ၁ မှာက ကိုလေးဖြူနဲ့ အင်တာဗျူးကို ရေးလိုက်မိပြီ။ ခုက တကယ့်ဒီလောကထဲ စဝင်ဖြစ်တဲ့အကြောင်း ရေးပါမယ်။ ဒါပေမယ့် ဒုတိယမြောက် ရေးတာ ဆိုတော့ ၂ လို့တပ်မယ်။ ဘယ်လိုမှမအောင့်မေ့ပါနဲ့။ တူးတူးသာကိုက ကမောက်ကမ ဖြစ်နေတာပါ ...။

အင်တာဗျူးရဲ့ အင်တာဗျူး

အဲဒီနေ့က နေလည်းမသာ၊ မိုးလည်း မရွာပါ။ (ဘယ်နေသာမလဲ ညကြီးကိုး။ ဘယ်မိုးရွာမလဲ မိုးတွင်းမှ မဟုတ်တာ :P) ဒီကိစ္စကို အစပြုတဲ့ ကျမရဲ့ ချစ်လှစွာသော ညီမလေး မနှင်းငုံက ကျမကို ကြော်ငြာတခု ပြတဲ့ အချိန်က တခုသော နွေရာသီရဲ့ ညတညပေါ့ .... ။

ဂျီတီအိုင် ကျောင်းတော်ကြီးကဆင်းပြီး ဟုတ်ပြီဟုတ်ရဲ့နဲ့ ဆမ်ဆောင်ဆားဗစ်စင်တာမှာ အလုပ်ဝင် ...။ အင်ဂျင်နီယာ ကံမပါဘူးဘဲ ပြောရမလားမသိ (တကယ်က စာရူးပေရူးပဲလုပ်ချင်နေတာ) ။ အဲဒီတုန်းက ဇော်ဝင်းထွတ်နဲ့ ရင်ဂို ဆိုတဲ့ အိပ်မက်လမ်းသီချင်းကို လမ်းဘေးလက်ဘက်ရည်ဆိုင် တဆိုင်ကဖွင့်နေတာ ကြားတာနဲ့ ကိုယ်လိုရာ ကိုယ်ဆွဲတွေးပြီး ငါတော့ စာပေလောကကိုပဲ ခြေစုံပစ် ဝင်တော့မဟဲ့လို့ ဆုံးဖြတ် ...၊ လစာကော ကော်မရှင်ပါ ကောင်းတဲ့ အလုပ်ကနေ မိုက်မိုက်ကမ်းကမ်း ထွက်ခဲ့တာ (လိုက်မလုပ် ကြနဲ့နော်)။

ကျမရဲ့ ညီမလေး မနှင်းငုံက ကျမရူးတာကိုသိတော့ (သူလည်းစာရူးပဲလေ၊ ကျမလောက်သာ မပေါရဲတာ) တရက် ကျမကို ကြော်ငြာတခုပြတယ်။ လစ်ဗင်းကာလာက ကြော်ငြာပါ။ အမှန်အတိုင်းပြောရရင် ကျမ အဲဒီ အချိန်က အဲဒီမဂ္ဂဇင်းကို သေချာကို မဖတ်ဖူးဘူး။ လူက ရသမှ ရသ ဆိုပြီးအော်နေတာ ဆိုတော့ စီးပွားရေးနဲ့ ကြော်ငြာမဂ္ဂဇင်း ဘယ်ဖတ်ဘူးမှာလဲ။ ဒါပေမယ့် အဲဒီထဲက ကြော်ငြာကတော့ စိတ်ဝင်စားစရာ ...။

အယ်ဒီတာ ခေါ်တာလေ။ ရသ မဟုတ်ပေမယ့် ကျမလုပ်ချင်တဲ့ စာပေအလုပ်နဲ့ နီးစပ်တယ်မဟုတ်လား။ အဲဒီမှာ သူက ဆောင်းပါးတပုဒ်ရေးတင်ရမယ်လို့ ပါတယ်။ ကိုယ်နေထိုင်ရာ မြို့နယ်က စီးပွားရေးတခုခုနဲ့ ပတ်သက်တဲ့ ဆောင်းပါး တပုဒ်ကို စီဗီဖောင်နဲ့အတူ ရေးတင်ပါတဲ့။ ကျမက ညီမလေးကို အထွန့်တက်တယ် “ဟာ ငါက ဘယ်လို ဆောင်းပါး ရေးရမှာလဲဟ” ဆိုတော့ သူက ဆရာမကြီးစတိုင်နဲ့ “မတူးတို့ မြို့မှာ ဘာပေါလဲ” တဲ့။

“ဘာပေါရမှာလဲ။ ငါတို့မြို့မှာ လက်ဘက်ရည်ဆိုင်ပဲ ပေါတာ” ဆိုတော့ ညီမက “အဲဒါဆို မတူး လက်ဘက်ရည် ဆိုင် စီးပွားရေးအကြောင်း ရေးပေါ့” လို့ အကြံပေးတယ်။ ကျမကလည်း လက်ဘက်ရည်ဆိုင်ဆို ထိုင်ပြီး အာရိုက်ရတာ၊ သောက်ရတာ၊ ရေနွေးအိုး တအိုးပြီး တအိုး ကုန်တဲ့ထိ ကိုယ့်အိမ်ကိုယ့်ယာလို မထတန်း နေရတာ ကြိုက်တဲ့သူဆိုတော့ အိုကေပေါ့။ ငါရေးပြီး လျှောက်ကြည့်လိုက်ဦးမယ် ဆိုတာက စတာပါပဲ။ အရူးကျော နင်းမိတယ် ဆိုမလားတော့မသိဘူး။

ကျမလည်း လက်ဘက်ရည်ဆိုင် ဆောင်းပါးကို တက်သလောက်မှတ်သလောက်ရေး (ခုပြန်စဉ်းစားတော့ အဲဒါ ဆောင်းပါးမှ မဟုတ်ဘဲ။ ဝတ္ထုလိုလို ဘာလိုလိုနဲ့) အဲဒီရုံးကိုသွားပြီး လျှောက်လွှာတင်လိုက်တယ်။ ပြီးတော့ မေ့မေ့ ပျောက်ပျောက်ပဲ နေလိုက်တယ်။ အမေကတော့ အလုပ်မရှိဘဲ ယောင်ခြောက်ဆယ် လုပ်နေတဲ့ ကျမကို တပွမ်ပွမ်ပေါ့လေ။ ဒီကြားထဲ ကျမဦးလေး ဦးအောင်ပြည့်ထိုင်တဲ့ ၄၆ လမ်းက ဝါနီပြာ တိုက်ကိုသွား။ ဟို ယောင်ယောင် ဒီယောင်ယောင်လုပ်။ သူတို့နဲ့ (သူတို့ဆိုတာ ဦးအောင်ပြည့်ရယ်၊ ပန်းချီ မောင်မောင်သိုက်ရဲ့ တူ ဒီဇိုင်းကိုစည်သူရယ်၊ ကျမလိုပဲ ဟိုယောင်ယောင် ဒီယောင်ယောင် လုပ်နေတဲ့ ဦးသိုက်ရဲ့ နောက်တူတယောက် ဖြစ်တဲ့ ချစ်စမ်းရယ်ပေါ့) လက်ဘက်ရည်သောက်၊ အာရိုက်၊ အလုပ်လေးဘာလေး ဝိုင်းလုပ်ပေး။ အလုပ်ဆိုလို့ တခါ ဝိုင်းလုပ်ပေးဖူးတာလေး ပြောရဦးမယ်။ မှတ်မှတ်ရရ ဆရာဇော်ဇော်အောင်ရဲ့ “မနှင်းဆီကို ကျနော်ချစ်သည်” ဆိုတဲ့စကား ကိုပဲ ပတ်လည်ရိုက်၊ ဝလုံးပုံလေး ရေးထားတဲ့ ကဗျာလား ဝတ္ထုလား မသိတဲ့ စာမျက်နှာမှာ ဖဲပြား ဝါလေးတွေ ကော်နဲ့ ကပ်ရတာ။ မဂ္ဂဇင်း တအုပ်ပြီးတအုပ် ကပ်ရတာပဲ (ထွင်ချက်) ။

မကြာဘူး ဝါနီပြာလည်း သက်ဇိုး မရှည်ရှာပါဘူး ပြုတ်ကရော။ ကျမလည်း ရောင်ခြောက်ဆယ် ဘဝက မတက်ဘဲ ဒီတိုင်းပေပြီးနေနေတာ။ လစ်ဗင်းကာလာကို လျှောက်ထားတာလည်း မေ့နေတာ။ မေ့ဆို လျှောက်တာပဲ ၄၊ ၅၊ ၆ လ ရှိနေပြီဆိုတော့ သူလည်း ခန့်ပြီးရောပေါ့လို့ တွေးပြီး အမေကျွေးတဲ့ထမင်းကိုစား၊ ရွာရိုးလျှောက်၊ လက်ဘက် ရည် ဆိုင်ထိုင်၊ သယ်ယင်းတွေနဲ့ အာရိုက် အဲလိုလုပ်နေရင်း တရက်သားမှာတော့ ဘေးအိမ်ကို ဖုန်းဝင်လာပါ တော့တယ်။ တူးတူးသာ ဆိုတော့ ကျမလည်း သွားကိုင်လိုက်ရော ဟိုဘက်က “ဟန်ထက်မောင်ပါ” တဲ့။

ဟန်ထက်မောင် ..။ ဘယ်ကဟန်ထက်မောင်လဲပေါ့။ သိမှ မသိဘဲ။ တော်တော်တုံးတဲ့ ကျမ။ သူနဲ့ကျမ အပြန်ပြန်အလှန်လှန်ပြောတဲ့ စကားကို အောက်မှာ ရေးပြမယ်။

“ဟုတ်ကဲ့ တူးတူးသာ ပြောနေပါတယ်”
“သြော် မတူးတူးသာလား။ ကျနော် ဟန်ထက်မောင်ပါ”
“ရှင် ... ဘယ်က ဟန်ထက်မောင်လဲ။ ကျမ မသိပါဘူးရှင်”
“ခင်ဗျာ ... ဟိုဒင်း ... အင်တာဗျူးဂျာနယ်ရဲ့ အယ်ဒီတာချုပ်ပါ” (အင်တာဗျူး ဂျာနယ် .. ဒွတ်ခ .. တခါမှ မကြားဖူးဘူး)
“ဟုတ်ကဲ့၊ ကျမဘာလုပ်ပေးရပါမလဲ”
“သြော်။ မတူးတူးသာကို အင်တာဗျူးမလို့ပါ” (ဟင် ငါက ဆလစ်ဗရစ်တီလည်း မဟုတ်ဘဲနဲ့ ...ထက်ထက်မိုးဦး နဲ့တော့ မမှားတန်ပါဘူးလေ)
“ကျမကိုလားဟင်။ ဘယ်လိုလုပ်ရမလဲ”
“အင်တာဗျူး ဂျာနယ်တိုက်ကိုလာခဲ့ပါ။ ဒီနေ့ နေ့လည် ၁ နာရီအရောက်နော်။ မတူးတူးသာ အင်တာဗျူး ဝင်ရမယ်”
“ဟို ... ဘယ်လိုလာရမလဲဟင်” (အဲလောက်ဒူတာ)
“ရေတာရှည် လမ်းသစ်လမ်း ရောက်အောင်သာလာခဲ့ လမ်းထိပ်ရောက်ရင် .... ကိုဖုန်းဆက်လိုက်” (စိတ်မရှည်သံနဲ့။ တကယ်က အဲလောက်ပြောပြတာတောင် တော်လှပြီလေ)
“ဟုတ်၊ ဟုတ်ကဲ့ပါ”
“ဂွပ်”

တူးတူးသာတို့ အသုံးမကျလိုက်ပုံများ။ အဲဒီဟန်ထက်မောင်ဆိုတာ လစ်ဗင်းကာလာ မဂ္ဂဇင်းရဲ့ ပင်တိုင်ဆောင်းပါး ရှင်တဲ့။ ကာဗာစတိုရီတွေ ရေးတာဆိုပဲ။ ကျမကမသိဆို ခုဏပြောခဲ့သလို လစ်ဗင်းကာလာမှ မဖတ်ဖြစ်ဘဲကိုး။ သူကတော့ ဒီလာက်နိုင်ငံကျော် မဂ္ဂဇင်းကြီးက ပင်တိုင်ဆောင်းပါးရှင်ဆိုတော့ သိမှာပဲဆိုပြီး ... နောက် ဒီမဂ္ဂဇင်းမှာ အယ်ဒီတာ လျှောက်ထားတဲ့သူ ဆိုတော့ သိကိုသိရမယ်ပေါ့လေ။ အဲလိုတွက်ပုံရတာ။ ပြီးတော့ သူက အယ်ချုပ် ကျမကို အလုပ်ပေးမယ့်သူ ....။

အချုပ်ဆိုရသော် ကျမ တယောက် ဘုမသိဘမသိ အင်တာဗျူးတိုက်ကို ရောက်သွား၊ ဟိုမှာ အခန်းကျဉ်းလေးထဲ လူတွေ ရုတ်ရုတ် ရုတ်ရုတ်လုပ်နေကြ။ ငါလျှောက်တာ လစ်ဗင်းကာလာပါ။ ဘယ့်နှယ် တခါမှ မကြားဖူးတဲ့ အင်တာဗျူးဂျာနယ်က ဝင်ပါလာတာပါလိမ့်ပေါ့။ ကြောင်တောင်တောင်နဲ့ တွေးရင်း ထိုင်စောင့်နေ။ အဲ့တုန်းက အင်တာဗျူးဂျာနယ်က ပထမဆုံးအစ်ရှူးပဲ ထွက်ရ သေးတာလေ။ အဲဒီတော့ ဘယ်သိပါ့မလဲ။ ပုလင်းဖင် မျက်မှန်ကြီးနဲ့ ခပ်ပြုံးပြုံးခပ်ဝဝ အကိုကြီးကိုလည်း ကိုဟန်ထက်မောင်လို့ ဘယ်သိပါ့မလဲ။ လားလား ကျမကို ဝင်ခဲ့ပါဆိုခေါ်ပြီး ဗျူးတော့တာကိုး။ ဆလီဗရစ်တီ မို့လို့ ဗျူးတာမဟုတ်ပါဘူး။ အလုပ်ခန့်မလို့ အင်တာဗျူးတာပါ။ ဒီလိုတဲ့ ...။

ကျမရဲ့ လစ်ဗင်းကာလာက လျှောက်လွှာကို ကိုဟန်ထက်မောင်က တွေ့တယ်။ လစ်ဗင်းကာလာက ကျမကို မရွေးတော့ အဲဒီလျှောက်လွှာကို သူက (အလားအလာရှိမယ့် ကောင်မလေးပဲဆိုပြီး :P) လိုရမယ်ရ သိမ်းထား လိုက်တယ်။ အဲဒီ ဝတ္ထုမကျ ဆောင်းပါးမကျ အင်္ဂါမစုံတဲ့စာကို သူက အရေးအသားလေး နည်းနည်းညက်တယ် ဆိုပြီးသကာလမှာ အရောင်တင်ပေးလိုက်ရင် တောက်ပြောင်သွားမယ်လို့ ထင်ပုံရပါတယ်။ ခုချိန်မှာတော့ သူ နောင်တရနေလောက်ပြီ။ ဘာလို့ဆို ကျမက ရေးတော့မှာကိုး။ (အမယ်မင်း အရောင်တင်မိတာ မှားပြီအမေရဲ့ လို့တောင် ငိုချင်းချချင်ချနေမှာ)

ထားပါတော့လေ ... အဲဒီမှာ အသားဖြူဖြူ၊ ခပ်ဝဝ၊ ရုပ်ဖြောင့်ဖြောင့်၊ ခန့်ခန့် အန်ကယ်ကြီး (သူ့အကြောင်း ကလည်း ရေးတော့မှာ ဆိုတော့ ခုလိုကြိုပြောထားမှ) တယောက်က ကျမကို အရင်ဗျူးပါတယ်။ အဲဒီ အန်ကယ် ကြီးက ဖိုးသောကြာ (ခေတ်/ မိုး) ပါ။ ခေတ် ဆိုတာ ဗမာ့ခေတ်၊ မိုးဆိုတာ ကတော့ မိုးကြိုးပေါ့။ အဲဒီသတင်းစာ ၂ စောင်မှာ သတင်းထောက်လုပ်ခဲ့တဲ့ အန်ကယ်ကြီးလေ။

ကိုဟန်ထက်မောင်ကလည်း ဆေးပေါ့လိပ်တိုလေးဖွာလိုက်၊ ဒီဇိုင်နာကို ဟိုဟာဒီဟာ ပြောလိုက်၊ ကျမကို တချက်တချက် လှည့်ဗျူးလိုက် လုပ်ပါတယ်။ ဗျူးတယ်ဆိုပေမယ့်လည်း တောင်မေးမြောက်မေးပါ။ ဗိုလ်ချုပ်မှူးကြီးနာမည် ဘယ်လိုခေါ်လဲတို့ဘာတို့တော့ ဘယ်မေးမလဲ။ (မေးရင်လည်း ကျမက မသိဘူးလို့ ဖြေမှာပေါ့ :P)

ဘာတွေမေးလဲတောင် မမှတ်မိတော့ပါဘူး။ နောက်ဆုံးမှာတော့ ကျမကို စာမေးပွဲစစ်တယ်။ ကျမ သူတို့အတွက် အင်တာဗျူး တခုလုပ်ပေးရမယ်တဲ့။ အဲဒီအင်တာဗျူုးလုပ်ပြီး ရေးပြီးယူလာနိုင်ရင် အလုပ်ရပြီတဲ့။ ကဲ ... လုပ်မယ်ပေါ့ ကျမက။ ဘယ်သူလဲ ဆိုတော့ .... ဘုရား ဘုရား အင်တာဗျူးတဲ့သူမှန်သမျှကို ဘုဂလန့် လုပ် လုပ်လွှတ်တတ်တဲ့ စာရေးဆရာမင်းလူ တဲ့။ မေးရမယ့် မေးခွန်းကတော့ ၃၃ လမ်းထဲက စာရေးဆရာတွေ ထိုင်တဲ့ လက်ဘက်ရည်ဆိုင်ကို လေထန်ကုန်း လို့ ပေးတဲ့သူက ဆရာမင်းလူလို့ ကြားဖူးပါတယ်။ အဲဒါ ဟုတ်ပါသလား ..။ အဲလို မေးရမှာဆိုပဲ။ (အချွန်နဲ့ မ တာလေ ... ကဲ အပိုင်း ၃ ကို နောက်များမှပဲ)။







6 comments:

Moe Cho Thinn said...

အပိုင်း ၃ ကို ဘာနောက်များမှ လဲ။ မရဘူးနော်။ သူများတွေကို လိုက်လော နေတာ တွေ့ထားတယ်။ အခုရေးပေတော့။
ဗျူးရမဲ့လူကလဲ ကိုမင်းလူ တဲ့။ မြန်မြန်ရေးပါတော့..
:)))))))

ATN said...

အပိုင်း (၁) ကတည်းက ဖတ်နေတာပါဗျာ။
(၂) ရောက်မှ ကောင်းခန်းမှာ ဖြတ်ထားခဲ့တာကတော့ ......

အင်း.... စာနယ်ဇင်းသမားက အဲလိုပဲလား....း)

အပိုင်း တသန်းကျော်အထိ စောင့်ဖတ်ရတော့မှာပေါ့လေ

စူး said...

အမ ဆရာမင်းလူနဲ ဗျူးတာကို ဆရာမင်းလူရေဒတဲ့ စာအုပ်မှာ ဖတ်ထားရတော့ အမအကြောင်းကို သူ့စာအုပ်ကတဆင့် သိခဲ့တာ.. အဟီး..။

မျှော်နေပါမယ်

Andy said...

အော် ဒါကလဲ အခန်းဆက် ဇာတ်လမ်းတွဲကြီးလား

Kaung Kin Ko said...

စောင့်ဖတ်နေတယ် အစ်မရေ။

tututha said...

ဝတ် လည်တယ်ဆိုတာ ဒါမျိုးထင်ပါရဲ့။ ရေးပါ့မယ့် (အဟင့်)